Akshara Parabrahma Yogam
arjuna uvāca |
kiṃ tadbrahma kimadhyātmaṃ kiṃ karma puruṣōttama |
adhibhūtaṃ ca kiṃ prōktamadhidaivaṃ kimucyatē || 1 ||
adhiyajñaḥ kathaṃ kō’tra dēhē’smin madhusūdana |
prayāṇakālē ca kathaṃ jñēyō’si niyatātmabhiḥ || 2 ||
śrībhagavānuvāca |
akṣaraṃ brahma paramaṃ svabhāvō’dhyātmamucyatē |
bhūtabhāvōdbhavakarō visargaḥ karmasaṃjñitaḥ || 3 ||
adhibhūtaṃ kṣarō bhāvaḥ puruṣaścādhidaivatam |
adhiyajñō’hamēvātra dēhē dēhabhṛtāṃ vara || 4 ||
antakālē ca māmēva smaran muktvā kalēvaram |
yaḥ prayāti sa madbhāvaṃ yāti nāstyatra saṃśayaḥ || 5 ||
yaṃ yaṃ vāpi smaran bhāvaṃ tyajatyantē kalēvaram |
taṃ tamēvaiti kauntēya sadā tadbhāvabhāvitaḥ || 6 ||
tasmātsarvēṣu kālēṣu māmanusmara yudhya ca |
mayyarpiṭamanōbuḍḍhirmāmēvaiṣyasyasaṃśayam || 7 ||
abhyāsayōgayuktēna cētasā nānyagāminā |
paramaṃ puruṣaṃ divyaṃ yāti pārthānucintayan || 8 ||
kaviṃ purāṇamanuśāsitāram aṇōraṇīyaṃsamanusmarēdyaḥ |
sarvasya dhātāramacintyarūpam ādityavarṇaṃ tamasaḥ parastāt || 9 ||
prayāṇakālē manasācalēna bhaktyā yuxtō yōgabalēna caiva |
bhruvōrmadhyē prāṇamāvēśya samyak sa taṃ paraṃ puruṣamupaiti divyam || 10 ||
yadakṣaraṃ vēdavidō vadanṭi viśanṭi yadyatayō vīṭarāgāḥ |
yadiicchaṇtō brahmacaryaṃ caraṇti tattē padaṃ saṅgrahēṇa pravaxyē || 11 ||
sarvadvārāṇi saṃyamya manō hṛdi nirudhya ca |
mūrdhnyādhāyātmanaḥ prāṇamāsthitō yōgadhāraṇām || 12 ||
ōmityēkāxaraṃ brahma vyāharaṇ māmanusmaran |
yaḥ prayāti tyajan dēhaṃ sa yāti paramāṃ gatim || 13 ||
ananyacētāḥ satataṃ yō māṃ smarati nityaśaḥ |
tasyāhaṃ sulabhaḥ pārtha nityayuxtasya yōginaḥ || 14 ||
māmupētya punarjanma duḥkhālayamaśāśvatam |
nāpnuvanti mahātmānaḥ saṃsiddhiṃ paramāṃ gatāḥ || 15 ||
ābrahmabhuvanāllōkāḥ punarāvartinō’rjuna |
māmupētya tu kauntēya punarjanma na vidyatē || 16 ||
sahasrayugaparyantam ahar yaḍbrahmaṇō viduḥ |
rātriṃ yugasahasrāntāṃ tē’hōrātravidō janāḥ || 17 ||
avyaktādvyaktayaḥ sarvāḥ prabhavantyaharāgamē |
rātryāgamē pralīyantē tatraivāvyaktasaṃjñakē || 18 ||
bhūtagrāmaḥ sa ēvāyaṃ bhūtvā bhūtvā pralīyatē |
rātryāgamē’vaśaḥ pārtha prabhavatyaharāgamē || 19 ||
parastasmāttu bhāvō’nyō’vyaktō’vyaktātsanātanaḥ |
yaḥ sa sarvēṣu bhūtēṣu naśyatsu na vinaśyatē || 20 ||
avyaktō’kṣara iṭyuxtastaṃ āhuḥ paramāṃ gatim |
yaṃ prāpya na nivartaṇtē taḍḍhāma paramaṃ mama || 21 ||
puruṣaḥ sa paraḥ pārtha bhaktyā labhyastvananyayā |
yasyāntaḥsthāni bhūtāni yēna sarvamidaṃ tatam || 22 ||
yatra kālē tvanāvṛttim āvṛttiṃ caiva yōginaḥ |
prayātā yānti taṃ kālaṃ vaxyāmi bharatarṣabha || 23 ||
agnirjōtirahaḥ śuklaḥ ṣaṇmāsā uttarāyaṇam |
tatra prayātā gacchanti brahma brahmavidō janāḥ || 24 ||
dhūmō rātristathā kṛṣṇaḥ ṣaṇmāsā daxiṇāyanam |
tatra cāndramasaṃ jyōtiryōgī prāpya nivartatē || 25 ||
śuklakṛṣṇē gatī hyētē jagataḥ śāśvatē matē |
ēkayā yātyanāvṛttim anyayāvartatē punaḥ || 26 ||
naitē sṛtī pārtha jānaṇ yōgī muhyati kaścana |
tasmāt sarvēṣu kālēṣu yōgayuktō bhavārjuna || 27 ||
vēdēṣu yajñēṣu tapaḥsu caiva dānēṣu yat puṇyaphalaṃ pradiṣṭam |
atyēti tatsarvamidaṃ viditvā yōgī paraṃ sthānamupaiti cādyam || 28 ||
ōṃ tatsaditi śrīmad-bhagavadgītāsūpaniṣatsu brahmavidyāyāṃ yōgaśāstrē śrīkṛṣṇārjunasaṃvādē akṣarabrahma-yōgō nāmāṣṭamō’dhyāyaḥ ||