శ్రీ తుల్జా భవానీ స్తోత్రం
నమోఽస్తు తే మహాదేవి శివే కల్యాణి శాంభవి |
ప్రసీద వేదవినుతే జగదంబ నమోస్తుతే || ౧ ||
జగతామాదిభూతా త్వం జగత్త్వం జగదాశ్రయా |
ఏకాఽప్యనేకరూపాసి జగదంబ నమోస్తుతే || ౨ ||
సృష్టిస్థితివినాశానాం హేతుభూతే మునిస్తుతే |
ప్రసీద దేవవినుతే జగదంబ నమోస్తుతే || ౩ ||
సర్వేశ్వరి నమస్తుభ్యం సర్వసౌభాగ్యదాయిని |
సర్వశక్తియుతేఽనంతే జగదంబ నమోస్తుతే || ౪ ||
వివిధారిష్టశమని త్రివిధోత్పాతనాశిని |
ప్రసీద దేవి లలితే జగదంబ నమోస్తుతే || ౫ ||
ప్రసీద కరుణాసింధో త్వత్తః కారుణికా పరా |
యతో నాస్తి మహాదేవి జగదంబ నమోస్తుతే || ౬ ||
శత్రూన్ జహి జయం దేహి సర్వాన్కామాంశ్చ దేహి మే |
భయం నాశయ రోగాంశ్చ జగదంబ నమోస్తుతే || ౭ ||
జగదంబ నమోస్తుతే హితే
జయ శంభోర్దయితే మహామతే |
కులదేవి నమోఽస్తు తే సదా
హృది మే తిష్ఠ యతోఽసి సర్వదా || ౮ ||
తులజాపురవాసిన్యా దేవ్యాః స్తోత్రమిదం పరమ్ |
యః పఠేత్ప్రయతో భక్త్యా సర్వాన్కామాన్స ఆప్నుయాత్ || ౯ ||
ఇతి శ్రీ వాసుదేవానంద సరస్వతీ విరచితం శ్రీ తుల్జాపురవాసిన్యా దేవ్యాః స్తోత్రం సంపూర్ణం |
śrī tuljā bhavānī stōtram
namō'stu tē mahādēvi śivē kalyāṇi śāmbhavi |
prasīda vēdavinutē jagadamba namōstutē || 1 ||
jagatāmādibhūtā tvaṃ jagattvaṃ jagadāśrayā |
ēkā'pyanēkarūpāsi jagadamba namōstutē || 2 ||
sr̥ṣṭisthitivināśānāṃ hētubhūtē munistutē |
prasīda dēvavinutē jagadamba namōstutē || 3 ||
sarvēśvari namastubhyaṃ sarvasāubhāgyadāyini |
sarvaśaktiyutē'nantē jagadamba namōstutē || 4 ||
vividhāriṣṭaśamani trividhōtpātanāśini |
prasīda dēvi lalitē jagadamba namōstutē || 5 ||
prasīda karuṇāsindhō tvattaḥ kāruṇikā parā |
yatō nāsti mahādēvi jagadamba namōstutē || 6 ||
śatrūn jahi jayaṃ dēhi sarvānkāmāṃśca dēhi mē |
bhayaṃ nāśaya rōgāṃśca jagadamba namōstutē || 7 ||
jagadamba namōstutē hitē
jaya śambhōrdayitē mahāmatē |
kuladēvi namō'stu tē sadā
hr̥di mē tiṣṭha yatō'si sarvadā || 8 ||
tuljāpuravāsinyā dēvyāḥ stōtramidaṃ param |
yaḥ paṭhētprayatō bhaktyā sarvānkāmānsa āp nuyāt || 9 ||
iti śrī vāsudēvānanda sarasvatī viracitaṃ śrī tuljāpuravāsinyā dēvyāḥ stōtraṃ sampūrṇam ||