శ్రీ శబరిగిరివాస స్తోత్రం
శబరిగిరినివాసం శాంతహృత్పద్మహంసం
శశిరుచిమృదుహాసం శ్యామలాంబోధభాసం |
కలితరిపునిరాసం కాంతముత్తుంగనాసం
నతినుతిపరదాసం నౌమి పింఛావతంసం || ౧ ||
శబరిగిరినిశాంతం శంఖకుందేందుదంతం
శమధనహృదిభాంతం శత్రుపాలీకృతాంతం |
సరసిజరిపుకాంతం సానుకంపేక్షణాంతం
కృతనుతవిపదంతం కీర్తయేఽహం నితాంతం || ౨ ||
శబరిగిరికలాపం శాస్త్రవద్ధ్వాంతదీపం
శమితసుజనతాపం శాంతిహానైర్దురాపం |
కరధృతసుమచాపం కారణోపాత్తరూపం
కచకలితకలాపం కామయే పుష్కలాభమ్ || ౩ ||
శబరిగిరినికేతం శంకరోపేంద్రపోతం
శకలితదితిజాతం శత్రుజీమూతపాతం |
పదనతపురహూతం పాలితాశేషభూతం
భవజలనిధిపోతం భావయే నిత్యభూతం || ౪ ||
శబరివిహృతిలోలం శ్యామలోదారచేలం
శతమఖరిపుకాలం సర్వవైకుంఠబాలం |
నతజనసురజాలం నాకిలోకానుకూలం
నవమయమణిమాలం నౌమి నిఃశేషమూలం || ౫ ||
శబరిగిరికుటీరం శత్రుసంఘాతఘోరం
శఠగిరిశతధారం శష్పితేంద్రారిశూరం |
హరిగిరీశకుమారం హారికేయూరహారం
నవజలదశరీరం నౌమి విశ్వైకవీరం || ౬ ||
సరసిజదళనేత్రం సారసారాతివక్త్రం
సజలజలదగాత్రం సాంద్రకారుణ్యపాత్రం |
సహతనయకళత్రం సాంబగోవిందపుత్రం
సకలవిబుధమిత్రం సన్నమామః పవిత్రం || ౭ ||
ఇతి శ్రీ శబరిగిరివాస స్తోత్రం సంపూర్ణం ||
śrī śabarigirivāsa stōtram
śabarigirinivāsaṃ śāntahr̥dpadmahaṃsaṃ
śaśirucimr̥duhāsaṃ śyāmalāmbhōdhabhāsaṃ |
kalitaripunirāsaṃ kāntamuttuṅganāsaṃ
natinutiparadāsaṃ nāumi piñchāvataṃsam || 1 ||
śabarigirinīśāntaṃ śaṅkhakundēndudantaṃ
śamadhanahr̥dibhāntaṃ śatrupālīkr̥tāntaṃ |
sarasijaripukāntaṃ sānukampēkṣaṇāntaṃ
kr̥tanutavipadantaṃ kīrtayē'haṃ nitāntam || 2 ||
śabarigirikalāpaṃ śāstravaddhvāntadīpaṃ
śamitasujanatāpaṃ śāntihānāirdurāpaṃ |
karadhr̥tasumacāpaṃ kāraṇōpāttarūpaṃ
kacakalitakalāpaṃ kāmayē puṣkalābham || 3 ||
śabarigirinikētaṃ śaṅkarōpēndrapōtaṃ
śakalitaditijātaṃ śatrujīmūtapātaṃ |
padanatapuraūtaṃ pālitāśēṣabhūtaṃ
bhavajalanidhipōtaṃ bhāvayē nityabhūtam || 4 ||
śabarivihr̥tilōlaṃ śyāmalōdāracēlaṃ
śatamakharipukālaṃ sarvavāikuṇṭhabālam |
natajanasurajālaṃ nākilōkānukūlaṃ
navamayamāṇimālaṃ nāumi niḥśēṣamūlam || 5 ||
śabarigirikuṭīraṃ śatru-saṅghātaghōraṃ
śaṭhagiriśatadhāraṃ śaṣpitēndrāriśūram |
harigirīśakumāraṃ hārikēyūrahāraṃ
navajaladaśarīraṃ nāumi viśvāikavīram || 6 ||
sarasijadaḷanētraṃ sārasārātivaktraṃ
sajalajaladagātraṃ sāndrakāruṇyapātram |
sahatanayakalaṭraṃ sāmbagōvindaputraṃ
sakalavibudhamitraṃ sannamāmaḥ pavitram || 7 ||
iti śrī śabarigirivāsa stōtram ||