శ్రీ రాజరాజేశ్వరీ స్తవః
యా త్రైలోక్యకుటుంబికా వరసుధాధారాభిసంతర్పిణీ
భూమ్యాదీంద్రియచిత్తచేతనపరా సంవిన్మయీ శాశ్వతీ |
బ్రహ్మేంద్రాచ్యుతవందితేశమహిషీ విజ్ఞానదాత్రీ సతాం
తాం వందే హృదయత్రికోణనిలయాం శ్రీ రాజరాజేశ్వరీం || ౧ ||
యాం విద్యేతి వదంతి శుద్ధమతయో వాచాం పరాం దేవతాం
షట్చక్రాంతనివాసినీం కులపథప్రోత్సాహసంవర్ధినీం |
శ్రీచక్రాంకితరూపిణీం సురమణేర్వామాంకసంశోభినీం
తాం వందే హృదయత్రికోణనిలయాం శ్రీ రాజరాజేశ్వరీం || ౨ ||
యా సర్వేశ్వరనాయికేతి లలితేత్యానందసీమేశ్వరీ-
త్యంబేతి త్రిపురేశ్వరీతి వచసాం వాగ్వాదినీత్యన్నదా |
ఇత్యేవం ప్రవదంతి సాధుమతయః స్వానందబోధోజ్జ్వలాః
తాం వందే హృదయత్రికోణనిలయాం శ్రీ రాజరాజేశ్వరీం || ౩ ||
యా ప్రాతః శిఖిమండలే మునిజనైర్గౌరీ సమారాధ్యతే
యా మధ్యే దివసస్య భానురుచిరా చండాంశుమధ్యే పరం |
యా సాయం శశిరూపిణీ హిమరుచేర్మధ్యే త్రిసంధ్యాత్మికా
తాం వందే హృదయత్రికోణనిలయాం శ్రీ రాజరాజేశ్వరీం || ౪ ||
యా మూలోత్థితనాదసంతతిలవైః సంస్తూయతే యోగిభిః
యా పూర్ణేందుకలామృతైః కులపథే సంసిచ్యతే సంతతం |
యా బంధత్రయకుంభితోన్మనిపథే సిద్ధ్యష్టకేనేడ్యతే
తాం వందే హృదయత్రికోణనిలయాం శ్రీ రాజరాజేశ్వరీం || ౫ ||
యా మూకస్య కవిత్వవర్షణసుధాకాదంబినీ శ్రీకరీ
యా లక్ష్మీతనయస్య జీవనకరీ సంజీవినీవిద్యయా |
యా ద్రోణీపురనాయికా ద్విజశిశోః స్తన్యప్రదాత్రీ ముదా
తాం వందే హృదయత్రికోణనిలయాం శ్రీ రాజరాజేశ్వరీం || ౬ ||
యా విశ్వప్రభవాదికార్యజననీ బ్రహ్మాదిమూర్త్యాత్మనా
యా చంద్రార్కశిఖిప్రభాసనకరీ స్వాత్మప్రభాసత్తయా |
యా సత్త్వాదిగుణత్రయేషు సమతాసంవిత్ప్రదాత్రీ సతాం
తాం వందే హృదయత్రికోణనిలయాం శ్రీ రాజరాజేశ్వరీం || ౭ ||
యా క్షిత్యంతశివాదితత్త్వవిలసత్స్ఫూర్తిస్వరూపా పరం
యా బ్రహ్మాణ్దకటాహభారనివహన్మండూకవిశ్వంభరీ |
యా విశ్వం నిఖిలం చరాచరమయం వ్యాప్య స్థితా సంతతం
తాం వందే హృదయత్రికోణనిలయాం శ్రీ రాజరాజేశ్వరీం || ౮ ||
యా వర్గాష్టకవర్ణపంజరశుకీ విద్యాక్షరాలాపినీ
నిత్యానందపయోఽనుమోదనకరీ శ్యామా మనోహారిణీ |
సత్యానందచిదీశ్వరప్రణయినీ స్వర్గాపవర్గప్రదా
తాం వందే హృదయత్రికోణనిలయాం శ్రీ రాజరాజేశ్వరీం || ౯ ||
యా శ్రుత్యంతసుశుక్తిసంపుటమహాముక్తాఫలం సాత్త్వికం
సచ్చిత్సౌఖ్యపయోదవృష్టిఫలితం సర్వాత్మనా సుందరం |
నిర్మూల్యం నిఖిలార్థదం నిరుపమాకారం భవాహ్లాదదం
తాం వందే హృదయత్రికోణనిలయాం శ్రీ రాజరాజేశ్వరీం || ౧౦ ||
