శ్రీ విజయ లక్ష్మీ స్తోత్రం
జయ పద్మ విశాలాక్షి, జయ త్వం శ్రీ పతి ప్రియే,
జయ మాతర్ మహా లక్ష్మీ, సంసారార్ణవ తారిణీ || ౧ ||
మహాలక్ష్మీ నమస్తుభ్యం, నమస్తుభ్యం సురేశ్వరి,
హరి ప్రియే నమస్తుభ్యం, నమస్తుభ్యం దయా నిధే || ౨ ||
పద్మాలయే నమస్తుభ్యం, నమస్తుభ్యం చ సర్వధే,
సర్వ భూత హితార్థాయ, వసు వృష్టిం సదా కురు || ౩ ||
జగన్మాతర్ నమస్తుభ్యం, నమస్తుభ్యం దయా నిధే,
దయావతి నమస్తుభ్యం, విశ్వేశ్వరి నమోస్తుతే || ౪ ||
నమః క్షీరార్ణవ సుధే, నమః త్రైలోక్య ధారిణి,
వసు వృష్టే నమస్తుభ్యం, రక్ష మాం శరణాగతమ్ || ౫ ||
రక్ష త్వం దేవ దేవేశి దేవ దేవస్య వల్లభే,
దారిద్ర్యాత్ త్రాహి మాం లక్ష్మీ, కృపాం కురు మమోపరి || ౬ ||
నమస్త్రైలోక్య జననీ, నమస్త్రైలోక్య పావని,
బ్రహ్మాదయో నమంతి త్వం, జగదానంద ధాయినీ || ౭ ||
విష్ణు ప్రియే, నమస్తుభ్యం, నమస్తుభ్యం జగద్ధితే,
అర్థంత్రీ నమస్తుభ్యం, సమృద్ధిం కురు మే సదా || ౮ ||
అబ్జవాసే నమస్తుభ్యం, చపలాయై నమో నమః,
చంచలాయై నమస్తుభ్యం, లలిత్యై నమో నమః || ౯ ||
నమః ప్రద్యుమ్న జనని, మాతస్తుభ్యం నమో నమః,
పరిపాలయ భో మాతర్ మాం, తుభ్యం శరణాగతమ్ || ౧౦ ||
శరణ్యే త్వం ప్రపన్నోస్మి, కమలే కమలాలయే,
త్రాహి త్రాహి మహాలక్ష్మి, పరిత్రాణ పరాయణే || ౧౧ ||
పాండిత్యం శోభతే నైవ, న శోభంతి గుణా నరే,
శీలత్వం నైవ శోభతే, మహాలక్ష్మీ త్వయా వినా || ౧౨ ||
త్వద్ విరాజతే రూపం, త్వచ్చీలం విరాజతే,
త్వద్గుణాః నరణాం చ యావత్ లక్ష్మీ ప్రసీదతి || ౧౩ ||
లక్ష్మీ త్వయాలంకృత మానవయే,
పాపైర్ విముక్తాః నృపలోక మాన్యాః,
గుణైర్ విహీనాః గుణినో భవంతి,
దుశ్శీలినః శీలవతాం వరిష్ఠాః || ౧౪ ||
లక్ష్మీర్ భూషయతే రూపం, లక్ష్మీర్ భూషయతే కులం,
లక్ష్మీర్ భూషయతే విద్యం, సర్వం లక్ష్మీర్ విశేష్యతే || ౧౫ ||
లక్ష్మీ త్వద్గుణ కీర్తనేన, కమలా భూరిత్యాలం జిహ్మితమ్,
రుద్రాధ్య రవి చంద్ర దేవతయో, వక్తుం నైవ క్షమాః,
అస్మాభి స్తావ రూప లక్షణ గుణాన్ వక్తుం కథం శక్యతే,
మాతర్ మాం పరిపాహి విశ్వ జననీ కృతమ్ || ౧౬ ||
దీనార్థీ భీతం, భవ తాప పీఠం,
ధనైర్ విహీనం, తవ పార్శ్వమాగతమ్,
కృపా నిధిత్వాత్, మమ లక్ష్మీ సత్వరం,
ధన ప్రధాన ధన నాయకం కురు || ౧౭ ||
మాం విలోక్య జననీ హరి ప్రియే,
నిర్ధనం సమీపమాగతమ్,
దేహి మే ఝటితి కారగ్రామం,
వస్త్ర కాంచన వరన్నమద్భుతమ్ || ౧౮ ||
త్వమేవ జననీ లక్ష్మీ, పితా లక్ష్మీ త్వమేవ చ,
భ్రాతా త్వం చ సఖా లక్ష్మీ విద్యా లక్ష్మీ త్వమేవ చ || ౧౯ ||
త్రాహి త్రాహి మహా లక్ష్మీ, త్రాహి త్రాహి సురేశ్వరీ,
త్రాహి త్రాహి జగన్మాత, దారిద్ర్యాత్ త్రాహి వేగతః || ౨౦ ||
నమస్తుభ్యం జగద్ధాత్రీ, నమస్తుభ్యం నమో నమః,
ధర్మ ధారే నమస్తుభ్యం, నమః సంపత్తి ధాయినీ || ౨౧ ||
దారిద్ర్యార్ణవ మగ్నోహం, నిమగ్నోహం రసాతలే,
మజ్జంతం మాం కరే ధృత్వా, తూద్ధర త్వం రమే ధ్రువమ్ || ౨౨ ||
కిం లక్ష్మీ బహునోక్తేన, జపితేన పునః పునః,
అన్యమే శరణం నాస్తి, సత్యం సత్యం హరి ప్రియే || ౨౩ ||
