Kashi Panchakam
manō nivṛttiḥ paramōpaśāntiḥ sā tīrthavaryā maṇikarṇikā ca
jñānapravāhā vimalādigāṅgā sā kāśikāhaṃ nijabōdharūpā || 1 ||
yasyāmidam kalpitamiṇdra-jālaṃ carācaraṃ bhāti manōvilāsam
saccitsukhaikā paramātmarūpā sā kāśikāhaṃ nijabōdharūpā || 2 ||
kōśēṣu pañcasvadhi-rājamānā buddhir-bhavānī pratidēhagēham
sākṣī śivaḥ sarvagatō’ntarātmā sā kāśikāhaṃ nijabōdharūpā || 3 ||
kāśyā hi kāśata kāśī kāśī sarvaprakāśikā
sā kāśī viditā yēna tēna prāptā hi kāśikā || 4 ||
kāśī-kṣēttraṃ śarīraṃ tribhuvana-jananī vyāpinī jñānagāṅgā
bhakti śraddhā gayēyam nijaguru-caraṇadhyānayōgaḥ prayāgaḥ
viśvēśō’yaṃ turīyaḥ sakalajanamanaḥ sākṣibhūtō’ntarātmā
dēhē sarvaṃ madīyē yadi vasati punastīrtthamanyat-kimasti || 5 ||
iti śrīmacchaṅkarabhagavataḥ kṛtau kāśī pañcakam ||