శ్రీ రుద్ర స్తుతిః
నమో దేవాయ మహతే దేవదేవాయ శూలినే |
త్ర్యంబకాయ త్రినేత్రాయ యోగినాం పతయే నమః || ౧ ||
నమోఽస్తు దేవదేవాయ మహాదేవాయ వేధసే |
శంభవే స్థాణవే నిత్యం శివాయ పరమాత్మనే || ౨ ||
నమః సోమాయ రుద్రాయ మహాగ్రాసాయ హేతవే |
ప్రపద్యేహం విరూపాక్షం శరణ్యం బ్రహ్మచారిణం || ౩ ||
మహాదేవం మహాయోగమీశానం త్వంబికాపతిం |
యోగినాం యోగదాకారం యోగమాయాసమాహృతం || ౪ ||
యోగినాం గురుమాచార్యం యోగగమ్యం సనాతనం |
సంసారతారణం రుద్రం బ్రహ్మాణం బ్రహ్మణోఽధిపం || ౫ ||
శాశ్వతం సర్వగం శాంతం బ్రహ్మాణం బ్రాహ్మణప్రియం |
కపర్దినం కళామూర్తిమమూర్తిమమరేశ్వరం || ౬ ||
ఏకమూర్తిం మహామూర్తిం వేదవేద్యం సతాం గతిం |
నీలకంఠం విశ్వమూర్తిం వ్యాపినం విశ్వరేతసం || ౭ ||
కాలాగ్నిం కాలదహనం కామినం కామనాశనం |
నమామి గిరిశం దేవం చంద్రావయవభూషణం || ౮ ||
త్రిలోచనం లేలిహానమాదిత్యం పరమేష్ఠినం |
ఉగ్రం పశుపతిం భీమం భాస్కరం తమసః పరం || ౩ ||
ఇతి శ్రీ కూర్మపురాణే వ్యాసోక్త రుద్ర స్తుతిః ||
Shri Rudra Stutih
namo devāya mahate devadevāya śūline |
tryambakāya trinetrāya yogināṃ pataye namaḥ || 1 ||
namo’stu devadevāya mahādevāya vedhase |
śambhave sthāṇave nityaṃ śivāya paramātmane || 2 ||
namaḥ somāya rudrāya mahāgrāsāya hetave |
prapadye’haṃ virūpākṣaṃ śaraṇyaṃ brahmacāriṇam || 3 ||
mahādevaṃ mahāyogamīśānaṃ tvambikāpatiṃ |
yogināṃ yogadākāraṃ yogamāyāsamāhṛtam || 4 ||
yogināṃ gurumācāryaṃ yogagamyaṃ sanātanaṃ |
saṃsāratāraṇaṃ rudraṃ brahmāṇaṃ brahmaṇo’dhipam || 5 ||
śāśvataṃ sarvagaṃ śāntaṃ brahmāṇaṃ brāhmaṇapriyaṃ |
kapardinaṃ kaḷāmūrtimamūrtimamarēśvaram || 6 ||
ēkamūrtiṃ mahāmūrtiṃ vēdavēdyaṃ satāṃ gatiṃ |
nīlakaṇṭhaṃ viśvamūrtiṃ vyāpinaṃ viśvarētasaṃ || 7 ||
kālāgniṃ kāladahanaṃ kāminaṃ kāmanāśanaṃ |
namāmi giriśaṃ dēvaṃ candrāvayavabhūṣaṇam || 8 ||
trilōcanaṃ lēlihānamādityaṃ paramēṣṭhinaṃ |
ugraṃ paśupatiṃ bhīmaṃ bhāskaraṃ tamasaḥ param || 9 ||
iti śrī kūrmapurāṇē vyāsōkta rudra stutiḥ ||