ఏతత్ శ్రుత్వా సత్య వాక్యం, హృష్యమాణా హరి ప్రియా,
ఉవాచ మధురం వాణీం, తుష్టోహం తవ సర్వదా || ౨౪ ||
యత్త్వయోక్తమిదం స్తోత్రం యః పఠిష్యతి మానవః,
శృణోతి చ మహా భాగస్తస్యాహం వశ వర్ధినీ || ౨౫ ||
నిత్యం పఠతి యో భక్త్యా, త్వం లక్ష్మీః తస్య నశ్యతి,
ఋణం చ నశ్యతే తీవ్రం, వియోగం న పశ్యతి || ౨౬ ||
యః పఠేత్ ప్రాతరుత్థాయ, శ్రద్ధా భక్తి సమన్వితః,
గృహే తస్య సదా స్థాస్యే నిత్యం శ్రీపతినా సహ || ౨౭ ||
సుఖ సౌభాగ్య సంపన్నో, మనస్వీ బుద్ధిమాన్ భవేద్,
పుత్రవాన్ గుణవాన్ శ్రేష్ఠో భోగ భోక్తా చ మానవః || ౨౮ ||
ఇదం స్తోత్రం మహా పుణ్యం లక్ష్మ్యా అగస్త్య ప్రకీర్తితమ్,
విష్ణు ప్రసాద జననం, చతుర్వర్గ ఫల ప్రదమ్ || ౨౯ ||
రాజద్వారే జయశ్చైవ, శత్రోశ్చైవ పరాజయః,
భూత ప్రేత పిశాచానాం, వ్యాఘ్రాణాం న భయం తథా || ౩౦ ||
న శాస్త్ర అనల తోయాద్యాద్భయం తస్య ప్రజాయతే,
దుర్వృత్తానాం చ పాపానాం బహు హానికరం పరమ్ || ౩౧ ||
మందురాకరీ శాలాసు గవాం గోష్ఠే సమాహితః,
పఠేత్ దోష శాంత్యర్థం, మహా పాతక నాశనమ్ || ౩౨ ||
సర్వ సౌఖ్యకరం నృణాం ఆయురారోగ్యదం తథా,
అగస్త్య మునినా ప్రోక్తం, ప్రజానాం హిత కామ్యయా || ౩౩ ||
ఇతి శ్రీ విజయ లక్ష్మీ స్తోత్రం సంపూర్ణమ్ ||
śrī vijaya lakṣmī stōtram
jaya padma viśālākṣi, jaya tvam śrī pati priyē,
jaya mātar mahā lakṣmī, samsārāṇarva tāriṇī || 1 ||
mahālakṣmī namastubhyaṃ, namastubhyaṃ surēśvari,
hari priyē namastubhyaṃ, namastubhyaṃ dayā nidhē || 2 ||
padmālayē namastubhyaṃ, namastubhyaṃ ca sarvadhē,
sarva bhūta hitārthāya, vasu vṛṣṭiṃ sadā kuru || 3 ||
jaganmātar namastubhyaṃ, namastubhyaṃ dayā nidhē,
dayāvati namastubhyaṃ, viśvēśvari namōstutē || 4 ||
namaḥ kṣīrārṇava sudhē, namaḥ trailōkya dhāriṇi,
vasu vṛṣṭē namastubhyaṃ, rakṣa māṃ śaraṇāgatam || 5 ||
rakṣa tvaṃ dēva dēvēśi dēva dēvasya vallabhē,
dāridryāt trāhi māṃ lakṣmī, kr̥pāṃ kuru mamōpari || 6 ||
namastrailōkya jananī, namastrailōkya pāvani,
brahmādayō namanti tvam, jagadānanda dhāyinī || 7 ||
viṣṇu priyē namastubhyaṃ, namastubhyaṃ jagadhité,
arthantrī namastubhyaṃ, samṛddhiṃ kuru mē sadā || 8 ||
abjavāsē namastubhyaṃ, capalāyai namō namaḥ,
cañcalāyai namastubhyaṃ, lalityai namō namaḥ || 9 ||
namaḥ pradyumna janani, mātas-tubhyaṃ namō namaḥ,
paripālaya bhō mātar māṃ, tubhyaṃ śaraṇāgatam || 10 ||
śaraṇyē tvaṃ prapannōsmi, kamalē kamalālayē,
trāhi trāhi mahālakṣmi, paritrāṇā parāyaṇē || 11 ||
pāṇḍityaṃ śōbhatē naiva, na śōbhanti guṇā narē,
śīlatvaṃ naiva śōbhatē, mahālakṣmī tvayā vinā || 12 ||
tvad virājatē rūpaṃ, tvacchīlaṃ virājatē,
tvadguṇāḥ naraṇāṃ ca yāvat lakṣmī prasīdati || 13 ||
