శ్రీ తారా స్తోత్రం
ధ్యానం
ఓం ప్రత్యాలీఢపదార్చితాంఘ్రిశవహృద్ ఘోరాట్టహాసా పరా
ఖడ్గేందీవరకర్త్రికర్పరభుజా హుంకార బీజోద్భవా |
సర్వా నీలవిశాలపింగలజటాజూటైక నాగైర్యుతా
జాడ్యన్యస్య కపాలకే త్రిజగతాం హంత్యుగ్రతారా స్వయం ||
శూన్యస్థామతితేజసాం చ దధతీం శూలాబ్జ ఖడ్గం గదాం
ముక్తాహారసుబద్ధ రత్న రసనాం కర్పూర కుందోజ్వలామ్ |
వందే విష్ణుసురేంద్రరుద్రనమితాం త్రైలోక్య రక్షాపరామ్
నీలాం తామహిభూషణాధివలయామత్యుగ్రతారాం భజే ||
స్తోత్రం
మాతర్నీలసరస్వతి ప్రణమతాం సౌభాగ్యసంపత్ప్రదే
ప్రత్యాలీఢపదస్థితే శవహృది స్మేరాననాంభోరుహే |
ఫుల్లేందీవరలోచనే త్రినయనే కర్త్రీకపాలోత్పలే
ఖడ్గం చాదధతీ త్వమేవ శరణం త్వామీశ్వరీమాశ్రయే || ౧ ||
వాచామీశ్వరి భక్తికల్పలతికే సర్వార్థసిద్ధీశ్వరి
గద్యప్రాకృతపద్యజాతరచనాసర్వార్థసిద్ధిప్రదే |
నీలేందీవరలోచనత్రయయుతే కారుణ్యవారాన్నిధే
సౌభాగ్యామృతవర్ధనేన కృపయాసించ త్వమస్మాదృశమ్ || ౨ ||
ఖర్వే గర్వసమూహపూరితతనో సర్పాదివేషోజ్వలే
వ్యాఘ్రత్వక్పరివీతసుందరకటివ్యాధూతఘంటాంకితే |
సద్యఃకృత్తగలద్రజఃపరిమిలన్ముండద్వయీమూర్ధజే
గ్రంథిశ్రేణినృముండదామలలితే భీమే భయం నాశయ || ౩ ||
మాయానంగవికారరూపలలనాబింద్వర్ధచంద్రాంబికే
హుంఫట్కారమయి త్వమేవ శరణం మంత్రాత్మికే మాదృశః |
మూర్తిస్తే జనని త్రిధామఘటితా స్థూలాతిసూక్ష్మా పరా
వేదానాం నహి గోచరా కథమపి ప్రాజ్ఞైర్నుతామాశ్రయే || ౪ ||
త్వత్పాదాంబుజసేవయా సుకృతినో గచ్ఛంతి సాయుజ్యతాం
తస్యాః శ్రీపరమేశ్వరత్రినయనబ్రహ్మాదిసామ్యాత్మనః |
సంసారాంబుధిమజ్జనే పటుతనుర్దేవేంద్రముఖ్యాసురాన్
మాతస్తే పదసేవనే హి విముఖాన్ కిం మందధీః సేవతే || ౫ ||
మాతస్త్వత్పదపంకజద్వయరజోముద్రాంకకోటీరిణస్తే
దేవా జయసంగరే విజయినో నిశ్శంకమంకే గతాః |
దేవోఽహం భువనే న మే సమ ఇతి స్పర్ధాం వహంతః పరే
తత్తుల్యాం నియతం యథా శశిరవీ నాశం వ్రజంతి స్వయమ్ || ౬ ||
త్వన్నామస్మరణాత్పలాయనపరాంద్రష్టుం చ శక్తా న తే
భూతప్రేతపిశాచరాక్షసగణా యక్షశ్చ నాగాధిపాః |
దైత్యా దానవపుంగవాశ్చ ఖచరా వ్యాఘ్రాదికా జంతవో
డాకిన్యః కుపితాంతకశ్చ మనుజాన్ మాతః క్షణం భూతలే || ౭ ||
లక్ష్మీః సిద్ధిగణశ్చ పాదుకముఖాః సిద్ధాస్తథా వైరిణాం
స్తంభశ్చాపి వరాంగనే గజఘటాస్తంభస్తథా మోహనమ్ |
మాతస్త్వత్పదసేవయా ఖలు నృణాం సిద్ధ్యంతి తే తే గుణాః
క్లాంతః కాంతమనోభవోఽత్ర భవతి క్షుద్రోఽపి వాచస్పతిః || ౮ ||
తారాష్టకమిదం పుణ్యం భక్తిమాన్ యః పఠేన్నరః |
ప్రాతర్మధ్యాహ్నకాలే చ సాయాహ్నే నియతః శుచిః || ౯ ||
లభతే కవితాం విద్యాం సర్వశాస్త్రార్థవిద్భవేత్
లక్ష్మీమనశ్వరాం ప్రాప్య భుక్త్వా భోగాన్యథేప్సితాన్ |
కీర్తిం కాంతిం చ నైరుజ్యం ప్రాప్త్యాంతే మోక్షమాప్నుయాత్ || ౧౦ ||
ఇతి శ్రీ తారా స్తోత్రం సంపూర్ణం ||
śrī tārā stōtram
Dhyānam
ōṃ pratyālīḍhapadārcitāṃghriśavahr̥d ghōrāṭṭahāsā parā
khaḍgēndīvarakartrikarparabhujā humkāra bījōdbhavā |
