gō sūktam
ā gāvō agmannuta bhadramakrantsīdaṃtu gōṣṭhē raṇayaṃtvasmē |
prajāvatīḥ pururupā iha syurindrāya pūrvīruṣasō duhānāḥ || 1 ||
indrō yajvanē pr̥ṇatē ca śikṣatyupēddadāti na svaṃ māṣuyati |
bhūyōbhūyō rayimidasya vardhayannabhinnē khilyē ni dadhāti dēvayum || 2 ||
na tā naśanti na dabhāti taskarō nāsāmāmitrō vyathirā dadhar-ṣati |
dēvāṃśca yābhiryajatē dadāti ca jyōgittābhiḥ sacatē gōpatiḥ saha || 3 ||
na tā arvā rēṇukakāṭō aśnutē na saṃskr̥tatramupa yanti tā abhi |
urugāyamabhayaṃ tasya tā anu gāvō martasya vi caranti yajvanaḥ || 4 ||
gāvō bhagō gāva indrō ma acchān gāvaḥ sōmasya prathamasya bhakṣaḥ |
imā yā gāvō sa janāsa indra icchāmīddhr̥dā manasā cidindram || 5 ||
yūyaṃ gāvō mēdayathā kr̥śaṃ cidaśrīraṃ citkr̥ṇuthā supratīkam |
bhadraṃ gr̥haṃ kr̥ṇutha bhadravācō br̥hadvō vaya ucyatē sabhāsu || 6 ||
prajāvatīḥ sūyavasaṃ riśantīḥ śuddhā apaḥ suprapāṇē pibantīḥ |
mā vaḥ stēna īśata māghaśamsaḥ pari vō hēti rudrasya vr̥jyāḥ || 7 ||
upēdamupaparcana māsū gōṣūpa pr̥cyatām |
upa r̥ṣabhasya rētas-yupēndra tava vīryē || 8 ||
ōṃ śāntiḥ śāntiḥ śāntiḥ ||