శ్రీ వేణుగోపాలాష్టకం
కలితకనకచేలం ఖండితాపత్కుచేలం
గళధృతవనమాలం గర్వితారాతికాలం ।
కలిమలహరశీలం కాంతిధూతేంద్రనీలం
వినమదవనశీలం వేణుగోపాలమీడే ॥ ౧ ॥
వ్రజయువతివిలోలం వందనానందలోలం
కరధృతగురుశైలం కంజగర్భాదిపాలం ।
అభిమతఫలదానం శ్రీజితామర్త్యసాలం
వినమదవనశీలం వేణుగోపాలమీడే ॥ ౨ ॥
ఘనతరకరుణాశ్రీకల్పవల్ల్యాలవాలం
కలశజలధికన్యామోదకశ్రీకపోలం ।
ప్లుషితవినతలోకానంతదుష్కర్మతూలం
వినమదవనశీలం వేణుగోపాలమీడే ॥ ౩ ॥
శుభదసుగుణజాలం సూరిలోకానుకూలం
దితిజతతికరాలం దివ్యదారాయితేలం ।
మృదుమధురవచఃశ్రీ దూరితశ్రీరసాలం
వినమదవనశీలం వేణుగోపాలమీడే ॥ ౪ ॥
మృగమదతిలకశ్రీమేదురస్వీయఫాలం
జగదుదయలయస్థిత్యాత్మకాత్మీయఖేలం ।
సకలమునిజనాళీమానసాంతర్మరాళం
వినమదవనశీలం వేణుగోపాలమీడే ॥ ౫ ॥
అసురహరణఖేలనం నందకోత్క్షేపలీలం
విలసితశరకాలం విశ్వపూర్ణాంతరాళం ।
శుచిరుచిరయశశ్శ్రీధిక్కృత శ్రీమృణాలం
వినమదవనశీలం వేణుగోపాలమీడే ॥ ౬ ॥
స్వపరిచరణలబ్ధ శ్రీధరాశాధిపాలం
స్వమహిమలవలీలాజాతవిధ్యండగోళం ।
గురుతరభవదుఃఖానీక వాఃపూరకూలం
వినమదవనశీలం వేణుగోపాలమీడే ॥ ౭ ॥
చరణకమలశోభాపాలిత శ్రీప్రవాళం
సకలసుకృతిరక్షాదక్షకారుణ్య హేలం ।
రుచివిజితతమాలం రుక్మిణీపుణ్యమూలం
వినమదవనశీలం వేణుగోపాలమీడే ॥ ౮ ॥
శ్రీవేణుగోపాల కృపాలవాలాం
శ్రీరుక్మిణీలోలసువర్ణచేలాం ।
కృతిం మమ త్వం కృపయా గృహీత్వా
స్రజం యథా మాం కురు దుఃఖదూరం ॥ ౯ ॥
ఇతి శ్రీ వేణుగోపాలాష్టకం ।
Shri Venugopalashtakam
kalitakanakacēlaṃ khaṇḍitāpatkucēlaṃ
gaḷadhr̥tavanamālaṃ garvitārātikālaṃ |
kalimalaharaśīlaṃ kāntidhūtēndranīlaṃ
vinamadavanaśīlaṃ vēṇugōpālamīḍē || 1 ||
vrajayuvativilōlaṃ vandanānandalōlaṃ
karadhr̥taguruśailaṃ kañjagarbhādipālaṃ |
abhimataphaladānaṃ śrījitāmartyasālaṃ
vinamadavanaśīlaṃ vēṇugōpālamīḍē || 2 ||
ghanatarakaruṇāśrīkalpavallyālavālaṃ
kalaśajaladhikanyāmōdakaśrīkapōlaṃ |
pluṣitavinatalōkānantaduṣkarmatūlaṃ
vinamadavanaśīlaṃ vēṇugōpālamīḍē || 3 ||
śubhadasuguṇajālaṃ sūrilōkānukūlaṃ
ditijatatikarālaṃ divyadārāyitēlaṃ |
mr̥dumadhuravacaḥśrī dūritaśrīrasālaṃ
vinamadavanaśīlaṃ vēṇugōpālamīḍē || 4 ||
mr̥gamadatilakaśrīmēdurasvīyaphālaṃ
jagadudayalyasthityātmakātmīyakhēlaṃ |
sakalamunijanāḷīmānasāntarmarālaṃ
vinamadavanaśīlaṃ vēṇugōpālamīḍē || 5 ||
asuraharaṇakhēlanaṃ nandakōtkṣēpalīlaṃ
vilasitaśarakālaṃ viśvapūrṇāntarālaṃ |
śucirucirayaśaśśrīdhikkr̥ta śrīmr̥ṇālaṃ
vinamadavanaśīlaṃ vēṇugōpālamīḍē || 6 ||
svaparicaraṇalabdha śrīdharāśādhipālaṃ
svamahimalavalīlājātavidyaṇḍagōḷaṃ |
gurutara bhavaduḥkhānīka vāḥpūrakūlaṃ
vinamadavanaśīlaṃ vēṇugōpālamīḍē || 7 ||
caraṇakamalaśōbhāpālita śrīpravāḷaṃ
sakalasukr̥tiraxādaxakāruṇya hēlaṃ |
rucivijitatamālaṃ rukmiṇīpuṇyamūlaṃ
vinamadavanaśīlaṃ vēṇugōpālamīḍē || 8 ||
śrīvēṇugōpāla kr̥pālavālāṃ
śrīrukmiṇīlōlasuvarṇacēlāṃ |
kr̥tiṃ mama tvaṃ kr̥payā gr̥hītvā
srajaṃ yathā māṃ kuru duḥkhadūraṃ || 9 ||
iti śrī vēṇugōpālāṣṭakaṃ |