Nirvana Shatakam
manō budhyahaṅkāra cittāni nāhaṃ
na ca śrōtraṃ na jihvā na ca ghrāṇanētrē |
na ca vyōma bhūmi rna tējō na vāyuḥ
cidānanda rūpaḥ śivōhaṃ śivōhaṃ || 1 ||
naca prāṇa sañjñō na vaipañca vāyuḥ
na vā saptadhātu rnavā pañca kōśāḥ |
navākpāṇi pādau na cōpastha pāyū
cidānanda rūpaḥ śivōhaṃ śivōhaṃ || 2 ||
na mē dvēṣarāgau na mē lōbhamōhō
madō naiva mē naiva mātsaryabhāvaḥ |
na dharmō na cārdhō na kāmō na mōkṣaḥ
cidānanda rūpaḥ śivōhaṃ śivōhaṃ || 3 ||
na puṇyaṃ na pāpaṃ na saukhyaṃ na duḥkhaṃ
na mantrō na tīrdhaṃ na vēdā na yajñaḥ |
ahaṃ bhōjanaṃ naiva bhōjyaṃ na bhōktā
cidānanda rūpaḥ śivōhaṃ śivōhaṃ || 4 ||
na mē mṛtyu rna śaṅkā na mē jāti bhēdaḥ
pitā naiva mē naiva mātā na janma |
na bandhu rna mitraṃ gururnaiva śiṣyaḥ
cidānanda rūpaḥ śivōhaṃ śivōhaṃ || 5 ||
ahaṃ nirvikalpō nirākāra rūpō
vibhūtvācca sarvatra sarvēndriyāṇām |
na ca saṅgataṃ naiva muktir na mēyaḥ
cidānanda rūpaḥ śivōhaṃ śivōhaṃ || 6 ||
iti śrīmacchaṅkarācārya viracitaṃ nirvāṇa ṣaṭkaṃ saṃpūrṇam ||