Ayōdhyākāṇḍa - Ēkōttara Śatatama Sargaḥ
rāmasya vachanaṃ śrutvā bharataḥ pratyuvācha ha |
kiṃ mē dharmād-vihīnasya rājadharmas-kariṣyati || 1
śāśvatō'yaṃ sadā dharmaḥ stthitō'smāsu nararṣabha |
jēṣṭhaputrē stthitē rājann-akanīyā-nnṛpōbhavēt || 2
sa samṛddhāṃ mayā sārdham-ayōdhyāṃ gaccha rāghava |
abhiṣēchayachātmānaṃ kulasyāsya bhavāya naḥ || 3
rājānaṃ mānuṣaṃ prāhu rdēvatvē sammatō mama |
yasya dharmārtthasahitaṃ vṛttamāhur-amānuṣam || 4
kēkayastthē cha mayi tu tvayi chāraṇya māśritē |
divamāryō gaatō rājā yāyajūka-ssatāṃ mataḥ || 5
niṣkrāntamātrē bhavati sasītē sahalakṣmaṇē |
duḥkha-śōkābhibhūtastu rājā tridivam-abhyagāt || 6
uttiṣṭha puruṣavyāghra kriyatām-udakaṃ pituḥ |
ahaṃ chāyaṃ cha śatrughnaḥ pūrvam-ēva kr̥tōdakāu || 7
priyēṇa kila dattaṃ hi pitr̥lōkēṣu rāghava |
akṣayyaṃ bhavatīty-āhur-bhavāṃśchāiva pituḥ priyaḥ || 8
tvām-ēva śōchantava darśanēpsu-stvayyēva saktām-anivartya buddhim |
tvayā vihīna stava śōkamagna-stvāṃ saṃsmarann-astamitaḥ pitā tē || 9
iti śrīmadrāmāyaṇē vālmīkīyē ādikāvyē ayōdhyākāṇḍē ēkōttaraśatatamasargaḥ