Panchashloki Ganesha Puranam
śrī vighnēśapurāṇasāramuditaṃ vyāsāya dhātrā purā
tatkhaṇḍaṃ prathamaṃ mahāgaṇapatēścōpāsanākhyaṃ yathā |
saṃhartuṃ tripuraṃ śivēna gaṇapasyādau kṛtaṃ pūjanaṃ
kartuṃ sṛṣṭimimāṃ stutaḥ sa vidhinā vyāsēna buddhyāptayē || 1 ||
saṅkaṣṭyāśca vināyakasya ca manōḥ sthānasya tīrthasya vai
dūrvāṇāṃ mahimēti bhaktacaritaṃ tatpārthivasyārcanam |
tēbhyō yairyadabhīpsitaṃ gaṇapatistattatpratuṣṭō dadau
sarvāna samartha ēva kathituṃ brahmā kutō mānavaḥ || 2 ||
krīdākāṇḍamathō vadē kṛtayugē śvētacchaviḥ kāśyapaḥ
siṃhāṅkaḥ sa vināyakō daśabhujō bhūtvātha kāśīṃ yayau |
hatvā tatra narāntakaṃ tadanujaṃ dēvāntakaṃ dānavam
trētāyāṃ śivanandanō rasabhujō jātō mayūradhvajaḥ || 3 ||
hatvā taṃ kamalāsuraṃ ca sagaṇaṃ sindhuṃ mahādaityapaṃ
paścāt siddhimatīsutē kamalajastasmai ca jñānaṃ dadau |
dvāpārē tu gajānanō yugabhujō gaurīsutaḥ sinduraṃ
sammardya svakarēṇa taṃ nijamukhē cākhudhvazō liptavān || 4 ||
gītāyā upadēśa ēva hi kṛtō rājñē varēṇyāya vai
tuṣṭāyātha ca dhūmrakēturabhidhō vipraḥ sadharmardhikaḥ |
aśvāṅkō dvibhujō sitō gaṇapatirmmēchāntakaḥ svarṇadaḥ
krīdākāṇḍamidaṃ gaṇasya hariṇā prōktaṃ vidhātrē purā || 5 ||
Phalaśruti:
ētacchlōkasupañcakaṃ pratidinaṃ bhaktyā paṭhēdhyaḥ pumān |
nirvāṇaṃ paramaṃ vrajētsa sakalān bhuktvā subhōgānapi ||
iti pañcaślōkī gaṇēśa purāṇam |