dēvī sūktam
ōṃ ahaṃ rudrēbhirvasubhiścarāmyahamādityāiruta viśvadēvāiḥ |
ahaṃ mitrāvaruṇōbhā bibharmyahamindrāgnī ahamāśvinōbhā || 1 ||
ahaṃ sōmamāhananaṃ bibharmyahaṃ tvaṣṭāramuta pūṣaṇaṃ bhagam |
ahaṃ dadhāmi draviṇaṃ haviṣmatē suprāvyē yajamānāya sunvatē || 2 ||
ahaṃ rāṣṭrī saṅgamanī vasūnāṃ cikituṣī prathamā yajñiyānām |
tāṃ mā dēvā vyadadhuḥ purutrā bhūristhātrāṃ bhūryāvēśayantīm || 3 ||
mayā sō annamatti yō vipaśyati yaḥ prāṇiti ya īṃ śr̥ṇōtyuktam |
amantavō māṃ ta upakṣiyanti śrudhi śruta śraddhivaṃ tē vadāmi || 4 ||
ahamēva svayamidaṃ vadāmi juṣṭaṃ dēvēbhiruta mānuṣēbhiḥ |
yaṃ kāmayē taṃ tamugraṃ kr̥ṇōmi taṃ brahmāṇaṃ tamr̥ṣiṃ taṃ sumēdhām || 5 ||
ahaṃ rudrāya dhanurātanōmi brahmadviṣē śaravē hantavā u |
ahaṃ janāya samadaṃ kr̥ṇōmyahaṃ dyāvāpr̥thivī āvivēśa || 6 ||
ahaṃ suvē pitaramasya mūrthan mama yōnirapsvantaḥ samudrē |
tatō vitiṣṭhē bhuvanānu viśvō tāmūṃ dyāṃ varṣmaṇōpasp r̥śāmi || 7 ||
ahamēva vāta iva pravāmyā rabhamāṇā bhuvanāni viśvā |
parō divā paraēnā pr̥thivyā tāvatī mahinā sambabhūva || 8 ||
iti r̥gvēdōkta dēvīsūktaṃ samāptam ||
|| ōm tat sat ||