శ్రీ తారాష్టకం
ధ్యానం
ఓం ప్రత్యాలీఢపదార్చితాంఘ్రిశవహృద్ ఘోరాట్టహాసా పరా |
ఖడ్గేందీవరకర్త్రికర్పరభుజా హుంకార బీజోద్భవా |
సర్వా నీలవిశాలపింగలజటాజూటైక నాగైర్యుతా |
జాడ్యన్యస్య కపాలకే త్రిజగతాం హంత్యుగ్రతారా స్వయం ||
శూన్యస్థామతితేజసాం చ దధతీం శూలాబ్జ ఖడ్గం గదాం |
ముక్తాహారసుబద్ధ రత్న రసనాం కర్పూర కుందోజ్వలామ్ |
వందే విష్ణుసురేంద్రరుద్రనమితాం త్రైలోక్య రక్షాపరామ్ |
నీలాం తామహిభూషణాధివలయామత్యుగ్రతారాం భజే ||
స్తోత్రం
మాతర్నీలసరస్వతి ప్రణమతాం సౌభాగ్యసంపత్ప్రదే |
ప్రత్యాలీఢపదస్థితే శవహృది స్మేరాననాంభోరుహే |
ఫుల్లేందీవరలోచనే త్రినయనే కర్త్రీకపాలోత్పలే |
ఖడ్గం చాదధతీ త్వమేవ శరణం త్వామీశ్వరీమాశ్రయే || ౧ ||
వాచామీశ్వరి భక్తికల్పలతికే సర్వార్థసిద్ధీశ్వరి |
గద్యప్రాకృతపద్యజాతరచనాసర్వార్థసిద్ధిప్రదే |
నీలేందీవరలోచనత్రయయుతే కారుణ్యవారాన్నిధే |
సౌభాగ్యామృతవర్ధనేన కృపయాసించ త్వమస్మాదృశమ్ || ౨ ||
ఖర్వే గర్వసమూహపూరితతనో సర్పాదివేషోజ్వలే |
వ్యాఘ్రత్వక్పరివీతసుందరకటివ్యాధూతఘంటాంకితే |
సద్యఃకృత్తగలద్రజఃపరిమిలన్ముండద్వయీమూర్ధజే |
గ్రంథిశ్రేణినృముండదామలలితే భీమే భయం నాశయ || ౩ ||
మాయానంగవికారరూపలలనాబింద్వర్ధచంద్రాంబికే |
హుంఫట్కారమయి త్వమేవ శరణం మంత్రాత్మికే మాదృశః |
మూర్తిస్తే జనని త్రిధామఘటితా స్థూలాతిసూక్ష్మా పరా |
వేదానాం నహి గోచరా కథమపి ప్రాజ్ఞైర్నుతామాశ్రయే || ౪ ||
త్వత్పాదాంబుజసేవయా సుకృతినో గచ్ఛంతి సాయుజ్యతాం |
తస్యాః శ్రీపరమేశ్వరత్రినయనబ్రహ్మాదిసామ్యాత్మనః |
సంసారాంబుధిమజ్జనే పటుతనుర్దేవేంద్రముఖ్యాసురాన్ |
మాతస్తే పదసేవనే హి విముఖాన్ కిం మందధీః సేవతే || ౫ ||
మాతస్త్వత్పదపంకజద్వయరజోముద్రాంకకోటీరిణస్తే |
దేవా జయసంగరే విజయినో నిశ్శంకమంకే గతాః |
దేవోఽహం భువనే న మే సమ ఇతి స్పర్ధాం వహంతః పరే |
తత్తుల్యాం నియతం యథా శశిరవీ నాశం వ్రజంతి స్వయమ్ || ౬ ||
త్వన్నామస్మరణాత్పలాయనపరాంద్రష్టుం చ శక్తా న తే |
భూతప్రేతపిశాచరాక్షసగణా యక్షశ్చ నాగాధిపాః |
దైత్యా దానవపుంగవాశ్చ ఖచరా వ్యాఘ్రాదికా జంతవో |
డాకిన్యః కుపితాంతకశ్చ మనుజాన్ మాతః క్షణం భూతలే || ౭ ||
లక్ష్మీః సిద్ధిగణశ్చ పాదుకముఖాః సిద్ధాస్తథా వైరిణాం |
స్తంభశ్చాపి వరాంగనే గజఘటాస్తంభస్తథా మోహనమ్ |
మాతస్త్వత్పదసేవయా ఖలు నృణాం సిద్ధ్యంతి తే తే గుణాః |
క్లాంతః కాంతమనోభవోఽత్ర భవతి క్షుద్రోఽపి వాచస్పతిః || ౮ ||
ఫలశ్రుతి
తారాష్టకమిదం పుణ్యం భక్తిమాన్ యః పఠేన్నరః |
ప్రాతర్మధ్యాహ్నకాలే చ సాయాహ్నే నియతః శుచిః || ౯ ||
లభతే కవితాం విద్యాం సర్వశాస్త్రార్థవిద్భవేత్ |
లక్ష్మీమనశ్వరాం ప్రాప్య భుక్త్వా భోగాన్యథేప్సితాన్ || ౧౦ ||
కీర్తిం కాంతిం చ నైరుజ్యం ప్రాప్త్యాంతే మోక్షమాప్నుయాత్ |
విఖ్యాతిం చాపి లోకేషు ప్రాప్యంతే మోక్షమాప్నుయాత్ || ౧౧ ||
ఇతి శ్రీ తారాష్టకం సంపూర్ణం ||
śrī tārāṣṭakam
Dhyānam
ōṃ pratyālīḍhapadārcitāṅghriśavahr̥d ghōrāṭṭahāsā parā |
khaḍgēndīvarakartrikarparabhujā huṅkāra bījōdbhavā |
