శ్రీ వశ్య వారాహీ స్తోత్రం
ధ్యానం
తారే తారిణి దేవి విశ్వజనని ప్రౌఢప్రతాపాన్వితే
తారే దిక్షు విపక్ష యక్ష దలిని వాచా చలా వారుణీ |
లక్ష్మీకారిణి కీర్తిధారిణి మహాసౌభాగ్యసందాయిని |
రూపం దేహి యశశ్చ సతతం వశ్యం జగత్యావృతం |
స్తోత్రం
అశ్వారూఢే రక్తవర్ణే స్మితసౌమ్యముఖాంబుజే |
రాజ్యస్త్రీ సర్వజంతూనాం వశీకరణనాయికే || ౧ ||
వశీకరణకార్యార్థం పురా దేవేన నిర్మితం |
తస్మాద్వశ్యవారాహీ సర్వాన్మే వశమానయ || ౨ ||
యథా రాజా మహాజ్ఞానం వస్త్రం ధాన్యం మహావసు |
మహ్యం దదాతి వారాహి యథాత్వం వశమానయ || ౩ ||
అంతర్బహిశ్చ మనసి వ్యాపారేషు సభాషు చ |
యథా మామేవం స్మరతి తథా వశ్యం వశం కురు || ౪ ||
చామరం దోలికాం ఛత్రం రాజచిహ్నాని యచ్ఛతి |
అభీష్ఠం సంప్రదోరాజ్యం యథా దేవి వశం కురు || ౫ ||
మన్మథస్మరణాద్రామా రతిర్యాతు మయాసహ |
స్త్రీరత్నేషు మహత్ప్రేమ తథా జనయకామదే || ౬ ||
మృగ పక్ష్యాదయాః సర్వే మాం దృష్ట్వా ప్రేమమోహితాః |
అనుగచ్ఛతి మామేవ త్వత్ప్రసాదాద్దయాం కురు || ౭ ||
వశీకరణకార్యార్థం యత్ర యత్ర ప్రయుంజతి |
సమ్మోహనార్థం వర్ధిత్వాత్తత్కార్యం తత్ర కర్షయ || ౮ ||
వశమస్తీతి చైవాత్ర వశ్యకార్యేషు దృశ్యతే |
తథా మాం కురు వారాహీ వశ్యకార్య ప్రదర్శయ || ౯ ||
వశీకరణ బాణాస్త్రం భక్త్యాపద్ధినివారణం |
తస్మాద్వశ్యవారాహీ జగత్సర్వం వశం కురు || ౧౦ ||
వశ్యస్తోత్రమిదం దేవ్యా త్రిసంధ్యం యః పఠేన్నరః |
అభీష్టం ప్రాప్నుయాద్భక్తో రమాం రాజ్యం యథాపివః || ౧౧ ||
ఇతి అథర్వశిఖాయాం వశ్య వారాహీ స్తోత్రం సంపూర్ణం ||
śrī vaśya vārāhī stōtram
Dhyānam
tārē tāriṇi dēvi viśvajanani prauḍhapratāpānvitē
tārē dikṣu vipakṣa yakṣa dalini vācā calā vāruṇī |
lakṣmīkāriṇi kīrtidhāriṇi mahāsāubhāgyasandāyini |
rūpaṃ dēhi yaśaśca satataṃ vaśyaṃ jagatyāvr̥taṃ |
Stōtram
aśvārūḍhē raktavarṇē smitasāumyamukhāmbujē |
rājyastrī sarvajantūnāṃ vaśīkaraṇanāyikē || 1 ||
vaśīkaraṇakāryārthaṃ purā dēvēna nirmitaṃ |
tasmādvaśyavārāhī sarvānmē vaśamānaya || 2 ||
yathā rājā mahājñānaṃ vastraṃ dhānyaṃ mahāvasu |
mahyaṃ dadāti vārāhi yathātvaṃ vaśamānaya || 3 ||
antarbahiśca manasi vyāpārēṣu sabhāṣu ca |
yathā māmēvaṃ smarati tathā vaśyaṃ vaśaṃ kuru || 4 ||
cāmaraṃ dōlikāṃ chatraṃ rājacihnāni yacchati |
abhīṣṭhaṃ sampradōrājyaṃ yathā dēvi vaśaṃ kuru || 5 ||
manmathasmaraṇādrāmā ratiryātu mayāsaha |
strīratnēṣu mahatprēma tathā janayakāmadē || 6 ||
mr̥ga pakṣyādayāḥ sarvē māṃ dr̥ṣṭvā prēmamōhitāḥ |
anugacchati māmēva tvatprasādā ddayāṃ kuru || 7 ||
vaśīkaraṇakāryārthaṃ yatra yatra prayuñjati |
sammōhanārthaṃ vardhittvāttatkāryaṃ tatra karṣaya || 8 ||
vaśamastīti caivātra vaśyakāryēṣu dr̥śyatē |
tathā māṃ kuru vārāhī vaśyakārya pradarśaya || 9 ||
vaśīkaraṇa bāṇāstraṃ bhaktyāpaddinivāraṇaṃ |
tasmādvaśyavārāhī jagatsarvaṃ vaśaṃ kuru || 10 ||
vaśyastōtramidaṃ dēvyā trisandhyaṃ yaḥ paṭhēnnaraḥ |
abhīṣṭaṃ prāpnuyādbha ktō ramāṃ rājyaṃ yathāpivaḥ || 11 ||
iti atharvaśikhāyāṃ vaśya vārāhī stōtram |