తోటకాష్టకం
౧. విదితాఖిలశాస్త్రసుధాజలధే
మహితోపనిషత్ కథితార్థనిధే |
హృదయే కలయే విమలం చరణం
భవ శంకర దేశిక మే శరణమ్ ||
౨. కరుణావరుణాలయ పాలయ మాం
భవసాగరదుఃఖవిదూనహృదమ్ |
రచయాఖిలదర్శనతత్త్వవిదం
భవ శంకర దేశిక మే శరణమ్ ||
౩. భవతా జనతా సుహితా భవితా
నిజబోధవిచారణ చారుమతే |
కలయేశ్వరజీవవివేకవిదం
భవ శంకర దేశిక మే శరణమ్ ||
౪. భవ ఏవ భవానితి మే నితరాం
సమజాయత చేతసి కౌతుకితా |
మమ వారయ మోహమహాజలధిం
భవ శంకర దేశిక మే శరణం ||
౫. సుకృతేఽధికృతే బహుధా భవతో
భవితా సమదర్శనలాలసతా |
అతిదీనమిమం పరిపాలయ మాం
భవ శంకర దేశిక మే శరణమ్ ||
౬. జగతీమవితుం కలితాకృతయో
విచరంతి మహామహసశ్ఛలతః |
అహిమాంశురివాత్ర విభాసి గురో
భవ శంకర దేశిక మే శరణమ్ ||
౭. గురుపుంగవ పుంగవకేతన తే
సమతామయతాం నహి కోఽపి సుధీః |
శరణాగతవత్సల తత్త్వనిధే
భవ శంకర దేశిక మే శరణమ్ ||
౮. విదితా న మయా విశదైకకలా
న చ కించన కాంచనమస్తి గురో |
ద్రుతమేవ విధేహి కృపాం సహజాం
భవ శంకర దేశిక మే శరణమ్ ||
ఇతి శ్రీ తోటకాష్టకం సంపూర్ణం ||
Totakashtakam
1. viditākhilaśāstrasudhājaladhē
mahitōpaniṣat kathitārtthanidhē |
hr̥dayē kalayē vimalaṃ caraṇaṃ
bhava śaṅkara dēśika mē śaraṇam ||
2. karuṇāvaruṇālaya pālaya māṃ
bhavasāgaraduḥkhavidūnahṛdam |
racayākhiladarśanatattvavidaṃ
bhava śaṅkara dēśika mē śaraṇam ||
3. bhavatā janatā suhitā bhavitā
nijabōdhavicāraṇa cārumatē |
kalayēśvarajīvavivēkavidaṃ
bhava śaṅkara dēśika mē śaraṇam ||
4. bhava ēva bhavāniti mē nitarāṃ
samajāyata cētasi kautukitā |
mama vāraya mōhamahājaladhiṃ
bhava śaṅkara dēśika mē śaraṇam ||
5. sukṛtē’dhikṛtē bahudhā bhavatō
bhavitā samadarśanalālasatā |
atidīnamimaṃ paripālaya māṃ
bhava śaṅkara dēśika mē śaraṇam ||
6. jagatīmavituṃ kalitākṛtayō
vicaranti mahāmahasaśchalataḥ |
ahimāṃśurivātra vibhāsi gurō
bhava śaṅkara dēśika mē śaraṇam ||
7. gurupuṅgava puṅgavakētana tē
samatāmayatāṃ nahi kō’pi sudhīḥ |
śaraṇāgatavatsala tattvanidhē
bhava śaṅkara dēśika mē śaraṇam ||
8. viditā na mayā viśadaikakalā
na ca kiñcana kāñcanamasti gurō |
drutamēva vidhēhi kr̥pāṃ sahajāṃ
bhava śaṅkara dēśika mē śaraṇam ||
iti śrī tōṭakāṣṭakaṃ saṃpūrṇam ||