Bālakāṇḍam - Navama Sargaḥ
ētacchrutvā rahassūtō rājānam-idam-abravīt
r̥tvigbh i rupadiṣṭōyaṃ purāvr̥ttō mayā śrutaḥ 1
sanatkumārō bhagavānpūrvaṃ kathitavānkathām
r̥ṣīṇāṃ sannidhāu rājan! tava putrāgamanaṃ prati 2
kāśyapasyatu putrōst i vibhaṇḍaka iti śrutaḥ
r̥ṣyaśṛṅga iti khyātastasya putrō bhaviṣyati 3
sa vanē nityasaṃvr̥ddhō munirvanachara ssadā
nānyaṃ jānāti viprēndrō nityaṃ pitranu-vertanāt 4
dvāividhyaṃ brahmacharyasya bhaviṣyat i mahātmanaḥ
lōkēṣu prathitaṃ rājanviprāiścha kathitaṃ sadā 5
tasyāivaṃ vartamānasya kālassamabhivartata
agniṃ śuśrūṣamāṇasya pitaraṃ cha yaśasvinam 6
ētasm innēva kālē tu rōmapādaḥ pratāpavān
aṅgēṣu prathitō rājā bhaviṣyat i mahābalaḥ 7
tasya vyatikramādrājñō bhaviṣyat i sudāruṇā
anāvr̥ṣṭissughōrā vāi sarvabhūtabhayāvahā 8
anāvr̥ṣṭyāṃ tu vr̥ttāyāṃ rājā duḥkhasamanvitaḥ
brāhmaṇānśrutavr̥ddhāṃścha samānīya pravakṣyati 9
bhavantaśśrutadharmāṇō lōkachāritravēdinaḥ
samādiśantu niyamaṃ prāyaśchittaṃ yathā bhavēt 10
vakṣyanti tē mahīpālaṃ brāhmaṇā vēdapāragāḥ
vibhaṇḍakasutaṃ rājansarvōpāyāir-ihānaya 11
ānāyya cha mahīpāla! r̥ṣyaśṛṅgaṃ susatkr̥tam
prayaccha kanyāṃ śāntāṃ vāi vidhinā susamāhitaḥ 12
tēṣāṃ tu vachanaṃ śrutvā rājā chintāṃ prapat-syatē
kēnōpāyēna vāi śakya ihānētuṃ sa vīryavān 13
tatō rājā viniścitya saha mantribhirātmavān
purōhitamamātyāṃścha tataḥ prēṣyati satkr̥tān 14
tē tu rājñō vachaśśrutvā vyathitā vinatānanāḥ
na gach-chēma r̥ṣērbhītā anunēṣyanti taṃ nr̥pam 15
vakṣyanti chintayitvā tē tasyōpāyāṃścha tatkṣamān
ānēṣyāmō vayaṃ vipraṃ na cha dōṣō bhaviṣyati 16
ēvamaṅgādhipēnāiva gaṇikābhiḥ r̥ṣēssutaḥ
ānītō-varṣayaddēvaśśāntā chāsmāi pradīyatē 17
r̥ṣyaśṛṅgastu jāmātā putrāṃstava vidhāsyati
sanatkumārakathitamētāvadv-yāhr̥taṃ mayā 18
atha hr̥ṣṭō daśarathas-sumantraṃ pratyabhāṣata
yathar-śyaśṛṅgastvānītō vistarēṇa tvayōchyatām 19
iti śrīmadrāmāyaṇē vālmīkīyē ādikāvyē bālakāṇḍē navamasargaḥ