వివాహ సవరత్న మంగళ శ్లోకాః
ధాతావిష్ణురురుక్రమః పశుపతిస్సేంద్రాః కళాః పావకః |
సేనానీహ్యరుణః పునర్ది గధిపాః పూర్నాత్మనః పూరుషాః |
స్త్రీకాస్సతతం కృపామయహృద స్సర్వార్థసిద్ధిప్రదాః |
సేమాదత్తవరా స్సురాశ్చభవతోః కుర్వంతువాంమంగళమ్ || ౧ ||
శ్రీవత్సః పులహో త్రిదేవగురవో గస్త్యో మరీచి ర్భృగు |
ర్మాండవ్యో నహుషః పరాశరవరః కౌత్సస్సదారాః క్రతుః |
శ్రీమదౌ తమభార్గవౌసుతపసోవ్యాసఃపులస్త్యముని |
హ్వర్వశ్శక్తి వశిష్ఠముఖ్యమునయః కుర్వంతువాంమంగళమ్ || ౨ ||
న్యగ్రోధో బదరీకదంబసరళ స్సామోదపుష్పాకరా |
స్సంతానాదిసురద్రుమా స్సుమయుతా శ్చూతాఃఫలోద్భాసితాః |
నింబాఃకుంభఫలాః, పలాశబదరీజంబ్వాదయో భూభుజా |
సౌమ్యాస్తే తరవస్సదా మలయజః కుర్వంతువాంమంగళమ్ || ౩ ||
రాజాధర్మసుతో యయాతినృపతి ర్భూపోరఘు ర్హేహయో |
మాంధాతా సగరః పురూరవనళ్ దేవోయదూనాంపతిః |
రామోదాశరధి ర్ధువో దశరథః పూరుర్నృపో భూభుజ |
స్సర్వేతే జనకాదయశ్చ భరతః కుర్వంతువాంమంగళమ్ || ౪ ||
శర్వాణీచ హరిప్రియా వసుమతీ సీతా దితి ర్భారతీ |
సావిత్రీచ పతివ్రతా యువతయః కళ్యాణవేదింగతాః |
గైర్వాణీరమణీమణి ర్మధుమతీజ్యోతిః పురాణీధృతిః |
కళ్యాణీసురభి ర్వశిష్ఠవనితా కుర్వంతువాంమంగళమ్ || ౫ ||
సుశ్రీకాస్తునవగ్రహా శ్సుభకరా దస్రాదయోరాశయ |
శ్రీతారాగణదేవతాశ్చ తిథయః పూజ్యాస్తువర్షాధిపాః |
ఇంద్రాద్యాశ్చ దిగీశ్వరా ఋతుగణా యోగాన్వితాస్వస్తిదా |
మాసా వాసరనాయకా శుభయుతాః కుర్వంతువాంమంగళమ్ || ౬ ||
వేణీ వేత్రవతీచ సింధుసరయూ శ్రీగండకీ నర్మదా |
కృష్ణా విష్ణుపదోద్భవా ర్కతనుజా చర్మణ్వతీ ఫల్గునీ |
కావేరీరసవాహినీతు కపిలా పంపాసరిద్దేవతా |
భద్రా భీమరథీచ పుణ్యసరితః కుర్వంతువాం మంగళమ్ || ౭ ||
పార్వత్యాః కరపల్ల వాంగుళితటే యావిద్రుమాభాంచితాః |
స్యస్తా శంకరమూర్థ్ని చంద్రవిలస ద్యాస్ఫాటికాకారితాః |
స్రస్తా రాజిత దేహకాంతివిలస న్మాఘ్యప్రపుష్పాయితాః |
ముక్తాస్తా శ్శివదాభవంతు భవతో శ్రీకంఠ వైవాహికాః || ౮ ||
శ్రీకంఠపత్నీ గిరిరాజపుత్రీ శ్రీపార్వతీకమసరోజగాత్రీ |
శ్రీ విశ్వమాతా కరుణైకశీలా వథూవరాభ్యాంవరదాభవేద్వా || ౯ ||
vivaha savaratna marngala ślōkāḥ
dhātāviṣṇururukramaḥ paśupatissēndrāḥ kaḷāḥ pāvakaḥ |
sēnānīhyaruṇaḥ punardi gadhipāḥ pūrnātmanaḥ pūruṣāḥ |
strīkāssatataṃ kr̥pāmayahr̥da ssarvārthasiddhipradāḥ |
sēmādattavarā ssurāścabhavatōḥ kurvantuvāṃmaṅgaḷam || 1 ||
śrīvatsaḥ pulahō tridēvaguravō gastyō marīci rbh r̥gu |
rmāṇḍavyō nahuṣaḥ parāśaravaraḥ kāutsassadārāḥ kratuḥ |
śrīmadāutamabhārgavāusutapasōvyāsaḥpulastyamuni |
hvarvaśśakti vaśiṣṭhamukhyamunayaḥ kurvantuvāṃmaṅgaḷam || 2 ||
nyagrōdhō badarīkadambasaraḷa ssāmōdapuṣpākarā |
ssantānādisuradrumā ssumayutā ścūtāḥphalōdbhāsitāḥ |
nimbāḥkumbhaphalāḥ, palāśabadarījambvādayō bhūbhujā |
sāumyāstē taravassadā malayajaḥ kurvantuvāṃmaṅgaḷam || 3 ||
rājādharmasutō yayātinr̥pati rbhūpōraghu rhēhayō |
māndhātā sagaraḥ purūravanaḷ dēvōyadūnāmpatiḥ |
rāmōdāśaradhi rdhuvō daśarathaḥ pūrurnr̥pō bhūbhuja |
ssarvētē janakādayaśca bharataḥ kurvantuvāṃmaṅgaḷam || 4 ||
śarvāṇīca haripriyā vasumatī sītā diti rbhāratī |
sāvitrīca pativratā yuvatayaḥ kaḷyāṇavēdingatāḥ |
gāirvāṇīramaṇīmaṇi rmadhumatījyōtiḥ purāṇīdhr̥tiḥ |
kaḷyāṇīsurabhi rvaśiṣṭhavanitā kurvantuvāṃmaṅgaḷam || 5 ||
suśrīkāstunavagrahā śśubhakarā dasrādayōrāśaya |
śrītārāgaṇadēvatāśca tithayaḥ pūjyāstuvarṣādhipāḥ |
indrādyāśca digīśvarā r̥tugaṇā yōgānvitāsvastidā |
māsā vāsaranāyakā śubhayutāḥ kurvantuvāṃmaṅgaḷam || 6 ||
vēṇī vētravatīca sindhusarayū śrīgaṇḍakī narmadā |
kr̥ṣṇā viṣṇupadōdbhavā rkatanujā carmaṇvatī phalgunī |
kāvērīrasavāhinītu kapilā pampāsariddēvatā |
bhadrā bhīmarathīca puṇyasaritaḥ kurvantuvāṃ maṅgaḷam || 7 ||
pārvatyāḥ karapalla vāṅguḷitaṭē yāvidrumābhāñcitāḥ |
syastā śaṅkaramūrdhni candravilasa dyāspāṭikākāritāḥ |
srastā rājita dēhakāntivilasa nmāghyaprapuṣpāyitāḥ |
muktāstā śśivadābhavantu bhavatō śrīkaṇṭha vāivāhikāḥ || 8 ||
śrīkaṇṭhapatnī girirājaputrī śrīpārvatīkamasarōjagātrī |
śrī viśvamātā karuṇāikaśīlā vadhūvarābhyāṃvaradābhvēdvā || 9 ||