Bālakāṇḍam - Saptama Sargaḥ
tasyāmātyā guṇāirāsa-nnikṣvākōstu mahātmanaḥ
mantrajñāś-cēṅgitajñāśca nityaṃ priyahitē ratāḥ 1
aṣṭāu babhūvur-vīrasya tasyāmātyā yaśasvinaḥ
śucayaś-cānuraktāśca rājakṛtyēṣu nityaśaḥ 2
dhṛṣṭir-jayantō vijayas-siddhārtthō hyartthasādhakaḥ
aśōkō mantrapālaśca sumantraś-cāṣṭamō'bhavat 3
ṛtvijāu dvāvabhimatāu tasyāstām-ṛṣisattamāu
vasiṣṭhō vāmadēvaśca mantriṇaśca tathāparē 4
vidyāvinītā hrīmantaḥ kuśalā niyatēndriyāḥ
śrīmantaśca mahātmānaś-śāstrajñā dṛḍhavikramāḥ 5
kīrtimantaḥ praṇihitāḥ yathāvacanakāriṇaḥ
tējaḥ kṣamāyaśaḥ prāptā smitapūrvābhibhāṣiṇaḥ 6
krōdhāt-kāmārtthahētōrvā na brūyur-anṛtaṃ vacaḥ
tēṣāmaviditaṃ kiñcit-svēṣu nāst i parēṣu vā 7
kriyamāṇaṃ kṛtaṃ vāpi chārēṇāpi cikīrṣitam
kuśalā vyavahārēṣu sāuhr̥dēṣu parīkṣitāḥ 8
prāptakālaṃ tu tē daṇḍaṃ dhārayēyus-sutēṣvapi
kōśasaṅgrahāṇē yuktā balasya cha parigrahē 9
ahitaṃ chāpi puruṣaṃ na vihiṃsyur-adūṣakam
vīrāśca niyatōtsāhā rājaśāstram-anuṣṭhitāḥ 10
śucīnāṃ rakṣitāraśca nityaṃ viṣayavāsinām
brahma kṣatram-ahiṃsantastē kōśaṃ samapūrayan 11
sutīkṣṇadaṇḍās-samprēkṣya puruṣasya balābalam
śucīnām-ēkabuddhīnāṃ sarvēṣāṃ samprajānatām 12
nāsīt-purē vā rāṣṭrē vā mṛṣāvādī naraḥ kvacit
kaścin-na duṣṭas-tatrāsīt-paradāraratō naraḥ 13
praśāntaṃ saṛvam-ēvāsīd-rāṣṭraṃ puravaraṃ cha tat
suvāsasas-suvēṣāśca tē cha saṛvē suśīlinaḥ 14
hitārtthaṃ cha narēndrasya jāgratō nayacakṣuṣā
gurōr-guṇagr̥hītāśca prakhyātāśca parākramē 15
vidēśēṣvapi vijñātās-saṛvatō buddhiniścayāt
sandhivigrahatattvajñāḥ prakṛtyā sampadānvitāḥ 16
mantrasaṃvaraṇē śaktā-śślakṣṇās-sūkṣmāsu buddhiṣu
nītiśāstraviśēṣajñās-satataṃ priyavādinaḥ 17
īdṛśāistāir-amātyāistu rājā daśarathō'naghaḥ
upapannō guṇōpētāir-anvaśāsad-vasundharām 18
avēkṣamāṇaś-chārēṇa prajā dhar-mēṇa raf̃jayan
prajānāṃ pālanaṃ kurvan-nadhar-mānpari-varjayan 19
viśrutas-triṣu lōkēṣu vadānyas-satyasaṅgaraḥ
sa tatra puruṣav-yāghra śśaśāsa pṛtthivīm-imām 20
nādhyagacchad-viśiṣṭaṃ vā tulyaṃ vā śatrum-ātmanaḥ
mitravān-natasāmantaḥ pratāpahat-akaṇṭakaḥ 21
sa śaśāsa jagad-rājā divaṃ dēvapatir-yathā
tāir-mantribhir-mantrahitē niyuktāi-rvṛtō'nuraktāiḥ kuśalāis-samartthāiḥ 22
sa pārthivō dīptim-avāpa yukta-stējōmayāir-gōbhirivōditōrkaḥ 23
iti śrīmadrāmāyaṇē vālmīkīyē ādikāvyē bālakāṇḍē saptamasargaḥ