శ్రీ వారాహీ అనుగ్రహాష్టకం
ఈశ్వర ఉవాచ
మాతర్జగద్రచననాటకసూత్రధార-
-స్త్వద్రూపమాకలయితుం పరమార్థతోఽయమ్ |
ఈశోఽప్యమీశ్వరపదం సముపైతి తాదృక్
కోన్యః స్తవం కిమివ తావకమాదధాతు || ౧ ||
నామాని కింతు గృణతస్తవ లోకతుండే
నాడంబరం స్పృశతి దండధరస్య దండః |
తల్లేశలంఘితభవాంబునిధీ యతోఽయం
త్వన్నామసంస్మృతిరియం న పునః స్తుతిస్తే || ౨ ||
త్వచ్చింతనాదరసముల్లసదప్రమేయా-
-ఽఽనందోదయాత్సముదితః స్ఫుటరోమహర్షః |
మాతర్నమామి సుదినాని సదేత్యముం త్వా-
-మభ్యర్థయేర్థమితి పూరయతాద్దయాలో || ౩ ||
ఇంద్రేందుమౌలివిధికేశవమౌలిరత్న-
-రోచిశ్చయోజ్జ్వలితపాదసరోజయుగ్మే |
చేతో నతౌ మమ సదా ప్రతిబింబితా త్వం
భూయో భవాని భవనాశిని భావయే త్వామ్ || ౪ ||
లీలోద్ధృతక్షితితలస్య వరాహమూర్తే-
-ర్వారాహమూర్తిరఖిలార్థకరీ త్వమేవ |
ప్రాలేయరశ్మిసుకలోల్లసితావతంసా
త్వం దేవి వామతనుభాగహరా హరస్య || ౫ ||
త్వామంబ తప్తకనకోజ్జ్వలకాంతిమంత-
-ర్యే చింతయంతి యువతీతనుమం గలాంతామ్ |
చక్రాయుధాం త్రినయనాం వరపోత్రివక్త్రాం
తేషాం పదాంబుజయుగం ప్రణమంతి దేవాః || ౬ ||
త్వత్సేవనస్ఖలితపాపచయస్య మాత-
-ర్మోక్షోఽపి యస్య న సతో గణనాముపైతి |
దేవాసురోరగనృపూజితపాదపీఠః
కస్యాః శ్రియః స ఖలు భాజనతాం న ధత్తే || ౭ ||
కిం దుష్కరం త్వయి మనోవిషయం గతాయాం
కిం దుర్లభం త్వయి విధానువదర్చితాయామ్ |
కిం దుర్భరం త్వయి సకృత్స్మృతిమాగతాయాం
కిం దుర్జయం త్వయి కృతస్తుతివాదపుంసామ్ || ౮ ||
ఇతి శ్రీ వారాహీ అనుగ్రహాష్టకం సంపూర్ణం ||
śrī vārāhī anugrahāṣṭakam
īśvara uvāca
mātar-jagadracanā-nāṭaka-sūtradhāra-
-stvad-rūpa-mākalayituṃ paramārthatō'yam |
īśō'pyamīśvara-padaṃ samupāiti tād r̥k
kōnyaḥ stavaṃ kimiva tāvakam-ādadhātu || 1 ||
nāmāni kintu gr̥ṇatas-tava lōkatuṇḍē
nāḍambaraṃ spr̥śati daṇḍadharasya daṇḍaḥ |
tallēśa-laṅghita-bhavāmbu-nidhī ya tō'yaṃ
tvannāma-saṃsm r̥tir-iyaṃ na punaḥ stutistē || 2 ||
tvaccintanādara-samullasad-apramēyā-
-'nandōdayāt-samuditaḥ sphuṭa-rōmaharṣaḥ |
mātar-namāmi sudināni sadētyamuṃ tvā-
-mabhyarthayē-rthamiti pūrayatād-dayālō || 3 ||
indrēndu-māuḷividhi-kēśava-māuḷiratna-
-rōciścayōj-jvalita-pādasarōjayugmē |
cētō nātāu mama sadā pratibimbitā tvaṃ
bhūyō bhavāni bhavanāśini bhāvayē tvām || 4 ||
līlōddhr̥ta-kṣititalasya varāhamūrtē-
-rvārāhamūrtir-akhilārthakarī tvamēva |
prālēyaraśmi-sukalōllasitā-vataṃsā
tvaṃ dēvi vāmatanubhāga-harā harasya || 5 ||
tvāmamba taptakanakōj-jvalakāntimanta-
-ryē cintayanti yuvatī-tanumaṃ galāntām |
cakrāyudhāṃ trinayanāṃ varapōtrivaktrāṃ
tēṣāṃ pādāmbujayugaṃ praṇamanti dēvāḥ || 6 ||
tvatsēvana-skhalita-pāpacayasya māta-
-rmōkṣō'pi yasya na satō gaṇanām-upāiti |
dēvāsurōraga-nr̥pūjita-pādapīṭhaḥ
kasyāḥ śriyaḥ sa khalu bhājanatāṃ na dhattē || 7 ||
kiṃ duṣkaraṃ tvayi manōviṣayaṃ gatāyāṃ
kiṃ durlabhaṃ tvayi vidhānuvad-arcitāyām |
kiṃ durbharaṃ tvayi sak r̥tsmr̥ti-māgatāyāṃ
kiṃ durjayaṃ tvayi kr̥tastuti-vādapuṃsām || 8 ||
iti śrī vārāhī anugrahāṣṭakam ||