Bālakāṇḍam - Catvāriṃśa Sargaḥ
dēvatānāṃ vacaś-śrutvā bhagavānvai pitāmahaḥ
pratyuvāca susantrastān-kṛtāntabalamōhitān 1
yasyēyaṃ vasudhā kṛtsnā vāsudēvasya dhīmataḥ
kāpilaṃ rūpamāstthāya dhārayat-yaniśaṃ dharām 2
tasya kōpāgninā dagdhā bhaviṣyanti nr̥pātmajāḥ
pr̥thivyāś-cāpi nirbhēdō dṛṣṭa ēva sanātanaḥ 3
sagarasya ca putrāṇāṃ vināśō dīrghajīvinām
pitāmahavacaś-śrutvā trayastriṃśad-arindama 4
dēvāḥ paramasaṃhr̥ṣṭāḥ punar-jagmur-yathāgatam
sagarasya ca putrāṇāṃ prādurāsīn-mahātmanām 5
pr̥thivyāṃ bhidyamānāyāṃ nirghātasamanisvanaḥ
tatō bhitvā mahīṃ sarvē kr̥tvā cābhipradakṣiṇam 6
sahitā ssagarā-ssarvē pitaraṃ vākyam-abruvan
parikrāntā mahī sarvā sattvavantaś-ca sūditāḥ 7
dēvadānavarakṣāṃsi piśācōragakinnarāḥ
na ca paśyāmahē'śvaṃ tam-aśvahartāram-ēva ca 8
kiṃ kariṣyāma bhadraṃ tē buddhir-atra vicāryatām
tēṣāṃ tadvachanaṃ śrutvā putrāṇāṃ rājasattamaḥ 9
samanyur-abravīd-vākyaṃ sagarō raghunandana
bhūyaḥ khanata bhadraṃ vō nirbhitya vasudhātalam 10
aśvahartāram-āsādya kr̥tārt-hāś-ca nivartatha
piturvachanam-āsādya sagarasya mahātmanaḥ 11
ṣaṣṭiḥ putrasahasrāṇi rasātalam-abhidravan
khanyamānē tatastasm in dadr̥śuḥ parvatōpamam 12
diśāgajaṃ virūpākṣaṃ dhārayantaṃ mahītalam
saparvatavanāṃ kṛtsnāṃ pṛthivīṃ raghunandana 13
śirasā dhārayāmāsa virūpākṣō mahāgajaḥ
yadā parvaṇi kākutstha viśramārtthaṃ mahāgajaḥ 14
khēdācchālayatē śīrṣaṃ bhūmikampas-tadābhavēt
taṃ tē pradakṣiṇaṃ kr̥tvā diśāpālaṃ mahāgajam 15
mānayantō hi tē rāma jagmur-bhittvā rasātalam
tataḥ pūrvāṃ diśāṃ bhittvā dakṣiṇāṃ bibhiduḥ punaḥ 16
dakṣiṇāyām-api diśi dadr̥śustē mahāgajam
mahāpadmaṃ mahātmānaṃ sumahat-parvatōpamam 17
śirasā dhārayantaṃ tē vismayaṃ jagmur-uttamam
tataḥ pradakṣiṇaṃ kr̥tvā sagarasya mahātmanaḥ 18
ṣaṣṭiḥ putrasahasrāṇi paśchimāṃ bibhidur-diśam
paśchimāyām-api diśi mahāntam-acalōpamam 19
diśāgajaṃ sāumanasaṃ dadr̥śustē mahābalāḥ
taṃ tē pradakṣiṇaṃ kr̥tvā pṛṣṭvā cāpi nirāmayam
khananta ssamupākrāntā diśaṃ haimavatīṃ tataḥ 20
uttarasyāṃ raghuśrēṣṭha dadr̥śur-himapāṇḍuram
bhadraṃ bhadrēṇa vapuṣā dhārayantaṃ mahīm-imām
samālabhya tata ssarvē kr̥tvā cāinaṃ pradakṣiṇam 21
ṣaṣṭiḥ putrasahasrāṇi bibhidur-vasudhātalam
tataḥ prāguttarāṃ gatvā sāgarāḥ prathitāṃ diśam 22
rōṣād-abhyakhanan sarvē pr̥thivīṃ sagarātmajāḥ
tē tu sarvē mahātmānō bhīmavēgā mahābalāḥ 23
dadr̥śuḥ kapilaṃ tatra vāsudēvaṃ sanātanam
hayaṃ ca tasya dēvasya carantam-avidūrataḥ 24
praharṣam-atulaṃ prāptā-ssarvē tē raghunandana
tē taṃ hayavaraṃ jñātvā krōdhaparyākulēkṣaṇāḥ 25
khanitralāṅgaladharā nānāvṛkṣaśilādharāḥ
abhyadhāvanta saṅkruddhā-stiṣṭha tiṣṭhēti cābruvan 26
asmākaṃ tvaṃ hi turagaṃ yajñīyaṃ hr̥tavānasi
durmēdhastvaṃ hi samprāptān viddhi nassagarātmajān 27
śrutvā tu vachanaṃ tēṣāṃ kapilō raghuna-ndana
rōṣēṇa mahatāv i ṣṭō huf̃kāram-akarōt-tadā 28
tatastēnāpramē-yēna kap i lēna mahātmanā
b-hasmarāśīkr̥tāssaṛvē kākutst-ha sagarātmajāḥ 29
iti śrīmadrāmāyaṇē vālmīkīyē ādikāvyē bālakāṇḍē catvāriṃśasargaḥ