Maha Mrityunjaya Stotram
rudraṃ paśupatiṃ sthāṇuṃ nīlakaṇṭhamumāpatim |
namāmi śirasā devaṃ kiṃ no mṛtyuḥ kariṣyati || 1 ||
nīlakaṇṭhaṃ kālamūrtiṃ kālajñaṃ kālanāśanam |
namāmi śirasā devaṃ kiṃ no mṛtyuḥ kariṣyati || 2 ||
nīlakaṇṭhaṃ virūpākṣaṃ nirmalaṃ nilayapradam |
namāmi śirasā devaṃ kiṃ no mṛtyuḥ kariṣyati || 3 ||
vāmadevaṃ mahādevaṃ lokanāthaṃ jagadgurum |
namāmi śirasā devaṃ kiṃ no mṛtyuḥ kariṣyati || 4 ||
devadevaṃ jagannāthaṃ deveśaṃ vṛṣabhadhvajam |
namāmi śirasā devaṃ kiṃ no mṛtyuḥ kariṣyati || 5 ||
gaṅgādharaṃ mahādevaṃ sarvābharaṇabhūṣitam |
namāmi śirasā devaṃ kiṃ no mṛtyuḥ kariṣyati || 6 ||
tryakṣaṃ caturbhujaṃ śāntaṃ jaṭāmakuṭadhāriṇam |
namāmi śirasā devaṃ kiṃ no mṛtyuḥ kariṣyati || 7 ||
bhasmoddhūḷitasarvāṅgaṃ nāgābharaṇabhūṣitam |
namāmi śirasā devaṃ kiṃ no mṛtyuḥ kariṣyati || 8 ||
anantamavyayaṃ śāntaṃ akṣamālādharaṃ haram |
namāmi śirasā devaṃ kiṃ no mṛtyuḥ kariṣyati || 9 ||
ānandaṃ paramaṃ nityaṃ kaivalyapadadāyinam |
namāmi śirasā devaṃ kiṃ no mṛtyuḥ kariṣyati || 10 ||
ardhanārīśvaraṃ devaṃ pārvatīprāṇanāyakam |
namāmi śirasā devaṃ kiṃ no mṛtyuḥ kariṣyati || 11 ||
praḷayasthitikartāramādikartāramīśvaram |
namāmi śirasā devaṃ kiṃ no mṛtyuḥ kariṣyati || 12 ||
vyomakeśaṃ virūpākṣaṃ candrārdhakṛtaśekharam |
namāmi śirasā devaṃ kiṃ no mṛtyuḥ kariṣyati || 13 ||
gaṅgādharaṃ śaśidharaṃ śaṅkaraṃ śūlapāṇinam |
namāmi śirasā devaṃ kiṃ no mṛtyuḥ kariṣyati || 14 ||
anāthaḥ paramānandaṃ kaivalyaḥpadagāminam |
namāmi śirasā devaṃ kiṃ no mṛtyuḥ kariṣyati || 15 ||
svargāpavargadātāraṃ sṛṣṭisthityantakāraṇam |
namāmi śirasā devaṃ kiṃ no mṛtyuḥ kariṣyati || 16 ||
kalpāyurdehi me puṇyaṃ yāvadāyurarogatām |
namāmi śirasā devaṃ kiṃ no mṛtyuḥ kariṣyati || 17 ||
śiveśānāṃ mahādevaṃ vāmadevaṃ sadāśivam |
namāmi śirasā devaṃ kiṃ no mṛtyuḥ kariṣyati || 18 ||
utpattisthitisaṃhārakartāramīśvaraṃ gurum |
namāmi śirasā devaṃ kiṃ no mṛtyuḥ kariṣyati || 19 ||
mārkaṇḍeyakṛtaṃ stotraṃ yaḥ paṭhecchivasannidhau |
tasya mṛtyubhayaṃ nāsti nāgnicōrabhayaṃ kvacit || 20 ||
śatāvartaṃ prakartavyaṃ saṅkaṭe kaṣṭanāśanam |
śucirbhūtvā paṭhet stotraṃ sarvasiddhipradāyakam || 21 ||
mṛtyuñjaya mahādeva trāhi māṃ śaraṇāgatam |
janmamṛtyujarārogaiḥ pīḍitaṃ karmabandhanaiḥ || 22 ||
tāvakastvadgataḥ prāṇastvaccitto’haṃ sadā mṛḍ |
iti vijñāpy deveśaṃ tryambakākhyamanaṃ japet || 23 ||
namaḥ śivāya sāmbāya haraye paramātmane |
praṇatakleśanāśāya yogināṃ pataye namaḥ || 24 ||
iti śrī mahā mṛtyuñjaya stotraṃ saṃpūrṇam ||