Lingashtakam
brahmamurāri surārcita liṅgaṃ
nirmalabhāsitaśōbhita liṅgaṃ |
janmajaduḥkhavināśaka liṅgaṃ
tat praṇamāmi sadāśiva liṅgaṃ || 1 ||
devamunipravarārcita liṅgaṃ
kāmadahana karuṇākara liṅgaṃ |
rāvaṇadarpavināśana liṅgaṃ
tat praṇamāmi sadāśiva liṅgaṃ || 2 ||
sarvasugandhisulēpita liṅgaṃ
buddhivivardhanakāraṇa liṅgaṃ |
siddhasurāsuravandita liṅgaṃ
tat praṇamāmi sadāśiva liṅgaṃ || 3 ||
kanakamahāmaṇibhūṣita liṅgaṃ
phanipativēṣṭita śōbhita liṅgaṃ |
dakṣasuyajña vināśana liṅgaṃ
tat praṇamāmi sadāśiva liṅgaṃ || 4 ||
kuṅkumacandanalēpita liṅgaṃ
paṅkajahārasuśōbhita liṅgaṃ |
sañcitapāpavināśana liṅgaṃ
tat praṇamāmi sadāśiva liṅgaṃ || 5 ||
devagaṇārcita sēvita liṅgaṃ
bhāvairbhaktibhirēva ca liṅgaṃ |
dinakarakōṭiprabhākara liṅgaṃ
tat praṇamāmi sadāśiva liṅgaṃ || 6 ||
aṣṭadalōparivēṣṭita liṅgaṃ
sarvasamudbhavakāraṇa liṅgaṃ |
aṣṭadaridravināśana liṅgaṃ
tat praṇamāmi sadāśiva liṅgaṃ || 7 ||
suragurusuravarapūjita liṅgaṃ
suravanapuṣpa sadārcita liṅgaṃ |
paramapadaṃ paramātmaka liṅgaṃ
tat praṇamāmi sadāśiva liṅgaṃ || 8 ||
liṅgāṣṭakamidaṃ puṇyaṃ yaḥ paṭhēt śivasannidhau |
śivalōkamavāpnōti śivēna saha mōdate ||
iti śrī liṅgāṣṭakaṃ |