శ్రీ వారాహీ స్వరూప ధ్యాన శ్లోకాః
౧. వార్తాలీ
రక్తాంభోరుహకర్ణికోపరిగతే శావాసనే సంస్థితాం
ముండస్రక్పరిరాజమానహృదయాం నీలాశ్మసద్రోచిషమ్ |
హస్తాబ్జైర్ముసలంహలాఽభయవరాన్ సంబిభ్రతీం సత్కుచాం
వార్తాలీమరుణాంబరాం త్రినయనాం వందే వరాహాననామ్ ||
వార్తాలీ వారాహీ దేవ్యై నమః |
౨. అశ్వారూఢా
రక్తామశ్వాధిరూఢాం శశిధరశకలాబద్ధమౌలిం త్రినేత్రాం
పాశేనాబధ్య సాధ్యాం స్మరశరవివశాం దక్షిణేనానయంతీమ్ |
హస్తేనాన్యేన వేత్రం వరకనకమయం ధారయంతీం మనోజ్ఞాం
దేవీం ధ్యాయేదజస్రం కుచభరనమితాం దివ్యహారాభిరామామ్ ||
అశ్వారూఢా వారాహీ దేవ్యై నమః |
౩. ధూమ్ర వారాహీ
వారాహీ ధూమ్రవర్ణా చ భక్షయంతీ రిపూన్ సదా |
పశురూపాన్ మునిసురైర్వందితాం ధూమ్రరూపిణీమ్ ||
ధూమ్ర వారాహీ దేవ్యై నమః |
౪. అస్త్ర వారాహీ
నమస్తే అస్త్రవారాహి వైరిప్రాణాపహారిణి |
గోకంఠమివ శార్దూలో గజకంఠం యథా హరిః ||
శత్రురూపపశూన్ హత్వా ఆశు మాంసం చ భక్షయ |
వారాహి త్వాం సదా వందే వంద్యే చాస్త్రస్వరూపిణీ ||
అస్త్ర వారాహీ దేవ్యై నమః |
౫. సుముఖీ వారాహీ
గుంజానిర్మితహారభూషితకుచాం సద్యౌవనోల్లాసినీం
హస్తాభ్యాం నృకపాలఖడ్గలతికే రమ్యే ముదా బిభ్రతీమ్ |
రక్తాలంకృతివస్త్రలేపనలసద్దేహప్రభాం ధ్యాయతాం
నౄణాం శ్రీసుముఖీం శవాసనగతాం స్యుః సర్వదా సంపదః ||
సుముఖీ వారాహీ దేవ్యై నమః |
౬. నిగ్రహ వారాహీ
విద్యుద్రోచిర్హస్తపద్మైర్దధానా
పాశం శక్తిం ముద్గరం చాంకుశం చ |
నేత్రోద్భూతైర్వీతిహోత్రైస్త్రినేత్రా
వారాహీ నః శత్రువర్గం క్షిణోతు ||
నిగ్రహ వారాహీ దేవ్యై నమః |
౭. స్వప్న వారాహీ
మేఘశ్యామరుచిం మనోహరకుచాం నేత్రత్రయోద్భాసితాం
కోలాస్యాం శశిశేఖరామచలయా దంష్ట్రాతలే శోభినీమ్ |
బిభ్రాణాం స్వకరాంబుజైరసిలతాం చర్మాసి పాశం సృణిం
వారాహీమనుచింతయేద్ధయవరారూఢాం శుభాలంకృతిమ్ ||
స్వప్న వారాహీ దేవ్యై నమః |
౮. వశ్య వారాహీ
తారే తారిణి దేవి విశ్వజననీ ప్రౌఢప్రతాపాన్వితే
తారే దిక్షు విపక్షపక్షదలిని వాచాచలా వారుణీ |
లక్ష్మీకారిణీ కీర్తిధారిణి మహాసౌభాగ్యసంధాయిని
రూపం దేహి యశశ్చ సతతం వశ్యం జగత్యావృతమ్ ||
వశ్య వారాహీ దేవ్యై నమః |
౯. కిరాత వారాహీ
ఘోణీ ఘర్ఘర నిస్వనాంచితముఖాం కౌటిల్య చింతాం పరాం
ఉగ్రాం కాలిమకాలమేఘపటలచ్ఛన్నోరు తేజస్వినీం |
క్రూరాం దీర్ఘవినీల రోమపటలామశ్రూయతామీశ్వరీం
ధ్యాయేత్క్రోడముఖీం త్రిలోకజననీముగ్రాసి దండాన్వితా ||
కిరాత వారాహీ దేవ్యై నమః |
౧౦. లఘు వారాహీ
మహార్ణవే నిపతితాం ఉద్ధరంతీం వసుంధరామ్ |
