శ్రీ రుద్ర కవచం
ఓం అస్య శ్రీ రుద్ర కవచ స్తోత్ర మహామంత్రస్య దూర్వాసఋషిః అనుష్ఠుప్ ఛందః త్ర్యంబక రుద్రో దేవతా హ్రాం బీజం శ్రీం శక్తిః హ్రీం కీలకం మమ మనసోఽభీష్టసిద్ధ్యర్థే జపే వినియోగః
హ్రామిత్యాది షడ్బీజైః షడంగన్యాసః ||
ధ్యానం
శాంతం పద్మాసనస్థం శశిధరమకుటం పంచవక్త్రం త్రినేత్రం |
శూలం వజ్రం చ ఖడ్గం పరశుమభయదం దక్షభాగే వహంతం |
నాగం పాశం చ ఘంటాం ప్రళయ హుతవహం సాంకుశం వామభాగే |
నానాలంకారయుక్తం స్ఫటికమణినిభం పార్వతీశం నమామి ||
దూర్వాస ఉవాచ
ప్రణమ్య శిరసా దేవం స్వయంభుం పరమేశ్వరం |
ఏకం సర్వగతం దేవం సర్వదేవమయం విభుం || ౧ ||
రుద్ర వర్మ ప్రవక్ష్యామి అంగ ప్రాణస్య రక్షయే |
అహోరాత్రమయం దేవం రక్షార్థం నిర్మితం పురా || ౨ ||
రుద్రో మే జాగ్రతః పాతు పాతు పార్శ్వౌ హరస్తథా |
శిరో మే ఈశ్వరః పాతు లలాటం నీలలోహితః || ౩ ||
నేత్రయోస్త్ర్యంబకః పాతు ముఖం పాతు మహేశ్వరః |
కర్ణయోః పాతు మే శంభుః నాసికాయాం సదాశివః || ౪ ||
వాగీశః పాతు మే జిహ్వాం ఓష్ఠౌ పాత్వంబికాపతిః |
శ్రీకంఠః పాతు మే గ్రీవాం బాహూన్-శ్చైవ పినాకధృత్ || ౫ ||
హృదయం మే మహాదేవః ఈశ్వరోవ్యాత్ స్తనాంతరం |
నాభిం కటిం చ వక్షశ్చ పాతు సర్వం ఉమాపతిః || ౬ ||
బాహుమధ్యాంతరం చైవ సూక్ష్మ రూపస్సదాశివః |
స్వరం రక్షతు సర్వేశో గాత్రాణి చ యథా క్రమమ్ || ౭ ||
వజ్రశక్తిధరం చైవ పాశాంకుశధరం తథా |
గండశూలధరం నిత్యం రక్షతు త్రిదశేశ్వరః || ౮ ||
ప్రస్తానేషు పదే చైవ వృక్షమూలే నదీతటే |
సంధ్యాయాం రాజభవనే విరూపాక్షస్తు పాతు మాం || ౯ ||
శీతోష్ణా దథకాలేషు తుహినద్రుమకంటకే |
నిర్మనుష్యే సమే మార్గే పాహి మాం వృషభధ్వజ || ౧౦ ||
ఇత్యేతద్ద్రుద్రకవచం పవిత్రం పాపనాశనం |
మహాదేవ ప్రసాదేన దూర్వాస మునికల్పితం || ౧౧ ||
మమాఖ్యాతం సమాసేన న భయం తేనవిద్యతే |
ప్రాప్నోతి పరమాఽరోగ్యం పుణ్యమాయుష్యవర్ధనమ్ || ౧౨ ||
విద్యార్థీ లభతే విద్యం ధనార్థీ లభతే ధనం |
కన్యార్థీ లభతే కన్యాం న భయం విందతే క్వచిత్ || ౧౩ ||
అపుత్రో లభతే పుత్రం మోక్షార్థీ మోక్షమాప్నుయాత్ |
త్రాహి త్రాహి మహాదేవ త్రాహి త్రాహి త్రయీమయ || ౧౪ ||
త్రాహిమాం పార్వతీనాథ త్రాహిమాం త్రిపురంతక |
పాశం ఖట్వాంగ దివ్యాస్త్రం త్రిశూలం రుద్రమేవ చ || ౧౫ ||
నమస్కరోమి దేవేశ త్రాహి మాం జగదీశ్వర |
శత్రుమధ్యే సభామధ్యే గ్రామమధ్యే గృహాంతరే || ౧౬ ||
గమనాగమనే చైవ త్రాహి మాం భక్తవత్సల |
త్వం చిత్వమాదితశ్చైవ త్వం బుద్ధిస్త్వం పరాయణం || ౧౭ ||
కర్మణామనసా చైవ త్వం బుద్ధిశ్చ యథా సదా |
సర్వ జ్వర భయం ఛింది సర్వ శత్రూన్నివక్త్యాయ || ౧౮ ||
సర్వ వ్యాధినివారణం రుద్రలోకం స గచ్ఛతి
రుద్రలోకం సగచ్ఛత్యోన్నమః ||
ఇతి స్కందపురాణే దూర్వాస ప్రోక్తం శ్రీ రుద్ర కవచం సంపూర్ణం ||
Shri Rudra Kavacham
ōṃ asya śrī rudra kavaca stōtra mahāmantrasya dūrvāsaṛṣiḥ anuṣṭup chandaḥ tryambaka rudrō dēvatā hrāṃ bījaṃ śrīṃ śaktiḥ hrīṃ kīlakaṃ mama manasō’bhīṣṭasiddhyarthē japē viniyōgaḥ
