శ్రీ త్రిపుర సుందరీ అష్టకం
కదంబవనచారిణీం మునికదంబకాదంబినీం
నితంబజిత భూధరాం సురనితంబినీసేవితాం |
నవాంబురుహలోచనామభినవాంబుదశ్యామలాం
త్రిలోచనకుటుంబినీం త్రిపురసుందరీమాశ్రయే || ౧ ||
కదంబవనవాసినీం కనకవల్లకీధారిణీం
మహార్హమణిహారిణీం ముఖసముల్లసద్వారుణీం |
దయావిభవకారిణీం విశదలోచనీం చారిణీం
త్రిలోచనకుటుంబినీం త్రిపురసుందరీమాశ్రయే || ౨ ||
కదంబవనశాలయా కుచభరోల్లసన్మాలయా
కుచోపమితశైలయా గురుకృపాలసద్వేలయా |
మదారుణకపోలయా మధురగీతవాచాలయా
కయాఽపి ఘననీలయా కవచితా వయం లీలయా || ౩ ||
కదంబవనమధ్యగాం కనకమండలోపస్థితాం
షడంబురుహవాసినీం సతతసిద్ధసౌదామినీం |
విడంబితజపారుచిం వికచచంద్రచూడామణిం
త్రిలోచనకుటుంబినీం త్రిపురసుందరీమాశ్రయే || ౪ ||
కుచాంచితవిపంచికాం కుటిలకుంతలాలంకృతాం
కుశేశయనివాసినీం కుటిలచిత్తవిద్వేషిణీం |
మదారుణవిలోచనాం మనసిజారిసంమోహినీం
మతంగమునికన్యకాం మధురభాషిణీమాశ్రయే || ౫ ||
స్మరప్రథమపుష్పిణీం రుధిరబిందునీలాంబరాం
గృహీతమధుపాత్రికాం మదవిఘూర్ణనేత్రాంచలాం |
ఘనస్తనభరోన్నతాం గలితచూలికాం శ్యామలాం
త్రిలోచనకుటుంబినీం త్రిపురసుందరీమాశ్రయే || ౬ ||
సకుంకుమవిలేపనామలకచుంబికస్తూరికాం
సమందహసితేక్షణాం సశరచాపపాశాంకుశాం |
అశేషజనమోహినీమరుణమాల్య భూషాంబరాం
జపాకుసుమభాసురాం జపవిధౌ స్మరామ్యంబికాం || ౭ ||
పురందరపురంధ్రికాం చికురబంధసైరంధ్రికాం
పితామహపతివ్రతాం పటపటీరచర్చారతాం |
ముకుందరమణీమణీలసదలంక్రియాకారిణీం
భజామి భువనాంబికాం సురవధూటికాచేటికాం || ౮ ||
|| ఇతి శ్రీమద్ శంకరాచార్యవిరచితం త్రిపురసుందరీ అష్టకం సమాప్తం ||
śrī tripura sundarī aṣṭakam
kadambavanacāriṇīṃ munikadambakādambinīṃ
nitambajita bhūdharāṃ suranitambinīsēvitām |
navāmburuhalōcanāmabhinavāmbudaśyāmalāṃ
trilōcanakuṭumbinīṃ tripurasundarīmāśrayē || 1 ||
kadambavanavāsinīṃ kanakavallakīdhāriṇīṃ
mahārhamaṇihāriṇīṃ mukhasamullasadvāruṇīm |
dayāvibhavakāriṇīṃ viśadalōcanīṃ cāriṇīṃ
trilōcanakuṭumbinīṃ tripurasundarīmāśrayē || 2 ||
kadambavanaśālayā kucabharōllasanmālayā
kucōpamitaśāilayā guruk r̥pālasadvēlayā |
madāruṇakapōlayā madhuragītavācālayā
kayā'pi ghananīlayā kavacitā vayaṃ līlayā || 3 ||
kadambavanamadhyagāṃ kanakamanḍalōpasthitāṃ
ṣaḍāmburuhavāsinīṃ satatasiddhasāudāminīm |
viḍambitajapāruciṃ vikacacandracūḍāmaṇiṃ
trilōcanakuṭumbinīṃ tripurasundarīmāśrayē || 4 ||
kucāñcitavipañcikāṃ kuṭilakuntalālaṅkr̥tāṃ
kuśēśayanivāsinīṃ kuṭilacittavidvēṣiṇīm |
madāruṇavilōcanāṃ manasijārisaṃmōhinīṃ
mataṅgamunikanyakāṃ madhurabhāṣiṇīmāśrayē || 5 ||
smaraprathamapuṣpiṇīṃ rudhirabindunīlāmbarāṃ
gr̥hītamadhupātrikāṃ madavighūrṇanētrāñcalām |
ghanastanabharōnnatāṃ galitacūlikāṃ śyāmalāṃ
trilōcanakuṭumbinīṃ tripurasundarīmāśrayē || 6 ||
sakuṅkumavilēpanāmalakacumbikastūrikāṃ
samandahasitēkṣaṇāṃ saśaracāpapāśāṅkuśām |
aśēṣajanamōhinīmaruṇamālya bhūṣāmbarāṃ
japākusumabhāsurāṃ japavidhāu smarāmyambikām || 7 ||
purandarapurandhrikāṃ cikurabandhasāirandhrikāṃ
pitāmahapativratāṃ paṭapaṭīracarcāratām |
mukundaramaṇīmaṇīlasadalaṅkriyākāriṇīṃ
bhajāmi bhuvanāmbikāṃ suravadhūṭikācēṭikām || 8 ||
|| iti śrīmad śaṅkarācāryaviracitaṃ tripurasundarī aṣṭakaṃ samāptam ||