pitru sūktam
udīratāmavara utparāsa unmadhyamāḥ pitaraḥ sōmyāsaḥ |
asuṃ-ya īyuravr̥kā r̥tajñāstē nō'vantu pitarō havēṣu || 1 ||
idaṃ pitr̥bhyō namō astvadyā yē pūrvāsō ya uparāsa īyuḥ |
yē pārthivē rajasyā niṣattā yē vā nūnaṃ suvr̥janāsu vikṣu || 2 ||
āhaṃ pitr̥̄nsuvidatrāṃ avitsi napātaṃ ca vikramaṇaṃ ca viṣṇōḥ |
bar-hiṣadō yē svadhayā sutasya bhajanta pitvasta ihāgamiṣṭhāḥ || 3 ||
bar-hiṣadaḥ pitara ūtyārvāgimā vō havyā cakr̥mā juṣadhvam |
ta ā gatāvasā śantamēnāthā naḥ śaṃ-yōrarapō dadhāta || 4 ||
upahūtāḥ pitaraḥ sōmyāsō bar-hiṣyēṣu nidhiṣu priyēṣu |
ta ā gamantu ta iha śruvantvadhi bruvantu tē'vantvasmān || 5 ||
ācyā jānu dakṣiṇatō niṣadyēmaṃ-yajñamabhi gr̥ṇīta viśvē |
mā hiṃsiṣṭa pitaraḥ kēna cinnō yadvā āgaḥ puruṣatā karāma || 6 ||
āsīnāsō aruṇīnāmupasthē rayiṃ dhatta dāśuṣē martyāya |
putrēbhyaḥ pitarastasya vasvaḥ pra yacchatā ta ihōrjaṃ dadhāta || 7 ||
yē naḥ pūrvē pitaraḥ sōmyāsō'nūhirē sōmapīthaṃ-vasiṣṭhāḥ |
tēbhira-yamaḥ saṃrarāṇō havīṃṣyuśannuśadbhiḥ pratikāmamat-tu || 8 ||
yē tāt r̥ṣurdēvatrā jēhamānā hōtrāvidaḥ stōmataṣṭāsō arkāiḥ |
āgnē yāhi suvidatrēbhirarvāṅ sataiḥ kavyāiḥ pitr̥bhirgharmasadbhiḥ || 9 ||
yē satyāsō haviradō haviṣpā indrēṇa dēvāiḥ saratʰaṃ dadhānāḥ |
āgnē yāhi sahasraṃ dēvavandāiḥ parāiḥ pūrvāiḥ pitr̥bhirgharmasadbhiḥ || 10 ||
agniṣvāt-tāḥ pitara ēha gacchata sadaḥsadaḥ sadata supraṇītayaḥ |
at-tā havīṃṣi prayatāni bar-hiṣyathā rayiṃ sarvavīraṃ dadhātana || 11 ||
tvamagna īḷitō jātavēdō'vāḍḍhavyāni surabhīṇi kr̥tvī |
prādāḥ pit r̥bhyaḥ svadhayā tē akṣannaddi tvaṃ dēva prayatā havīṃṣi || 12 ||
yē cēha pitarō yē ca nēha yāṃśca vidma yāu ca na pravidma |
tvaṃ-vēttha yati tē jātavēdaḥ svadhābhir-yajñaṃ sukr̥taṃ juṣasva || 13 ||
yē agnidagdhā yē anagnidagdhā madhyē divaḥ svadhayā mādayantē |
tēbhiḥ svarāḷasunītimētāṃ-yathāvaśaṃ tanvaṃ kalpayasva || 14 ||
ōṃ śāntiḥ śāntiḥ śāntiḥ ||