శ్రీ సుబ్రహ్మణ్య స్తోత్రం
ఆదిత్యవిష్ణువిఘ్నేశరుద్రబ్రహ్మమరుద్గణాః |
లోకపాలాః సర్వదేవాః చరాచరమిదం జగత్ || ౧ ||
సర్వం త్వమేవ బ్రహ్మైవ అజమక్షరమద్వయమ్ |
అప్రమేయం మహాశాంతం అచలం నిర్వికారకమ్ || ౨ ||
నిరాలంబం నిరాభాసం సత్తామాత్రమగోచరమ్ |
ఏవం త్వాం మేధయా బుద్ధ్యా సదా పశ్యంతి సూరయః || ౩ ||
ఏవమజ్ఞానగాఢాంధతమోపహతచేతసః |
న పశ్యంతి తథా మూఢాః సదా దుర్గతి హేతవే || ౪ ||
విష్ణ్వాదీని స్వరూపాణి లీలాలోకవిడంబనమ్ |
కర్తుముద్యమ్య రూపాణి వివిధాని భవంతి చ || ౫ ||
తత్తదుక్తాః కథాః సమ్యక్ నిత్యసద్గతిప్రాప్తయే |
భక్త్యా శ్రుత్వా పఠిత్వా చ దృష్ట్యా సంపూజ్య శ్రద్ధయా || ౬ ||
సర్వాన్కామానవాప్నోతి భవదారాధనాత్ఖలు |
మమ పూజామనుగ్రాహ్య సుప్రసీద భవానఘ || ౭ ||
చపలం మన్మథవశమమర్యాదమసూయకమ్ |
వంచకం దుఃఖజనకం పాపిష్ఠం పాహి మాం ప్రభో || ౮ ||
సుబ్రహ్మణ్యస్తోత్రమిదం యే పఠంతి ద్విజోత్తమాః |
తే సర్వే ముక్తిమాయాంతి సుబ్రహ్మణ్య ప్రసాదతః || ౯ ||
ఇతి శ్రీ సుబ్రహ్మణ్య స్తోత్రం సంపూర్ణం ||
śrī subrahmaṇya stōtram
ādityaviṣṇuvighnēśarudrabrahmamarudgaṇāḥ |
lōkapālāḥ sarvadēvāḥ carācaramidaṃ jagat || 1 ||
sarvaṃ tvamēva brahmāiva ajamakṣaramadvayam |
apramēyaṃ mahāśāntaṃ acalaṃ nirvikārakam || 2 ||
nirālambaṃ nirābhāsaṃ sattāmātramagōcaram |
ēvaṃ tvāṃ mēdhayā buddhyā sadā paśyanti sūrayaḥ || 3 ||
ēvamajñānagāḍhāndhatamōpahatacetasaḥ |
na paśyanti tathā mūḍhāḥ sadā durgati hētavē || 4 ||
viṣṇvādīni svarūpāṇi līlālōkaviḍambanam |
kartumudyamya rūpāṇi vividhāni bhavanti ca || 5 ||
tattaduktāḥ kathāḥ samyak nityasadgatiprāptayē |
bhaktyā śrutvā paṭhitvā ca dr̥ṣṭyā saṃpūjya śraddhayā || 6 ||
sarvānkāmānavāpnōti bhavadārādhanātkhalu |
mama pūjāmanugrāhya suprasīda bhavānagha || 7 ||
capalaṃ manmathavaśamamaryādamasūyakam |
vañcakaṃ duḥkhajanakaṃ pāpiṣṭhaṃ pāhi māṃ prabhō || 8 ||
subrahmaṇyastōtramidaṃ yē paṭhanti dvijōttamāḥ |
tē sarvē muktimāyānti subrahmaṇya prasādataḥ || 9 ||
iti śrī subrahmaṇya stōtraṃ sampūrṇam ||