Bilva Dala Puja
tridaḷaṃ triguṇākāraṃ triṇētraṃ ca triyāyudhaṃ |
trijanmapāpasaṃhāraṃ ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
triśākhairbilvapatraiśca acchidraiḥ kōmalaiḥ śubhaiḥ |
tava pūjāṃ kariṣyāmi ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
darśanaṃ bilvavr̥kṣasya sparśanaṃ pāpanāśanaṃ |
aghōrapāpasaṃhāraṃ ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
kāśīkṣētra nivāsaṃ ca kālabhairava darśanaṃ |
prayāgē mādhavaṃ dṛṣṭvā ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
tulasī bilva nirguṇḍī jambīrāmalakaṃ tathā |
pañcabilvamiti khyātaṃ ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
taṭākaṃ dhananikṣēpaṃ brahmasthāpyaṃ śivālayaṃ |
kōṭikanyāmahādānaṃ ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
daṇtyaśvakōṭidānāni aśvamēdha śatāni ca |
kōṭikanyāmahādānaṃ ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
sālagrāmasahasrāṇi viprānnaṃ śatakōṭikaṃ |
yajñakōṭisahasrāṇi ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
ajñānēna kr̥taṃ pāpaṃ jñānēnāpi kr̥taṃ ca yat |
tatsarvaṃ nāśamāyātu ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
ēkaikabilvapatrēṇa kōṭiyajñaphalaṃ labhēt |
mahādēvasyapūjārthaṃ ēkabilvaṃ śivārpaṇam ||
śrī bhavānīśaṅkarasvāminē namaḥ | bilvadaḷamarpayāmi ||
amr̥tōdbhavavr̥kṣasya mahādēvapriyasya ca |
mucyantē kaṇṭakāghātātkaṇṭakēbhyōhi mānavāḥ ||
śrī bhavānīśaṅkarasvāminē namaḥ | bilvadaḷamarpayāmi ||
Kṣamāprārthana
yadakṣarapadabhraṣṭaṃ mātrāhīnaṃ tu yadbhavēt |
tatsarvaṃ kṣamyatāṃ dēva nārāyaṇa namō’stu tē ||
visargabindumātrāṇi padapādākṣarāṇi ca |
nyūnātiriktaṃ yatkiñcidābhirgīrbhirudīrayēt |
ābhirgīrbhiryadatō na ūnamāpyāya harivō vardhamānaḥ |
yadā stōtr̥bhyō mahi gōtrā rujāsi bhūyiṣṭhabhājō adha tē syām |
brahma prāvādiṣma tannō mā hāsīt ||
ōṃ śāntiḥ śāntiḥ śāntiḥ ||