sarvā nīlaviśālapiṃgalajaṭājūṭāika nāgāiryutā
jāḍyanyasya kapālakē trijagatāṃ hantyugratārā svayam ||
śūnyasthāmatitējasāṃ ca dadhatīṃ śūlābja khaḍgaṃ gadāṃ
muktāhārasubaddha ratna rasanāṃ karpūra kundōjvalām |
vandē viṣṇusurēndrarudranamitāṃ trailōkya rakṣāparām
nīlāṃ tāmahibhūṣaṇādhivalayāmatyugratārāṃ bhajē ||
Stōtram
mātarnīlasarasvati praṇamatāṃ sāubhāgyasampatpradē
pratyālīḍhapadasthitē śavahr̥di smērānanāmbhōruhē |
phullēndīvaralōcanē trinayanē kartrīkapālōtpalē
khaḍgaṃ cādadhatī tvamēva śaraṇaṃ tvāmīśvarīmāśrayē || 1 ||
vācāmīśvari bhaktikalpalati kē sarvārthasiddhīśvari
gadyaprākr̥tapadyajātaracanāsarvārthasiddhipradē |
nīlēndīvaralōcanatrayayutē kāruṇyavārānnidhē
sāubhāgyām r̥tavardhanēna kr̥payāsiñca tvamasmādr̥śam || 2 ||
kharvē garvasamūhapūritatanō sarpādivēṣōjvalē
vyāghratvakparivītasundarakaṭivyādhūtaghanṭāṃkitē |
sadyaḥkr̥ttagaladrajaḥparimilanmuṇḍadvayīmūrdhajē
granthiśrēṇinr̥muṇḍadāmalalitē bhīmē bhayaṃ nāśaya || 3 ||
māyānaṅgavikārarūpalalanābindvardhacandrāmbikē
humphaṭkāramayi tvamēva śaraṇaṃ mantrātmikē mād r̥śaḥ |
mūrtistē janani tridhāmaghaṭitā sthūlātisūkṣmā parā
vēdānāṃ nahi gōcarā kathamapi prājñāirnutāmāśrayē || 4 ||
tvatpādāmbujasēvayā suk r̥tinō gacchanti sāyujyatāṃ
tasyāḥ śrīparamēśvaratrinayanabrahmādisāmyātmanaḥ |
saṃsārāmbudhimajjanē paṭutanurdēvēndramukhyāsurān
mātatstē padasēvanē hi vimukhān kiṃ mandadhīḥ sēvatē || 5 ||
mātastvatpādapaṅkajadvayarajōmudrāṃkakōṭīriṇastē
dēvā jayasargarē vijayinō niśśaṅkamaṃkē gatāḥ |
dēvō'haṃ bhuvanē na mē sama iti spardhāṃ vahantaḥ parē
tattulyāṃ niyataṃ yathā śaśiravī nāśaṃ vrajanti svayam || 6 ||
tvannāmasmaraṇātpālāyanaparāndraṣṭuṃ ca śaktā na tē
bhūtaprētapiśācarākṣasagaṇā yakṣaśca nāgādhipāḥ |
dāityā dānavapuṃgavāśca khacarā vyāghrādikā jantavō
ḍākinyaḥ kupitāntakaśca manujān mātaḥ kṣaṇaṃ bhūtalē || 7 ||
lakṣmīḥ siddhigaṇaśca pādukamukhāḥ siddhāstathā vāirināṃ
stambhaścāpi varāṅganē gajaghaṭāstambha-stathā mōhanam |
mātastvatpadasēvayā khalu nr̥ṇāṃ siddhyanti tē tē guṇāḥ
klāntaḥ kāntamanōbhavō'tra bhavati kṣudrō'pi vācaspatiḥ || 8 ||
tārāṣṭakamidaṃ puṇyaṃ bhaktimān yaḥ paṭhēnnaraḥ |
prātarmadhyāhnakālē ca sāyāhnē niyataḥ śuciḥ || 9 ||
labhatē kavitāṃ vidyāṃ sarvaśāstrārthavidbhavēt
lakṣmīmanaśvarāṃ prāpya bhuktvā bhōgānyathēpsitān |
kīrtiṃ kāntiṃ ca nairujyaṃ prāptyāntē mōkṣamāpnuyāt || 10 ||
iti śrī tārā stōtram ||