శ్రీ వారాహీ నిగ్రహాష్టకం
దేవి క్రోడముఖి త్వదంఘ్రికమలద్వంద్వానురక్తాత్మనే
మహ్యం ద్రుహ్యతి యో మహేశి మనసా కాయేన వాచా నరః |
తస్యాశు త్వదయోగ్రనిష్ఠురహలాఘాతప్రభూతవ్యథా-
-పర్యస్యన్మనసో భవంతు వపుషః ప్రాణాః ప్రయాణోన్ముఖాః || ౧ ||
దేవి త్వత్పదపద్మభక్తివిభవప్రక్షీణదుష్కర్మణి
ప్రాదుర్భూతనృశంసభావమలినాం వృత్తిం విధత్తే మయి |
యో దేహీ భువనే తదీయహృదయాన్నిర్గత్వరైర్లోహితైః
సద్యః పూరయసే కరాబ్జచషకం వాంఛాఫలైర్మామపి || ౨ ||
చండోత్తుండవిదీర్ణదుష్టహృదయప్రోద్భిన్నరక్తచ్ఛటా
హాలాపానమదాట్టహాసనినదాటోపప్రతాపోత్కటమ్ |
మాతర్మత్పరిపంథినామపహృతైః ప్రాణైస్త్వదంఘ్రిద్వయం
ధ్యానోడ్డామరవైభవోదయవశాత్ సంతర్పయామి క్షణాత్ || ౩ ||
శ్యామాం తామరసాననాంఘ్రినయనాం సోమార్ధచూడాం జగ-
-త్త్రాణవ్యగ్రహలాయుధాగ్రముసలాం సంత్రాసముద్రావతీమ్ |
యే త్వాం రక్తకపాలినీం హరవరారోహే వరాహాననాం
భావైః సందధతే కథం క్షణమపి ప్రాణంతి తేషాం ద్విషః || ౪ ||
విశ్వాధీశ్వరవల్లభే విజయసే యా త్వం నియంత్రాత్మికా
భూతానాం పురుషాయుషావధికరీ పాకప్రదాకర్మణామ్ |
త్వాం యాచే భవతీం కిమప్యవితథం యో మద్విరోధీజన-
-స్తస్యాయుర్మమ వాంఛితావధిభవేన్మాతస్తవైవాజ్ఞయా || ౫ ||
మాతః సమ్యగుపాసితుం జడమతిస్త్వాం నైవ శక్నోమ్యహం
యద్యప్యన్వితదైశికాంఘ్రికమలానుక్రోశపాత్రస్య మే |
జంతుః కశ్చన చింతయత్యకుశలం యస్తస్య తద్వైశసం
భూయాద్దేవి విరోధినో మమ చ తే శ్రేయః పదాసంగినః || ౬ ||
వారాహీ వ్యథమానమానసగలత్సౌఖ్యం తదాశాబలిం
సీదంతం యమప్రాకృతాధ్యవసితం ప్రాప్తాఖిలోత్పాదితమ్ |
క్రందద్బంధుజనైః కలంకితకులం కంఠవ్రణోద్యత్కృమిం
పశ్యామి ప్రతిపక్షమాశు పతితం భ్రాంతం లుఠంతం ముహుః || ౭ ||
వారాహీ త్వమశేషజంతుషు పునః ప్రాణాత్మికా స్పందసే
శక్తివ్యాప్తచరాచరా ఖలు యతస్త్వామేతదభ్యర్థయే |
త్వత్పాదాంబుజసంగినో మమ సకృత్పాపం చికీర్షంతి యే
తేషాం మా కురు శంకరప్రియతమే దేహాంతరావస్థితిమ్ || ౮ ||
ఇతి శ్రీ వారాహీ నిగ్రహాష్టకం సంపూర్ణం ||
śrī vārāhī nigrahāṣṭakam
dēvi krōḍamukhi tvadaṅghrikamaladvandvānuraktātmanē
mahyaṃ druhyati yō mahēśi manasā kāyēna vācā naraḥ |
tasyāśu tvadayōgra-niṣṭhura-halāghāta-prabhūtavyathā-
-paryasyan-manasō bhava ntu vapuṣaḥ prāṇāḥ prayāṇōnmukhāḥ || 1 ||
dēvi tvatpadapadma-bhaktivibhava-prakṣīṇaduṣkarmaṇi
prādurbhūta-nr̥śaṃsabhāva-malināṃ vr̥ttiṃ vidhattē mayi |
yō dēhī bhuvanē tadīyahr̥dayān-nirgatvarāirlōhitāiḥ
sadyaḥ pūrayasē karābja-caṣakaṃ vāñchāphalāirmāmapī || 2 ||
caṇḍōttuṇḍavidīrṇa-duṣṭahr̥daya-prōdbhinna-raktacchaṭā
hālāpāna-madāṭṭahāsa-ninadāṭōpa-pratāpōtkaṭam |
mātarmatparipanthinām-apahr̥tāiḥ prāṇāistvadaṅghridvayaṃ
dhyānōḍḍāmara-vāibhavōdayavaśāt santarpayāmi kṣaṇāt || 3 ||
śyāmāṃ tāmarasānanāṅghrinayanāṃ sōmārdhacūḍāṃ jaga-
-ttrāṇavyagra-halāyudhāgra-musalāṃ santrāsamudrāvatīm |
yē tvāṃ raktakapālinīṃ haravarārōhē varāhānanāṃ
bhāvāiḥ sandadhatē kathaṃ kṣaṇamapi prāṇanti tēṣāṃ dviṣḥ || 4 ||
viśvādhīśvara-vallabhē vijayasē yā tvaṃ niyantrātmikā
భూతానాం పురుషాయుషావధికరీ పాకప్రదాకర్మణామ్ |
tvāṃ yācē bhavatīṃ kimapyavitathaṃ yō madvirōdhījana-
-tasyāyurmama vāñchitāvadhibhavēnmātastavāivājñayā || 5 ||
mātaḥ samyagupāsituṃ jaḍamatistvāṃ nāiva śaknōmyahaṃ
yadyapyanvita-daiśikāṅghrikamalānukrōśapātrasya mē |
jantuḥ kaścana cintayatyakuśalaṃ yastasya tadvāiśasaṃ
bhūyāddēvi virōdhinō mama ca tē śrēyaḥ padāsaṅginaḥ || 6 ||
vārāhī vyathamāna-mānasagalat-sāukhyaṃ tadāśābaliṃ
sīdantaṃ yamaprākr̥tādhyavasitaṃ prāptākhilōtpāditam |
krandad-bandhujanāiḥ kalaṅkitakulaṃ kaṇṭhavraṇōdyatkr̥miṃ
paśyāmi pratipakṣamāśu patitaṃ bhrāntaṃ luṭhantaṃ muhuḥ || 7 ||
vārāhī tvamaśēṣajantuṣu punaḥ prāṇātmikā spandasē
śaktivyāpta-carācarā khalu yatastvā mētadabhyarthayē |
tvatpādāmbujasaṅginō mama sak r̥tpāpaṃ cikīrṣanti yē
తేషాం మా కురు శంకరప్రియతమే దేహాంతరావస్థితిమ్ || 8 ||
iti śrī vārāhī nigrahāṣṭakam ||