Daivasura Sampad Vibhaga Yogam
śrībhagavānuvāca |
abhayaṃ sattvasaṃśuddhirjñānayōgavyavasthitiḥ |
dānaṃ damaśca yajñaśca svādhyāyastapa ārjavam || 1 ||
ahiṃsā satyamakrōdhastyāgaḥ śāntirapaiśunam |
dayā bhūtēṣvalōluptvaṃ mārdavaṃ hrīracāpalam || 2 ||
tējaḥ kṣamā dhṛtiḥ śaucamadrōhō nātimānitā |
bhavanti saṃpadaṃ daivīmabhijātasya bhārata || 3 ||
dambhō darpō’bhimānaśca krōdhaḥ pāruṣyamēva ca |
ajñānaṃ cābhijātasya pārtha saṃpadamāsurīm || 4 ||
daivī saṃpadvimōkṣāya nibaṇdhāyāsurī matā |
mā śucaḥ saṃpadaṃ daivīmabhijātō’si pāṇḍava || 5 ||
dvau bhūtasargau lōkē’smiṇdaiva āsura ēva ca |
daivō vistaraśaḥ prōkta āsuraṃ pārtha mē śṛṇu || 6 ||
pravṛttiṃ ca nivṛttiṃ ca janā na vidurāsurāḥ |
na śaucaṃ nāpi cācārō na satyaṃ tēṣu vidyatē || 7 ||
asatyamapratiṣṭhaṃ tē jagadāhuranīśvaram |
aparasparasaṃbhūtaṃ kimanyatkāmahaitukam || 8 ||
ētāṃ dṛṣṭimavaṣṭabhya naṣṭātmānō’lpabuddhayaḥ |
prabhavantyugrakarmāṇaḥ kṣayāya jagatō’hitāḥ || 9 ||
kāmamāśritya duṣpūraṃ dambhamānamadānvitāḥ |
mōhādgr̥hītvāsadgrāhānpravartantē’śucivratāḥ || 10 ||
cintāmaparimēyāṃ ca pralayāntāmupāśritāḥ |
kāmōpabhōgaparamā ētāvaditi niścitāḥ || 11 ||
āśāpāśaśatairbaḍdhāḥ kāmakrōdhaparāyaṇāḥ |
īhaṇtē kāmabhōgārthamanyāyēnārthasañcayān || 12 ||
idamadya mayā labdhamimaṃ prāpsyē manōratham |
idamastīdamapi mē bhaviṣyati punardhanam || 13 ||
asau mayā hataḥ śatruṛhaniṣyē cāparānapi |
īśvarō’hamahaṃ bhōgī siddhō’haṃ balavānsukhī || 14 ||
āḍhyō’bhijanavānasmi kō’nyōsti saḍr̥śō mayā |
yaxyē dāsyāmi mōdiṣya ityajñānavimōhitāḥ || 15 ||
anēkaciṭṭavibhrāntā mōhajālasamāvr̥tāḥ |
prasaktāḥ kāmabhōgēṣu patanti narakē’śucau || 16 ||
ātmasaṃbhāvitāḥ stabḍhā dhanamānamadānvitāḥ |
yajaṇtē nāmayajñaistē dambhēnāviḍhipūrvakam || 17 ||
ahaṅkāraṃ balaṃ darpaṃ kāmaṃ krōdhaṃ ca saṃśritāḥ |
māmātmaparadēhēṣu pradhviṣaṇtō’bhyasūyakāḥ || 18 ||
tānahṃ dviṣataḥ krūrānsaṃsārēṣu narādhamān |
xipāmyajasramaśubhānāsurīṣvēva yōniṣu || 19 ||
āsurīṃ yōnimāpaṇṇā mūḍhā janmani janmani |
māmaprāpyaiva kauntēya tatō yāntyadhamāṃ gatim || 20 ||
trividhaṃ narakasyēdaṃ dvāraṃ nāśanamātmanaḥ |
kāmaḥ krōdhastattā lōbhastasmādētattrayaṃ tyajēt || 21 ||
ētairvimuxtaḥ kauntēya tamōdvāraistribhirnaraḥ |
ācaratyātmanaḥ śrēyastatō yāti parāṃ gatim || 22 ||
yaḥ śāstravidhimutsṛjya vartatē kāmakārataḥ |
na sa siddhimavāpnōti na sukhaṃ na parāṃ gatim || 23 ||
tasmācchāstraṃ pramāṇaṃ tē kāryākāryavyavasthitau |
jñātvā śāstravidhānōktaṃ karma kartumihārhasi || 24 ||
ōṃ tatsaditi śrīmad-bhagavadgītāsūpaniṣatsu brahmavidyāyāṃ yōgaśāstrē śrīkṛṣṇārjunasaṃvādē daivāsurasaṃpadvibhāgayōgō nāma ṣōḍaśō’dhyāyaḥ ||