Daridrya Dahana Shiva Stotram
viśvēśvarāya narakārṇava tāraṇāya
karṇāmṛtāya śaśiśēkharadhāraṇāya |
karpūrakāntidhavalāya jaṭādharāya
dāridrya duḥkha dahanāya namaḥ śivāya || 1 ||
gaurīpriyāya rajanīśakalādharāya
kālāntakāya bhujagādhipakaṅkaṇāya |
gaṅgādharāya gajarājavimardanāya
dāridrya duḥkha dahanāya namaḥ śivāya || 2 ||
bhaktipriyāya bhavarōgabhayāpahāya
ugrāya duḥkhabhavasāgaratāraṇāya |
jyōtirmayāya guṇanāmasunṛtyakāya
dāridrya duḥkha dahanāya namaḥ śivāya || 3 ||
carmāmbarāya śavabhasmavilēpanāya
phālēkṣaṇāya maṇikuṇḍalamaṇḍitāya |
mañjīrapādayugalāya jaṭādharāya
dāridrya duḥkha dahanāya namaḥ śivāya || 4 ||
pañcānanāya phanirājavibhūṣaṇāya
hēmāṃśukāya bhuvanatrayamaṇḍitāya |
ānandabhūmivaradāya tamōpahāya
dāridrya duḥkha dahanāya namaḥ śivāya || 5 ||
bhānupriyāya bhavasāgaratāraṇāya
kālāntakāya kamalāsanapūjitāya |
nētratrayāya śubhalakṣaṇa lakṣitāya
dāridrya duḥkha dahanāya namaḥ śivāya || 6 ||
rāmapriyāya raghunāthavarapradāya
nāgapriyāya narakārṇavatāraṇāya |
puṇyēṣu puṇyabharitāya surārcitāya
dāridrya duḥkha dahanāya namaḥ śivāya || 7 ||
muktīśvarāya phaladāya gaṇēśvarāya
gītapriyāya vṛṣabhēśvaravāhanāya |
mātaṅgacarmavasanāya mahēśvarāya
dāridrya duḥkha dahanāya namaḥ śivāya || 8 ||
vasiṣṭhēna kr̥taṃ stōtraṃ sarvarōganivāraṇam |
sarvasampatkaraṃ śīghraṃ putrapautrādivardhanam |
trisandhyaṃ yaḥ paṭhēnnityaṃ sa hi swargamavāpnuyāt || 9 ||
iti śrī vasiṣṭha viracitaṃ dāridrya dahana śiva stōtram |