sarvā nīlaviśālapiṅgalajaṭājūṭāika nāgāiryutā |
jāḍyanyasya kapālakē trijagatāṃ hantyugratārā svayam ||
śūnyasthāmatitējasāṃ ca dadhatīṃ śūlābja khaḍgaṃ gadām |
muktāhārasubaddha ratna rasanāṃ karpūra kundōjvalām |
vandē viṣṇusurēndrarudranamitāṃ trāilōkya rakṣāparām |
nīlāṃ tāmahibhūṣanādhivalāyamatyugratārāṃ bhajē ||
Stōtram
mātarnīlasarasvati praṇamatāṃ sāubhāgyasampatpradē |
pratyālīḍhapadasthitē śavahr̥di smērānanāmbhōruhē |
phullēndīvaralōcanē trinayanē kartrīkapālōtpalē |
khaḍgaṃ cādadhatī tvamēva śaraṇaṃ tvāmīśvarīmāśrayē || 1 ||
vācāmīśvari bhaktikalpalatikē sarvārthasiddhīśvari |
gadyaprākr̥tapadyajātaracanāsarvārthasiddhipradē |
nīlēndīvaralōcanatrayayutē kāruṇyavārānnidhē |
sāubhāgyāmr̥tavardhanēna kr̥payāsinca tvāmāsmādr̥śam || 2 ||
kharvē garvasamūhapūritatanō sarpādivēṣōjvalē |
vyāghratvakparivītasundarakaṭivyādhūtaghanṭāṅkitē |
sadyaḥkr̥ttagaladrajaḥparimilanmuṇḍadvayīmūrthajē |
granthiśrēṇinr̥muṇḍadāmalalitē bhīmē bhayaṃ nāśaya || 3 ||
māyānaṅgavikārarūpalalanābindvardhacandrāmbikē |
humphaṭkāramayī tvamēva śaraṇaṃ mantrātmikē mādr̥śaḥ |
mūrtistē janani tridhāmaghaṭitā sthūlātisūkṣmā parā |
vēdānāṃ nahi gōcarā kathamapi prājñāirnutāmāśrayē || 4 ||
tvatpādāmbujasēvayā suk r̥tinō gaccḥanti sāyujyatāṃ |
tasyāḥ śrīparamēśvaratrinayanabrahmādisāmyātmanaḥ |
saṃsārāmbudhimajjanē paṭutanurdēvēndramukhyāsurān |
mātastē padasēvanē hi vimukhān kiṃ mandadhīḥ sēvatē || 5 ||
mātastvatpadapaṅkajadvayarajōmudrāṅkakōṭīriṇastē |
dēvā jayasangarē vijayinō niśśankamaṅkē gatāḥ |
dēvō'haṃ bhuvanē na mē sama iti spardhāṃ vahantaḥ parē |
tattulyāṃ niyatam yathā śaśiravī nāśam vrajanti svayam || 6 ||
tvannāmasmaraṇātpālāyanaparāndraṣṭuṃ ca śaktā na tē |
bhūtaprētapiśācarākṣasagaṇā yakṣaśca nāgādhipāḥ |
dāityā dānavapuṅgavāśca khacarā vyāghrādikā jantavō |
ḍākinyaḥ kupitāntakaśca manujān mātaḥ kṣaṇaṃ bhūtalē || 7 ||
lakṣmīḥ siddhigaṇaśca pādukamukhāḥ siddhāstatʰā vāiriṇāṃ |
stambhaśāpi varāṅganē gajaghaṭāstambhatatʰā mōhanam |
mātastvatpadē sēvayā khalu nr̥ṇāṃ siddhyanti tē tē guṇāḥ |
klāntaḥ kāntamanōbhavō'tra bhavati kṣudrō'pi vācaspatiḥ || 8 ||
Phalaśruti
tārāṣṭakamidaṃ puṇyaṃ bhaktimān yaḥ paṭʰēnnaraḥ |
prātarmadhyāhnakālē ca sāyāhnē niyataḥ śuciḥ || 9 ||
labhatē kavitāṃ vidyāṃ sarvaśāstrārthavidbhavēt |
lakṣmīmanaśvarāṃ prāpya bhuktvā bhōgānyatʰēpsitān || 10 ||
kīrtiṃ kāntiṃ ca nāirujyaṃ prāptyāntē mōkṣamāpnuyāt |
vikhyātiṃ cāpi lōkēṣu prāpyantē mōkṣāmapnuyāt || 11 ||
iti śrī tārāṣṭakam ||