మహాదంష్ట్రాం మహాకాయాం నమామ్యున్మత్తభైరవీమ్ ||
ముసలాసిలసద్ఘంటాహలోద్యత్కర పంకజామ్ |
గదావరదసంయుక్తాం వారాహీం నీరదప్రభామ్ ||
లఘు వారాహీ దేవతాయై నమః |
౧౧. బృహద్వారాహీ
రక్తాంబుజే ప్రేతవరాసనస్థామర్థోరుకామార్భటికాసనస్థామ్ |
దంష్ట్రోల్లసత్పోత్రిముఖారవిందాం కోటీరసంచ్ఛిన్న హిమాంశురేఖామ్ |
హలం కపాలం దధతీం కరాభ్యాం వామేతరాభ్యాం ముసలేష్టదౌ చ |
రక్తాంబరాం రక్తపటోత్తరీయాం ప్రవాలకర్ణాభరణాం త్రినేత్రామ్ |
శ్యామాం సమస్తాభరణం సృగాఢ్యాం వారాహి సంజ్ఞాం ప్రణమామి నిత్యమ్ ||
బృహద్వారాహీ దేవతాయై నమః |
౧౨. మహావారాహీ
ప్రత్యగ్రారుణసంకాశపద్మాంతర్గర్భసంస్థితామ్ |
ఇంద్రనీలమహాతేజః ప్రకాశాం విశ్వమాతరమ్ ||
కదంబముండమాలాఢ్యాం నవరత్నవిభూషితామ్ |
అనర్ఘ్యరత్నఘటితముకుటశ్రీవిరాజితామ్ ||
కౌశేయార్ధోరుకాం చారుప్రవాలమణిభూషణామ్ |
దండేన ముసలేనాపి వరదేనాఽభయేన చ ||
విరాజితచతుర్బాహుం కపిలాక్షీం సుమధ్యమామ్ |
నితంబినీముత్పలాభాం కఠోరఘనసత్కుచామ్ ||
మహావారాహీ దేవతాయై నమః |
śrī vārāhī svarūpa dhyāna ślōkāḥ
1. vārtālī
raktāmbhōruha-karṇikōparigatē śāvāsanē saṃsthitāṃ
muṇḍasrak-parirājamāna-hr̥dayāṃ nīlāśmasadrōciṣam |
hastābjāirmusalaṃhalā'bhayavarān saṃbibhratīṃ satkucāṃ
vārtālīmaruṇāmbarāṃ trinayanāṃ vandē varāhānanām ||
vārtālī vārāhī dēvyāi namaḥ |
2. aśvārūḍhā
raktāmaśvādhirūḍhāṃ śaśidharaśakalābaddhamāuliṃ trinētrāṃ
pāśēnābādhya sādhyāṃ smaraśaravivaśāṃ dakṣiṇēnānayantīm |
hastēnānyēna vētraṃ varakanakamayaṃ dhārayantīṃ manōjñāṃ
dēvīṃ dhyāyēdajasraṃ kucabharanāmitāṃ divyahārābhirāmām ||
aśvārūḍhā vārāhī dēvyāi namaḥ |
3. dhūmra vārāhī
vārāhī dhūmravarṇā ca bhakṣayantī ripūn sadā |
paśurūpān munisurāir-vanditāṃ dhūmrarūpiṇīm ||
dhūmra vārāhī dēvyāi namaḥ |
4. astra vārāhī
namastē astravārāhi vairiprāṇāpahāriṇi |
gōkaṇṭhamiva śārdūlō gajakaṇṭhaṃ yathā hariḥ ||
śatrurūpapaśūn hatvā āśu māṃsaṃ ca bhakṣaya |
vārāhi tvāṃ sadā vandē vandyē cāstrasvarūpiṇī ||
astra vārāhī dēvyāi namaḥ |
5. sumukhī vārāhī
guñjānirmita-hā rabhūṣita-kucāṃ sadyāuvanōllāsinīṃ
hastābhyāṃ nr̥kapālakhaḍgalatikē ramyē mudā bibhratīm |
raktālaṅkr̥tivastralēpanalasaddēhaprabhāṃ dhyāyatāṃ
nr̥̄ṇāṃ śrīsumukhīṃ śavāsanagatāṃ syuḥ sarvadā sampadaḥ ||