hrāmityādi ṣaḍbījaiḥ ṣaḍaṅganyāsaḥ ||
dhyānam
śāntaṃ padmāsanasthaṃ śaśidharamakuṭaṃ pañcavaktraṃ trinētraṃ |
śūlaṃ vajraṃ ca khaḍgaṃ paraśumabhayadaṃ dakṣabhāgē vahantaṃ |
nāgaṃ pāśaṃ ca ghaṇṭāṃ praḷaya hutavahaṃ sāṅkuśaṃ vāmabhāgē |
nānālaṅkārayuktaṃ sphaṭikamaṇinibhaṃ pārvatīśaṃ namāmi ||
dūrvāsa uvāca
praṇamya śirasā dēvaṃ svayambhuṃ paramēśvaram |
ēkaṃ sarvagataṃ dēvaṃ sarvadēvamayaṃ vibhum || 1 ||
rudra varma pravakṣyāmi aṅga prāṇasya rakṣayē |
ahōrātramayaṃ dēvaṃ rakṣārthaṃ nirmitaṃ purā || 2 ||
rudrō mē jāgrataḥ pātu pātu pārśvau harastathā |
śirō mē īśvaraḥ pātu lalāṭaṃ nīlalōhitaḥ || 3 ||
nētrayōstryambakaḥ pātu mukhaṃ pātu mahēśvaraḥ |
karṇayōḥ pātu mē śambhuḥ nāsikāyāṃ sadāśivaḥ || 4 ||
vāgīśaḥ pātu mē jihvāṃ ōṣṭhau pātvambikāpatiḥ |
śrīkaṇṭhaḥ pātu mē grīvāṃ bāhūn-ścaiva pinākadhṛt || 5 ||
hṛdayaṃ mē mahādēvaḥ īśvarōvyāt stanāntaraṃ |
nābhiṃ kaṭiṃ ca vakṣaśca pātu sarvaṃ umāpatiḥ || 6 ||
bāhumadhyāntaraṃ caiva sūkṣma rūpassadāśivaḥ |
svaraṃ rakṣatu sarvēśō gātrāṇi ca yathā kramam || 7 ||
vajraśaktidharaṃ caiva pāśāṅkuśadharaṃ tathā |
gaṇḍaśūladharaṃ nityaṃ rakṣatu tridaśēśvaraḥ || 8 ||
prastānēṣu padē caiva vṛkṣamūlē nadītaṭē |
sandhyāyāṃ rājabhavanē virūpākṣastu pātu māṃ || 9 ||
śītōṣṇā dathakālēṣu tuhinadrumakaṇṭakē |
nirmanuyṣē samē mārgē pāhi māṃ vṛṣabhadhvajama || 10 ||
ityētaddrudrakavacaṃ pavitraṃ pāpanāśanaṃ |
mahādēva prasādēna dūrvāsa munikalpitaṃ || 11 ||
mamākhyātaṃ samāsēna na bhayaṃ tēnavidyatē |
prāpnōti paramā’rōgyaṃ puṇyamāyuṣyavardhanam || 12 ||
vidyārthī labhatē vidyāṃ dhanārthī labhatē dhanaṃ |
kanyārthī labhatē kanyāṃ na bhayaṃ vindatē kvacit || 13 ||
aputrō labhatē putraṃ mōkṣārthī mōkṣamāpnuyāt |
trāhi trāhi mahādēva trāhi trāhi trayīmaya || 14 ||
trāhimāṃ pārvatīnātha trāhimāṃ tripurantaka |
pāśaṃ khaṭvāṅga divyāstraṃ triśūlaṃ rudramēva ca || 15 ||
namaskarōmi dēvēśa trāhi māṃ jagadīśvara |
śatrumadhyē sabhāmadhyē grāmamadhyē gṛhāntarē || 16 ||
gamanāgamanē caiva trāhi māṃ bhaktavatsala |
tvaṃ citvamāiditaścaiva tvaṃ buddhistvaṃ parāyaṇam || 17 ||
karmaṇāmanasā caiva tvaṃ buddhiśca yathā sadā |
sarva jvara bhayaṃ chindi sarva śatrūnnivaktyāya || 18 ||
sarva vyāḍhinivāraṇaṃ rudralōkaṃ sa gaccatī
rudralōkaṃ sagaccatyōnnamaḥ ||
iti skandapurāṇē dūrvāsa prōktaṃ śrī rudra kavacaṃ saṃpūrṇam ||