యా నిత్యావ్రతమండలస్తుతపదా నిత్యార్చనాతత్పరా
నిత్యానిత్యవిమర్శినీ కులగురోర్వావయప్రకాశాత్మికా |
కృత్యాకృత్యమతిప్రభేదశమనీ కాత్స్నర్యాత్మలాభప్రదా
తాం వందే హృదయత్రికోణనిలయాం శ్రీ రాజరాజేశ్వరీం || ౧౧ ||
యాముద్దిశ్య యజంతి శుద్ధమతయో నిత్యం పరాగ్నౌ స్రుచా
మత్యా ప్రాణఘృతప్లుతేంద్రియచరుద్రవ్యైః సమంత్రాక్షరైః |
యత్పాదాంబుజభక్తిదార్ఢ్యసురసప్రాప్త్యై బుధాః సంతతం
తాం వందే హృదయత్రికోణనిలయాం శ్రీ రాజరాజేశ్వరీం || ౧౨ ||
యా సంవిన్మకరందపుష్పలతికాస్వానందదేశోత్థితా
సత్సంతానసువేష్టనాతిరుచిరా శ్రేయఃఫలం తన్వతీ |
నిర్ధూతాఖిలవృత్తిభక్తధిషణాభృంగాంగనాసేవితా
తాం వందే హృదయత్రికోణనిలయాం శ్రీ రాజరాజేశ్వరీం || ౧౩ ||
యామారాధ్య మునిర్భవాబ్ధిమతరత్ క్లేశోర్మిజాలావృతం
యాం ధ్యాత్వా న నివర్తతే శివపదానందాబ్ధిమగ్నః పరం |
యాం స్మృత్వా స్వపైదైకబోధమయతే స్థూలేఽపి దేహే జనః
తాం వందే హృదయత్రికోణనిలయాం శ్రీ రాజరాజేశ్వరీం || ౧౪ ||
యాపాషాంకుశచాపసాయకకరా చంద్రార్ధచూడాలసత్
కాంచీదామవిభూషితా స్మితముఖీ మందారమాలాధరా |
నీలేందీవరలోచనా శుభకరీ త్యాగాధిరాజేశ్వరీ
తాం వందే హృదయత్రికోణనిలయాం శ్రీ రాజరాజేశ్వరీం || ౧౫ ||
యా భక్తేషు దదాతి సంతతసుఖం వాణీం చ లక్ష్మీం తథా
సౌందర్యం నిగమాగమార్థకవితాం సత్పుత్రసంపత్సుఖం |
సత్సంగం సుకలత్రతాం సువినయం సయుజ్యముక్తిం పరాం
తాం వందే హృదయత్రికోణనిలయాం శ్రీ రాజరాజేశ్వరీం || ౧౬ ||
ఇత్యానందనాథపాదపపద్మోపజీవినా కాశ్యపగోత్రోత్పన్నేనాంధ్రేణ
త్యాగరాజనామ్నా విరచితః శ్రీ రాజరాజేశ్వరీ స్తవః సంపూర్ణః ||
śrī rājarājēśvarī stavaḥ
yā trailōkyakuṭumbikā varasudhādhārābhisantarpiṇī
bhūmyādīndriyacittacētanaparā saṃvinmayī śāśvatī |
brahmēndrācyutavanditēśamahiṣī vijñānadātrī satāṃ
tāṃ vandē hr̥dayatrikōṇanilayāṃ śrī rājarājēśvarīṃ || 1 ||
yāṃ vidyēti vadanti śuddhamatayō vācāṃ parāṃ dēvatāṃ
ṣaṭcakrāntanivāsinīṃ kulapathaprōtsāhasamvardhinīṃ |
śrīcakrāṅkitarūpiṇīṃ suramaṇērvāmāṅkasaṃśōbhinīṃ
tāṃ vandē hr̥dayatrikōṇanilayāṃ śrī rājarājēśvarīṃ || 2 ||
yā sarvēśvaranāyakēti lalitētyānandasīmēśvarī-
tyambēti tripurēśvarīti vacasāṃ vāgvādinītyannadā |
ityēvaṃ pravadanti sādhumatayaḥ svānandabōdhōjjvalāḥ
tāṃ vandē hr̥dayatrikōṇanilayāṃ śrī rājarājēśvarīṃ || 3 ||
