శ్రీ సూర్యాష్టకం
సాంబ ఉవాచ
ఆదిదేవ నమస్తుభ్యం ప్రసీద మమ భాస్కర |
దివాకర నమస్తుభ్యం ప్రభాకర నమోఽస్తు తే || ౧ ||
సప్తాశ్వరథమారూఢం ప్రచండం కశ్యపాత్మజమ్ |
శ్వేతపద్మధరం దేవం తం సూర్యం ప్రణమామ్యహం || ౨ ||
లోహితం రథమారూఢం సర్వలోకపితామహం |
మహాపాపహరం దేవం తం సూర్యం ప్రణమామ్యహం || ౩ ||
త్రైగుణ్యం చ మహాśūraం బ్రహ్మవిష్ణుమహేశ్వరం |
మహాపాపహరం దేవం తం సూర్యం ప్రణమామ్యహం || ౪ ||
బృంహితం తేజసాం పుంజం వాయుమాకాశమేవ చ |
ప్రభుం చ సర్వలోకానాం తం సూర్యం ప్రణమామ్యహం || ౫ ||
బంధూకపుష్పసంకాశం హారకుండలభూషితం |
ఏకచక్రధరం దేవం తం సూర్యం ప్రణమామ్యహం || ౬ ||
తం సూర్యం జగత్కర్తారం మహాతేజఃప్రదీపనం |
మహాపాపహరం దేవం తం సూర్యం ప్రణమామ్యహం || ౭ ||
తం సూర్యం జగతాం నాథం జ్ఞానవిజ్ఞానమోక్షదమ్ |
మహాపాపహరం దేవం తం సూర్యం ప్రణమామ్యహం || ౮ ||
ఫలశ్రుతి
సూర్యాష్టకం పఠేన్నిత్యం గ్రహపీడాప్రణాశనం |
అపుత్రో లభతే పుత్రం దరిద్రో ధనవాన్భవేత్ || ౯ ||
ఆమిషం మధుపానం చ యః కరోతి రవేర్దినే |
సప్తజన్మ భవేద్రోగీ జన్మజన్మ దరిద్రతా || ౧౦ ||
స్త్రీతైలమధుమాంసాని యే త్యజంతి రవేర్దినే |
న వ్యాధిః శోకదారిద్ర్యం సూర్యలోకం స గచ్ఛతి || ౧౧ ||
ఇతి శ్రీ సూర్యాష్టకం సంపూర్ణమ్ ||
Shri Suryaashtakam
Sāṃba uvāca
ādidēva namastubhyaṃ prasīda mama bhāskara |
divākara namastubhyaṃ prabhākara namō’stu tē || 1 ||
saptāśvarathamārūḍhaṃ pracaṇḍaṃ kaśyapātmajam |
śvētapadmadharaṃ dēvaṃ taṃ sūryaṃ praṇamāmyaham || 2 ||
lōhitaṃ rathamārūḍhaṃ sarvalōkapitāmaham |
mahāpāpaharaṃ dēvaṃ taṃ sūryaṃ praṇamāmyaham || 3 ||
traiguṇyaṃ ca mahāśūraṃ brahmaviṣṇumahēśvaram |
mahāpāpaharaṃ dēvaṃ taṃ sūryaṃ praṇamāmyaham || 4 ||
bṛṃhitaṃ tējasāṃ puñjaṃ vāyumākāśamēva ca |
prabhuṃ ca sarvalōkānāṃ taṃ sūryaṃ praṇamāmyaham || 5 ||
baṇdhūkapuṣpasaṅkāśaṃ hārakuṇḍalabhūṣitam |
ēkacakradharaṃ dēvaṃ taṃ sūryaṃ praṇamāmyaham || 6 ||
taṃ sūryaṃ jagatkartāraṃ mahātējaḥpradīpanam |
mahāpāpaharaṃ dēvaṃ taṃ sūryaṃ praṇamāmyaham || 7 ||
taṃ sūryaṃ jagatāṃ nāthaṃ jñānavijñānamōxadam |
mahāpāpaharaṃ dēvaṃ taṃ sūryaṃ praṇamāmyaham || 8 ||
Phalaśruti
sūryāṣṭakaṃ paṭhēnnityaṃ grahapīḍāpraṇāśanam |
aputrō labhatē putraṃ daridrō dhanavānbhavēt || 9 ||
āmiṣaṃ madhupānaṃ ca yaḥ karōti ravērdinē |
saptajanma bhavēdrōgī janmajanma daridratā || 10 ||
strītailamadhumāṃsāni yē tyajanti ravērdinē |
na vyādhiḥ śōkadāridryaṃ sūryalōkaṃ sa gacchati || 11 ||
iti śrī sūryāṣṭakaṃ saṃpūṛṇam ||