aśvinī dēvatā stōtram
prapūrvagāu pūrvajāu citrabhānū girī
vāśaṃ sāmi tapasāhyanantāu |
divyāu suparṇāu virajāu vimānāu
adhikṣipantāu bhuvanāni viśvāḥ || 1 ||
hiraṇmayāu śakunī sāmparāyāu
nāsatyā dasrāu sunasāu vaijayantāu |
śukraṃ vayantāu tarasā suvēmnā
adhityatantāu vasitaṃ vivaśvataḥ || 2 ||
grastāṃ suparṇasya balēna vartikāṃ
amuncatāmaśvināu sāubhagāya |
tāvatsu vr̥ttāu anamantāu māyayā
vāsatta māgā aruṇā udā vahan || 3 ||
ṣaṣṭiśca gāvaḥ triśataśca dhēnavaḥ
ēkaṃ vatsaṃ suvatītaṃ duhanti |
nānā gōṣṭhā vihitā ēka dōhanā
tāvaśvināu duhatā gharmamukthyam || 4 ||
ēkāṃ nābhiṃ saptaśatā arāḥ śritāḥ
pradhayaśca anyā viṃśatirarpitā arāḥ |
anēmi cakraṃ parivartatē ajaraṃ
māyāśvināu samasakti carṣaṇī || 5 ||
ēkaṃ cakraṃ vartatē dvādaśāraṃ
ṣaṇṇābhi ēkākṣa amr̥tasya dhāraṃ |
asmin dēvā adhi viśvē viṣaktāḥ
tāvaśvināu muncatō mā viṣīdatam || 6 ||
aśvināvindumamr̥taṃ vr̥ttabhūyō
tirōdhattāmaśvināu dā sapatnī |
hitvā girimaśvināu gā mudā carantāu
vr̥ttabhūyō mahnā prasthitāu balasya || 7 ||
yuvāṃ diśō janayathōdaśāgrē
samānaṃ mūrdhni rathayānaṃ viyanti |
tāsāṃ yāta mr̥ṣayōnu prayānti
dēvā manuṣyāḥ kṣitimācaranti || 8 ||
yuvāṃ varṇān vikuruthō viśvarūpān
tē'dhikṣipantē bhuvanāni viśvā |
tē bhāvanōpyanu sr̥tāścaranti
dēvā manuṣyāḥ kṣitimācaranti || 9 ||
tāu nāsatyāvaśvināu mahēma
srajaṃ cāyāṃ bibhr̥taḥ puṣkarasya |
tāu nāsatyāvamr̥tā vr̥dhāvr̥tē
dēvāstatpapādēna sūtē || 10 ||
mukhēna garbhaṃ labhatāṃ yuvānāu
gatāsurē tat prapadēna sūtē |
sadyōjātō mātaramatti garbhaḥ
tāvaśvināu muncathō jīvasē gāḥ || 11 ||
stōtuṃ na śaknōmi guṇāirbhavantāu
cakṣurvihīnaḥ pathi sampramōhaḥ |
durgē'hamasmin patitō'smikūpē
yuvāṃ śaraṇyāu śaraṇaṃ prapadyē || 12 ||