sumukhī vārāhī dēvyāi namaḥ |
6. nigraha vārāhī
vidyudrōcirhastapadmāirdadhānā
pāśaṃ śaktiṃ mudgaraṃ cāṅkuśaṃ ca |
nētrōdbhūtāirvītihōtrāistrinētrā
vārāhī naḥ śatruvargaṃ kṣiṇōtu ||
nigraha vārāhī dēvyāi namaḥ |
7. svapna vārāhī
mēghaśyāmaruciṃ manōharakucāṃ nētratrayōdbhāsitāṃ
kōlāsyāṃ śaśiśēkharāmacalayā daṃṣṭrātālē śōbhinīm |
bibhrāṇāṃ svakaraṃbujāirasilatāṃ carmāsi pāśaṃ sr̥ṇiṃ
vārāhīmanucintayēddhayavarārūḍhāṃ śubhālaṅkr̥tim ||
svapna vārāhī dēvyāi namaḥ |
8. vaśya vārāhī
tārē tāriṇi dēvi viśvajananī prāuḍhapratāpānvitē
tārē dikṣu vipakṣapakṣadālini vācācalā vāruṇī |
lakṣmīkāriṇī kīrtidhāriṇi mahāsāubhāgyasandhāyini
rūpaṃ dēhi yaśaśca satataṃ vaśyaṃ jagatyāvr̥tam ||
vaśya vārāhī dēvyāi namaḥ |
9. kirāta vārāhī
ghōṇī gharghara nisvanāñcitamukhāṃ kāuṭilya cintāṃ parāṃ
ugrāṃ kālimakālamēghapaṭalacchannōru tējasvinīṃ |
krūrāṃ dīrghavinīla rōmapaṭalāmaśrūyatāmīśvarīṃ
dyāyētkrōḍamukhīṃ trilōkajananīmugrāsi daṇḍānvitā ||
kirāta vārāhī dēvyāi namaḥ |
10. laghu vārāhī
mahārṇavē nipatitāṃ uddharantīṃ vasundharām |
mahādaṃṣṭrāṃ mahākāyāṃ namāmyunmattabhāiravīm ||
musalāsilasadghaṇṭāhalōdyatkara paṅkajām |
gadāvaradasaṃyuktāṃ vārāhīṃ nīradaprabhām ||
laghu vārāhī dēvatāyāi namaḥ |
11. br̥hadvārāhī
raktāmbu jē prētavarāsanāsthāmardhōrukāmārbhaṭikāsanāsthām |
daṃṣṭrōllasatpōtrimukhāravindāṃ kōṭīrasañcchinna himāṃśurēkhām |
halaṃ kapālaṃ dadhatīṃ karābhyāṃ vāmētarābhyāṃ musalēṣṭadāu ca |
raktāmbarāṃ raktapaṭōttarīyāṃ pravālakarṇābharānāṃ trinētrām |
śyāmāṃ samastābharāṇaṃ sr̥gādhyāṃ vārāhi sañjñāṃ praṇamāmi nityam ||
br̥hadvārāhī dēvatāyāi namaḥ |
12. mahāvārāhī
pratyagrāruṇasaṅkāśapadmāntargarbhasaṃsthitām |
indranīlamahātējaḥ prakāśāṃ viśvamātaram ||
kadambamuṇḍamālāḍhyāṃ navaratnavibhūṣitām |
anarghyaratnaghaṭitamukutaśrīvirājitām ||
kāuśēyārdhōrukāṃ cārupravālamaṇibhūṣaṇām |
daṇḍēna musalēnāpi varadēnā'bhayēna ca ||
virājitacaturbāhuṃ kapilākṣīṃ sumadhyamām |
nitambinīmutpalābhāṃ kaṭhōraghanasatkucām ||
mahāvārāhī dēvatāyāi namaḥ |