brahma stōtram (dēva kr̥tam)
dēvā ūcuḥ |
brahmaṇē brahmavijñānadugdʰōdadʰi vidʰāyinē |
brahmatattvadidr̥kṣūṇāṃ brahmadāya namō namaḥ || 1 ||
kaṣṭasaṃsāramagnānāṃ saṃsārōttārahētavē |
sākṣiṇē sarvabʰūtānāṃ sākṣihīnāya tē namaḥ || 2 ||
sarvadʰātrē vidʰātrē ca sarvadvandvāpahāriṇē |
sarvāvasthāsu sarvēṣāṃ sākṣiṇē vāi namō namaḥ || 3 ||
parātparavihīnāya parāya paramēṣṭʰinē |
parijñānavatāmāttasvarūpāya namō namaḥ || 4 ||
padmajāya pavitrāya padmanābʰasutāya ca |
padmapuṣpāiḥ supūjyāya namaḥ padmadʰarāya ca || 5 ||
surajyēṣṭʰāya sūryādidēvatā tr̥ptikāriṇē |
surāsuranarādīnāṃ sukʰadāya namō namaḥ || 6 ||
vēdʰasē viśvanētrāya viśuddʰajñānarūpiṇē |
vēdavēdyāya vēdāntanidʰayē vāi namō namaḥ || 7 ||
vidʰayē vidʰihīnāya vidʰivākyavidʰāyinē |
vidʰyukta karmaniṣṭʰānāṃ namō vidyāpradāyinē || 8 ||
viriñcāya viśiṣṭāya viśiష్ఠārtiharāya ca |
viṣaṇṇānāṃ viṣādābdʰivimāśāya namō namaḥ || 9 ||
namō hiraṇyagarbʰāya hiraṇyagirivartinē |
hiraṇyadānalabʰyāya hiraṇyātipriyāya ca || 10 ||
śatānanāya śāntāya śaṅkarajñānadāyinē |
śamādisahitāyāiva jñānadāya namō namaḥ || 11 ||
śambʰavē śambʰubʰaktānāṃ śaṅkarāya śarīriṇām |
śāṅkarajñānahīnānāṃ śatravē vāi namō namaḥ || 12 ||
namaḥ svayambʰuvē nityaṃ svayaṃ bʰūbrahmadāyinē |
svayaṃ brahmasvarūpāya svatantrāya parātmanē || 13 ||
druhiṇāya durācāraniratasya durātmanaḥ |
duḥkʰadāyānyajantūnāṃ ātmadāya namō namaḥ || 14 ||
vandyahīnāya vandyāya varadāya parasya ca |
variṣṭʰāya variṣṭʰānāṃ caturvaktrāya vāi namaḥ || 15 ||
prajāpatisamākʰyāya prajānāṃ patayē namaḥ |
prājāpatyaviraktasya namaḥ prajñāpradāyinē || 16 ||
pitāmahāya pitrādikalpanārahitāya ca |
piśunāgamyadēhāya pēśalāya namō namaḥ || 17 ||
jagatkartrē jagadgōptrē jagaddʰantrē parātmanē |
jagaddr̥śyavihīnāya cinmātrajyōtiṣē namaḥ || 18 ||
viśvōttīrṇāya viśvāya viśvahīnāya sākṣiṇē |
svaprakāśāikamānāya namaḥ pūrṇaparātmanē || 19 ||
stutyāya stutihīnāya stōtrarūpāya tattvataḥ |
stōtr̥ṇāmapi sarvēṣāṃ sukʰadāya namō namaḥ || 20 ||
iti skāndapurāṇē sūtasaṃhitāyāṃ dēvakr̥ta brahma stōtram ||