yā prātaḥ śikhimaṇḍalē munijanāirgāurī samārādhyatē
yā madhyē divasasya bhānurucirā caṇḍāṃśumadhyē paraṃ |
yā sāyaṃ śaśirūpiṇī himarucērmadhyē trisandhyātmikā
tāṃ vandē hr̥dayatrikōṇanilayāṃ śrī rājarājēśvarīṃ || 4 ||
yā mūlōtthitanādasantatilavāiḥ saṃstūyatē yōgibhiḥ
yā pūrṇēndukalām r̥tāiḥ kulapathē saṃsicyatē santataṃ |
yā bandhatrayakumbhitōnmanyupathē siddhyaṣṭakēnēḍyatē
tāṃ vandē hr̥dayatrikōṇanilayāṃ śrī rājarājēśvarīṃ || 5 ||
yā mūkasya kavitvavarṣaṇasudhākādambinī śrīkarī
yā lakṣmītanayasya jīvanakarī sañjīvinīvidyayā |
yā drōṇīpuranāyikā dvijaśiśōḥ stanyapradātrī mudā
tāṃ vandē hr̥dayatrikōṇanilayāṃ śrī rājarājēśvarīṃ || 6 ||
yā viśvaprabhavādikāryajananī brahmādimūrtyātmanā
yā candrārkaśikhiprabhāsanakarī svātmaprabhāsattayā |
yā sattvādiguṇatrayēṣu samatāsaṃvitpradātrī satāṃ
tāṃ vandē hr̥dayatrikōṇanilayāṃ śrī rājarājēśvarīṃ || 7 ||
yā kṣityantaśivāditattvavilasatsphūrtisvarūpā paraṃ
yā brahmāṇḍakaṭāhabhāranivahanmaṇḍūkaviśvambharī |
yā viśvaṃ nikhilaṃ carācaramayaṃ vyāpya sthitā santataṃ
tāṃ vandē hr̥dayatrikōṇanilayāṃ śrī rājarājēśvarīṃ || 8 ||
yā vargāṣṭakavarṇapañjaraśukī vidyākṣarālāpinī
nityānandapayō'numōdanakarī śyāmā manōhāriṇī |
satyānandacidīśvarapraṇayinī svargāpavargapradā
tāṃ vandē hr̥dayatrikōṇanilayāṃ śrī rājarājēśvarīṃ || 9 ||
yā śrutyantasuśuktisampuṭamahāmuktāphalaṃ sāttvikaṃ
saccitsāukhyapayōdav r̥ṣṭiphalitaṃ sarvātmanā sundaraṃ |
niirmūlyaṃ nikhilārthadaṃ nirupamākāraṃ bhavāhlādadaṃ
tāṃ vandē hr̥dayatrikōṇanilayāṃ śrī rājarājēśvarīṃ || 10 ||
yā nityāvratamaṇḍalastutapadā nityārcanātatparā
nityānityavimarśinī kulagurōrvākyaprakāśātmikā |
kr̥tyākr̥tyamatiprabhēdaśamanī kātsnyātmālābhapradā
tāṃ vandē hr̥dayatrikōṇanilayāṃ śrī rājarājēśvarīṃ || 11 ||
yāmuddiśya yajanti śuddhamatayō nityaṃ parāgnāu srucā
matyā prāṇaghr̥taplutēndriyacarudravyāiḥ samantrākṣarāiḥ |
yatpādāmbu jabhaktidārḍhyasurasaprāptyai budhāḥ santataṃ
tāṃ vandē hr̥dayatrikōṇanilayāṃ śrī rājarājēśvarīