శ్రీ శ్యామలా పంచాశత్స్వరవర్ణమాలికా స్తోత్రం
వందేఽహం వనజేక్షణాం వసుమతీం వాగ్దేవి తాం వైష్ణవీం
శబ్దబ్రహ్మమయీం శశాంకవదనాం శాతోదరీం శాంకరీమ్ |
షడ్బీజాం సశివాం సమంచితపదామాధారచక్రేస్థితాం
చిద్రూపాం సకలేప్సితార్థవరదాం బాలాం భజే శ్యామలామ్ || ౧ ||
బాలాం భాస్కరభాసమప్రభయుతాం భీమేశ్వరీం భారతీం
మాణిక్యాంచితహారిణీమభయదాం యోనిస్థితేయం పదామ్ |
హ్రాం హ్రాం హ్రీం కమయీం రజస్తమహరీం లంబీజమోంకారిణీం
చిద్రూపాం సకలేప్సితార్థవరదాం బాలాం భజే శ్యామలామ్ || ౨ ||
డం ఢం ణం త థమక్షరీం తవ కళాంతాద్యాకృతీతుర్యగాం
దం ధం నం నవకోటిమూర్తిసహితాం నాదం సబిందూకలామ్ |
పం ఫం మన్త్రఫలప్రదాం ప్రతిపదాం నాభౌ సచక్రేస్థితాం
చిద్రూపాం సకలేప్సితార్థవరదాం బాలాం భజే శ్యామలామ్ || ౩ ||
కం ఖం గం ఘ మయీం గజాస్యజననీం గానప్రియామాగమీం
చం ఛం జం ఝం ఝణ క్వణి ఘణు ఘిణూ ఝంకారపాదాం రమామ్ |
ఞం టం ఠం హృదయే స్థితాం కిణికిణీ నాదౌ కరౌ కంకణాం
చిద్రూపాం సకలేప్సితార్థవరదాం బాలాం భజే శ్యామలామ్ || ౪ ||
అం ఆం ఇం ఇమయీం ఇహైవ సుఖదామీకార ఉ ఊపమాం
ఋం ౠం లుం సహవర్ణపీఠనిలయే లూంకార ఏం ఐం సదా |
ఓం ఔం అన్నమయే అః స్తవనుతామానందమానందినీం
చిద్రూపాం సకలేప్సితార్థవరదాం బాలాం భజే శ్యామలామ్ || ౫ ||
హం క్షం బ్రహ్మమయీం ద్విపత్రకమలాం భ్రూమధ్యపీఠేస్థితాం
ఇడాపింగళమధ్యదేశగమనామిష్టార్థసందాయినీమ్ |
ఆరోహప్రతిరోహయంత్రభరితాం సాక్షాత్సుషుమ్నా కలాం
చిద్రూపాం సకలేప్సితార్థవరదాం బాలాం భజే శ్యామలామ్ || ౬ ||
బ్రహ్మేశాది సమస్త మౌనిఋషిభిర్దేవైః సదా ధ్యాయినీం
బ్రహ్మస్థాననివేశినీం తవ కలాం తారం సహస్రాంశకే |
ఖవ్యం ఖవ్యమయీం ఖగేశవినుతాం ఖం రూపిమోంకారిణీం
చిద్రూపాం సకలేప్సితార్థవరదాం బాలాం భజే శ్యామలామ్ || ౭ ||
చక్రాణ్యే సతు సప్తమంతరగతే వర్ణాత్మికే తాం శ్రియం
నాదం బిందుకలామయీంశ్చరహితే నిఃశబ్ద నిర్వ్యాపకే |
నిర్వ్యక్తాం చ నిరంజనీం నిరవయాం శ్రీయంత్రమాత్రాం పరాం
చిద్రూపాం సకలేప్సితార్థవరదాం బాలాం భజే శ్యామలామ్ || ౮ ||
బాలామాలమనోహరాం ప్రతిదినం వాంఛంతి వాచ్యం పఠేత్
వేదే శాస్త్ర వివాదకాలసమయే స్థిత్వా సభామధ్యమే |
పంచాశత్స్వరవర్ణమాలికమియాం జిహ్వాగ్ర సంస్థా పఠే-
-ద్ధర్మార్థాఖిలకామవిక్షితకృపాః సిధ్యంతి మోక్షం తథా || ౯ ||
ఇతి శ్రీ శ్యామలా పంచాశత్స్వరవర్ణమాలికా స్తోత్రం ||
śrī śyāmalā pañcāśatsvaravarṇamālikā stōtram
vandē'haṃ vanajēkṣaṇāṃ vasumatīṃ vāgdēvi tāṃ vaiṣṇavīṃ
śabdabrahmamayīṃ śaśāṅkavadanāṃ śātōdarīṃ śāṅkarīm |
ṣaḍbījāṃ saśivāṃ samañcitapadāmādhāracakrēsthitāṃ
cidrūpāṃ sakalēpsitārthavaradāṃ bālāṃ bhajē śyāmalām || 1 ||
bālāṃ bhāskarabhasamaprabhayutāṃ bhīmēśvarīṃ bhāratīṃ
māṇikyāñcitahāriṇīmabhayadāṃ yōnisthitēyaṃ padām |
hrāṃ hrāṃ hrīṃ kamayīṃ rajastamaharīṃ lambījamōṅkāriṇīṃ
cidrūpāṃ sakalēpsitārthavaradāṃ bālāṃ bhajē śyāmalām || 2 ||
ḍaṃ ḍhaṃ ṇaṃ ta thamakṣarīṃ tava kaḷāntādyākr̥tīturyagāṃ
daṃ dhaṃ naṃ navakōṭimūrtisahitāṃ nādaṃ sabindūkalām |
paṃ phaṃ mantraphalapradāṃ pratipadāṃ nābhāu sacakrēsthitāṃ
cidrūpāṃ sakalēpsitārthavaradāṃ bālāṃ bhajē śyāmalām || 3 ||
kaṃ khaṃ gaṃ gha mayīṃ gajāsyanājananīṃ gānapriyāmāgamīṃ
caṃ chaṃ jaṃ jhaṃ jhaṇa kvaṇi ghaṇu ghiṇū jhaṅkārapādāṃ ramām |
ñaṃ ṭaṃ ṭhaṃ hr̥dayē sthitāṃ kiṇikiṇī nādāu karāu kaṅkaṇāṃ
cidrūpāṃ sakalēpsitārthavaradāṃ bālāṃ bhajē śyāmalām || 4 ||
aṃ āṃ iṃ imayīṃ ihaiva sukhadāmīkāra u ūpamāṃ
r̥ṃ r̥̥̄ṃ l̥ṃ sahavarṇapīṭhanilayē l̥̄ṅkāra ēṃ aiṃ sadā |
ōṃ āuṃ annamayē aḥ stavanutāmānandamānandinīṃ
cidrūpāṃ sakalēpsitārthavaradāṃ bālāṃ bhajē śyāmalām || 5 ||
haṃ kṣaṃ brahmamayīṃ dvipatrakamalāṃ bhrūmadhyapīṭhēsthitāṃ
iḍāpiṅgaḷamadhyadēśagamanāmiṣṭārthasandāyinīm |
ārōhapratirōhayantrabharitāṃ sākṣātsuṣumnā kalāṃ
cidrūpāṃ sakalēpsitārthavaradāṃ bālāṃ bhajē śyāmalām || 6 ||
brahmēśādi samasta māunir̥ṣibhirdēvāiḥ sadā dhyāyinīṃ
brahmasthānanivēśinīṃ tava kalāṃ tāraṃ sahasrāṃśakē |
khavyaṃ khavyamayīṃ khagēśavinutāṃ khaṃ rūpimōṅkāriṇīṃ
cidrūpāṃ sakalēpsitārthavaradāṃ bālāṃ bhajē śyāmalām || 7 ||
cakrāṇyē satu saptamantaragatē varṇātmikē tāṃ śriyaṃ
nādaṃ bindukalāmayīṃścarahitē niḥśabda nirvyāpakē |
nirvyaktāṃ ca nirañjanīṃ niravayāṃ śrīyantramātrāṃ parāṃ
cidrūpāṃ sakalēpsitārthavaradāṃ bālāṃ bhajē śyāmalām || 8 ||
bālāmālamanōharāṃ pratidinaṃ vāñchanti vācyaṃ paṭhēt
vēdē śāstra vivādakālasamayē sthitvā sabhāmadhyamē |
pañcāśatsvaravarṇamālikamiyāṃ jihvāgra saṃsthā paṭhē-
ddharmārthākhilakāmavikṣitakr̥pāḥ sidhyanti mōkṣaṃ tathā || 9 ||
iti śrī śyāmalā pañcāśatsvaravarṇamālikā stōtram ||