శ్రీ తులసీ స్తోత్రం
జగద్ధాత్రి నమస్తుభ్యం విష్ణోశ్చ ప్రియవల్లభే |
యతో బ్రహ్మాదయో దేవాః సృష్టిస్థిత్యంతకారిణః || ౧ ||
నమస్తులసి కల్యాణి నమో విష్ణుప్రియే శుభే |
నమో మోక్షప్రదే దేవి నమః సంపత్ప్రదాయికే || ౨ ||
తులసీ పాతు మాం నిత్యం సర్వాపద్భ్యోఽపి సర్వదా |
కీర్తితా వాపి స్మృతా వాపి పవిత్రయతి మానవమ్ || ౩ ||
నమామి శిరసా దేవీం తులసీం విలసత్తనుం |
యాం దృష్ట్వా పాపినో మర్త్యాః ముచ్యంతే సర్వకిల్బిషాత్ || ౪ ||
తులస్యా రక్షితం సర్వం జగదేతచ్చరాచరం |
యా వినర్హంతి పాపాని దృష్ట్వా వా పాపిభిర్నరైః || ౫ ||
నమస్తులస్యతితరాం యస్యై బద్ధాంజలిం కలౌ |
కలయంతి సుఖం సర్వం స్త్రియో వైశ్యాస్తథాఽపరే || ౬ ||
తులస్యా నాపరం కించిద్దైవతం జగతీతలే |
యథా పవిత్రితో లోకో విష్ణుसंगేన వైష్ణవః || ౭ ||
తులస్యాః పల్లవం విష్ణోః శిరస్యారోపితం కలౌ |
ఆరోపయతి సర్వాణి శ్రేయాంసి వరమస్తకే || ౮ ||
తులస్యాం సకలా దేవా వసంతి సతతం యతః |
అతస్తామర్చయేల్లోకే సర్వాన్ దేవాన్ సమర్చయన్ || ౯ ||
నమస్తులసి సర్వజ్ఞే పురుషోత్తమవల్లభే |
పాహి మాం సర్వ పాపేభ్యః సర్వసమ్పత్ప్రదాయికే || ౧౦ ||
ఇతి స్తోత్రం పురా గీతం పుండరీకేణ ధీమతా |
విష్ణుమర్చయతా నిత్యం శోభనైస్తులసీదలైః || ౧౧ ||
తులసీ శ్రీర్మహాలక్ష్మీర్విద్యావిద్యా యశస్వినీ |
ధర్మ్యా ధర్మాననా దేవీ దేవదేవమనఃప్రియా || ౧౨ ||
లక్ష్మీప్రియసఖీ దేవీ ద్యౌర్భూమిరచలా చలా |
షోడశైతాని నామాని తులస్యాః కీర్తయన్నరః || ౧౩ ||
లభతే సుతరాం భక్తిమంతే విష్ణుపదం లభేత్ |
తులసీ భూర్మహాలక్ష్మీః పద్మినీ శ్రీర్హరిప్రియా || ౧౪ ||
తులసి శ్రీసఖి శుభే పాపహారిణి పుణ్యదే |
నమస్తే నారదనుతే నారాయణమనఃప్రియే || ౧౫ ||
ఇతి శ్రీ పుండరీక కృతం తులసీ స్తోత్రం ||
śrī tulasī stōtram
jagaddhātri namastubhyaṃ viṣṇōśca priyavallabhē |
yatō brahmādayō dēvāḥ sṛṣṭisthityantakāriṇaḥ || 1 ||
namastulasi kalyāṇi namō viṣṇupriyē śubhē |
namō mōkṣapradē dēvi namaḥ sampatpradāyikē || 2 ||
tulasī pātu māṃ nityaṃ sarvāpadbhyō’pi sarvadā |
kīrtitā vāpi smṛtā vāpi pavitrayati mānavam || 3 ||
namāmi śirasā dēvīṃ tulasīṃ vilasattanuṃ |
yāṃ dṛṣṭvā pāpinō martyāḥ mucyantē sarvakilbiṣāt || 4 ||
tulasyā rakṣitaṃ sarvaṃ jagadētaccarācaraṃ |
yā vinarhanti pāpāni dṛṣṭvā vā pāpibhirnarāiḥ || 5 ||
namastulasyatitarāṃ yasyāi baddhāñjaliṃ kalāu |
kalayanti sukhaṃ sarvaṃ striyō vaiśyāstathā’parē || 6 ||
tulasyā nāparaṃ kiñciddāivatāṃ jagatītalē |
yathā pavitritō lōkō viṣṇusaṅgēna vaiṣṇavaḥ || 7 ||
tulasyāḥ pallavaṃ viṣṇōḥ śirasyārōpitaṃ kalāu |
ārōpayati sarvāṇi śrēyāṃsi varamastakē || 8 ||
tulasyāṃ sakalā dēvā vasanti satataṃ yataḥ |
atastāmarcayēllōkē sarvān dēvān samarcayan || 9 ||
namastulasi sarvajñē puruṣōttamavallabhē |
pāhi māṃ sarva pāpēbhyaḥ sarvasampatpradāyikē || 10 ||
iti stōtraṃ purā gītaṃ puṇḍarīkēṇa dhīmatā |
viṣṇumarcayatā nityaṃ śōbhanāistulasīdalāiḥ || 11 ||
tulasī śrīrmahālakṣmīrvidyāvidyā yaśasvinī |
dharmyā dharmānanā dēvī dēvadēvamanahpriyā || 12 ||
lakṣmīpriyasakhī dēvī dyāurbhūmiracalā calā |
ṣōḍaśāitāni nāmāni tulasyāḥ kīrtayannaraḥ || 13 ||
labhatē sutarāṃ bhaktimantē viṣṇupadaṃ labhēt |
tulasī bhūrmahālakṣmīḥ padminī śrīrharipriyā || 14 ||
tulasi śrīsakhi śubhē pāpahāriṇi puṇyadē |
namastē nāradanutē nārāyaṇamanahpriyē || 15 ||
iti śrī puṇḍarīka kr̥taṃ tulasī stōtram ||