శ్రీ రుద్ర స్తవనం
నమో విరించవిష్ణ్వీశభేదేన పరమాత్మనే |
సర్గసంస్థితిసంహారవ్యావృత్తివ్యక్తవృత్తయే || ౧ ||
నమశ్చతుర్ధా ప్రోద్భూతభూతభూతాత్మనే భువః |
భూరిభారార్తిసంహర్త్రే భూతనాథాయ శూలినే || ౨ ||
విశ్వగ్రాసాయ విలసత్కాలకూటవిషాశినే |
తత్కళంకాంకితగ్రీవనీలకంఠాయ తే నమః || ౩ ||
నమో లలాటనయనప్రోల్లసత్కృష్ణవర్త్మనే |
ధ్వస్తస్మరనిరస్తాధియోగిధ్యాతాయ శంభవే || ౪ ||
నమో దేహార్ధకాంతాయ దగ్ధదక్షాధ్వరాయ చ |
చతుర్వర్గేష్వభీష్టార్థదాయినే మాయినేఽణవే || ౫ ||
స్థూలాయ మూలభూతాయ శూలదారితవిద్విషే |
కాలహంత్రే నమశ్చంద్రఖండమండితమౌళయే || ౬ ||
వివాససే కపర్దాంతర్భ్రాంతాహిసరిదిందవే |
దేవదైత్యాసురేంద్రాణాం మౌళిఘృష్టాంఘ్రయే నమః || ౭ ||
భస్మాభ్యక్తాయ భక్తానాం భుక్తిముక్తిప్రదాయినే |
వ్యక్తావ్యక్తస్వరూపాయ శంకరాయ నమో నమః || ౮ ||
నమోఽంధకాంతకరిపవే పురద్విషే నమోఽస్తు తే ద్విరదవరాహభేదినే |
విషోల్లసత్ఫణికులబద్ధమూర్తయే నమః సదా వృషవరవాహనాయ తే || ౯ ||
వియన్మరుద్ధుతవహవార్వసుంధరా మఖేశరవ్యమృతమయూఖమూర్తయే |
నమః సదా నరకభయావభేదినే భవేహ నో భవభయభంగకృద్విభో || ౧౦ ||
ఇతి శ్రీమచ్ఛంకరభగవతః కృతౌ ప్రపంచసారే పంచవింశః పటలే శ్రీ రుద్ర స్తవనం |
Shri Rudra Stavanam
namō viriñcaviṣṇvīśabhēdēna paramātmanē |
sargasaṃsthiti-saṃhāra-vyāvr̥ttivyakta-vr̥ttayē || 1 ||
namaścaturdhā prōdbhūtabhūtabhūtātmanē bhuvaḥ |
bhūribhārārtisaṃhartrē bhūtanāthāya śūlinē || 2 ||
viśvagrāsāya vilasatkālakūṭaviṣāśinē |
tatkaḷāṅkāṅkitagrīvanīlakaṇṭhāya tē namaḥ || 3 ||
namō lalāṭanayanaprōllasatkr̥ṣṇavartmanē |
dhvasta-smaranirastādhī-yōgidhyātāya śambhuvē || 4 ||
namō dēhārdhakāntāya dagdhadakṣādhvarāya ca |
caturvargēṣvabhīṣṭārthadāyinē māyinē’ṇavē || 5 ||
sthūlāya mūlabhūtāya śūladāritavidviṣē |
kālahantrē namaścandra-khaṇḍamaṇḍitamaulayē || 6 ||
vivāsasē kapardāntarbhrāntāhisaridindavē |
dēvadaityāsurēndrāṇāṃ mauḷighṛṣṭāṅghrayē namaḥ || 7 ||
bhasmābhyaktāya bhaktānāṃ bhuktimuktipradāyinē |
vyaktāvyaktasvarūpāya śaṅkarāya namō namaḥ || 8 ||
namō’ndhakāntakaripavē puradviṣē namō’stu tē dviradavarāhabhēdinē |
viṣōllasat-phaṇikulabaddhamūrtayē namaḥ sadā vr̥ṣavaravāhanāya tē || 9 ||
viyan-maruddhutavahavārvasiṃdharā makheśa-ravyamṛta-mayūkhamūrtayē |
namḥ sadā narakabhayāvabhēdinē bhavēha nō bhavabhayabhaṅgakṛdvibhō || 10 ||
iti śrīmacchaṅkarabhagavataḥ kṛtau prapañcasārē pañcaviṃśaḥ paṭalē śrī rudra stavanam ||