lakṣmī tvayālankṛta mānavayē,
pāpair vimuktāḥ nṛpalōka mānyāḥ,
guṇair vihīnāḥ guṇinō bhavanti,
duśśīlinaḥ śīlavatāṃ variṣṭhāḥ || 14 ||
lakṣmīr bhūṣayatē rūpaṃ, lakṣmīr bhūṣayatē kulaṃ,
lakṣmīr bhūṣayatē vidyāṃ, sarvaṃ lakṣmīr viśēṣyatē || 15 ||
lakṣmī tvadguṇa kīrtanēna, kamalā bhūrityalaṃ jihmatam,
rudrādhya ravi candra dēvatayō, vaktuṃ naiva kṣamāḥ,
asmābhi stāva rūpa lakṣaṇa guṇān vaktuṃ kathaṃ śakyatē,
mātar māṃ paripāhi viśva jananī kr̥tam || 16 ||
dīnārthī bhītaṃ, bhava tāpa pīṭhaṃ,
dhanair vihīnaṃ, tava pārśvamāgatam,
kr̥pā nidhitvāt, mama lakṣmī satvaraṃ,
dhana pradhāna dhana nāyakaṃ kuru || 17 ||
māṃ vilōkya jananī hari priyē,
nirdhanaṃ samīpamāgatam,
dēhi mē jhaditi kāragrāmaṃ,
vastra kāñcana varannam-adbhutam || 18 ||
tvamēva jananī lakṣmī, pitā lakṣmī tvamēva ca,
bhrātā tvaṃ ca sakhā lakṣmī vidyā lakṣmī tvamēva ca || 19 ||
trāhi trāhi mahālakṣmī, trāhi trāhi surēśvarī,
trāhi trāhi jagan mātar, dāridryāt trāhi vēgataḥ || 20 ||
namastubhyaṃ jagad dhātrī, namastubhyaṃ namō namaḥ,
dharma dhārē namastubhyaṃ, namaḥ sampatti dhāyinī || 21 ||
dāridryārṇava magnōham, nimagnōham rasa talē,
majjantaṃ māṃ karē dhṛtvā, tūddhara tvaṃ ramē dhruvam || 22 ||
kiṃ lakṣmī bahunōktēna, japitēna punaḥ punaḥ,
anyamē śaraṇaṃ nāsti, satyaṃ satyaṃ hari priyē || 23 ||
ētat śrutvā satya vākyaṃ, hṛṣyamāṇā hari priyā,
uvāca madhuraṃ vāṇīṃ, tuṣṭōham tava sarvadhā || 24 ||
yattvayōktam-idaṃ stōtraṃ yaḥ paṭhiṣyati mānavvaḥ,
śṛṇōti ca mahā bhāgas tasyāhaṃ vaśa vaṛdhinī || 25 ||
nityaṃ paṭhati yō bhaktyā, tvam lakṣmīḥ tasya naśyati,
ṛṇaṃ ca naśyatē tīvram, viyōgaṃ na paśyati || 26 ||
yaḥ paṭhēt prātar utthāya, śraddhā bhakti samanvitaḥ,
gr̥hē tasya sadā sthāsyē nityaṃ śrīpatinā saha || 27 ||
sukha sāubhāgya sampannō, manasvī buddhimān bhavēd,
putravān guṇavān śrēṣṭhō bhōga bhōktā ca mānavaḥ || 28 ||
idaṃ stōtraṃ mahā puṇyaṃ lakṣmya agastya prakīrtitam,
viṣṇu prasāda jananaṃ, caturvarga phala pradam || 29 ||
rājudvārē jayaścaiva, śatrōścaiva parājayaḥ,
bhūta prēta piśācānāṃ, vyāghrāṇāṃ na bhayaṃ tathā || 30 ||
na śastra anala tōyādyādbhayaṃ tasya prajāyatē,
durvṛttānāṃ ca pāpānāṃ bahu hānikaraṃ param || 31 ||
mandurākarī śālāsu gavāṃ gōṣṭhē samāhitaḥ,
paṭhēt dōṣa śāntyarthaṃ, mahā pātaka nāśanam || 32 ||
sarva sāukhya karaṃ nṛṇām āyur ārōgyadaṃ tathā,
agastya muninā prōktaṃ, prajānāṃ hita kāmyayā || 33 ||
iti śrī vijaya lakṣmī stōtraṃ sampūrṇam ||