విశ్వనాథాష్టకం
గంగా తరంగ రమణీయ జటాకలాపం
గౌరీనిరంతరవిభూషితవామభాగం |
నారాయణప్రియమనంగమదాపహారం
వారాణసీపురపతిం భజ విశ్వనాథం || ౧ ||
వాచామగోచరమనేకగుణస్వరూపం
వాగీశవిష్ణుసురసేవితపాదపీఠం |
వామేన విగ్రహవరేణ కలత్రవంతం
వారాణసీపురపతిం భజ విశ్వనాథం || ౨ ||
భూతాధిపం భుజగభూషణభూషితాంగం
వ్యాఘ్రాజినాంబరధరం జటిలం త్రినేత్రం |
పాశాంకుశాభయవరప్రదశూలపాణిం
వారాణసీపురపతిం భజ విశ్వనాథం || ౩ ||
శీతాంశుశోభితకిరీటవిరాజమానం
భాలేక్షణానలవిశోషితపంచబాణం |
నాగాధిపారచితభాసురకర్ణపూరం
వారాణసీపురపతిం భజ విశ్వనాథం || ౪ ||
పంచాననం దురితమత్తమతంగజానాం
నాగాంతకం దనుజపుంగవపన్నగానాం |
దావానలం మరణశోకజరాటవీనాం
వారాణసీపురపతిం భజ విశ్వనాథం || ౫ ||
తేజోమయం సగుణనిర్గుణమద్వితీయం
ఆనందకందమపరాజితమప్రమేయం |
నాగాత్మకం సకళనిష్కళమాత్మరూపం
వారాణసీపురపతిం భజ విశ్వనాథం || ౬ ||
ఆశాం విహాయ పరిహృత్య పరస్య నిందాం
పాపే రతిం చ సునివార్య మనః సమాధౌ |
ఆదాయ హృత్కమలమధ్యగతం పరేశం
వారాణసీపురపతిం భజ విశ్వనాథం || ౭ ||
రాగాదిదోషరహితం స్వజనానురాగం
వైరాగ్యశాంతినిలయం గిరిజాసహాయం |
మాధుర్యధైర్యసుభగం గరళాభిరామం
వారాణసీపురపతిం భజ విశ్వనాథం || ౮ ||
వారాణసీపురపతేః స్టవనం శివస్య
వ్యాఖ్యాతమష్టకమిదం పఠతే మనుష్యః |
విద్యాం శ్రియం విపులసౌఖ్యమనంతకీర్తిం
సంప్రాప్య దేహవిలయే లభతే చ మోక్షమ్ || ౯ ||
విశ్వనాథాష్టకమిదం యః పఠేచ్ఛివసన్నిధౌ |
శివలోకమవాప్నోతి శివేన సహ మోదతే || ౧౦ ||
ఇతి శ్రీవ్యాసకృతం విశ్వనాథాష్టకం సంపూర్ణం ||
Vishwanatha Ashtakam
gaṅgā taraṅga ramaṇīya jaṭākalāpaṃ
gaurīnirantaravibhūṣitavāmabhāgaṃ |
nārāyaṇapriyamanaṅgamadāpahāraṃ
vārāṇasīpurapatiṃ bhaja viśvanāthaṃ || 1 ||
vācāmagōcaramanēkaguṇasvarūpaṃ
vāgīśaviṣṇusurasēvitapādapīṭhaṃ |
vāmēna vigrahavarēṇa kalatravantaṃ
vārāṇasīpurapatiṃ bhaja viśvanāthaṃ || 2 ||
bhūtādhipaṃ bhujagabhūṣaṇabhūṣitāṅgaṃ
vyāghrājināmbaradharaṃ jaṭilaṃ trinētraṃ |
pāśāṅkuśābhaya varapradaśūlapāṇiṃ
vārāṇasīpurapatiṃ bhaja viśvanāthaṃ || 3 ||
śītāṃśuśōbhita kirīṭavirājamānaṃ
bhālēkṣaṇānalaviśōṣitapañcabāṇaṃ |
nāgādhipāracitabhāsurakarṇapūraṃ
vārāṇasīpurapatiṃ bhaja viśvanāthaṃ || 4 ||
pañcānanaṃ duritamattamataṅgajānāṃ
nāgāntakaṃ danujapuṅgavapannagānāṃ |
dāvānalaṃ maraṇaśōkajarāṭavīnāṃ
vārāṇasīpurapatiṃ bhaja viśvanāthaṃ || 5 ||
tējōmayaṃ saguṇanirguṇamadvitīyaṃ
ānandakandamaparājitāmapramēyaṃ |
nāgātmakaṃ sakaḷaniṣkaḷamātmarūpaṃ
vārāṇasīpurapatiṃ bhaja viśvanāthaṃ || 6 ||
āśāṃ vihāya parihṛtya parasya nindāṃ
pāpē ratiṃ ca sunivārya manaḥ samādhau |
ādāya hṛtkalamadhyagataṃ parēśaṃ
vārāṇasīpurapatiṃ bhaja viśvanāthaṃ || 7 ||
rāgādidōṣarahitaṃ svajanānurāgaṃ
vairāgyaśāntinilayaṃ girijāsahāyaṃ |
mādhuryadhairyasubhagaṃ garaḷābhirāmaṃ
vārāṇasīpurapatiṃ bhaja viśvanāthaṃ || 8 ||
vārāṇasīpurapatēḥ stavanaṃ śivasya
vyākhyātamastakamidaṃ paṭhatē manuṣyaḥ |
vidyāṃ śriyaṃ vipulasaukhyamanantakīrtiṃ
samprāpya dēhavilayē labhatē ca mōkṣam || 9 ||
viśvanāthāṣṭakamidaṃ yaḥ paṭhēcchivasannidhau |
śivalōkamavāpnōti śivēna saha mōdatē || 10 ||
iti śrī vyāsakr̥taṃ viśvanāthāṣṭakaṃ saṃpūrṇam ||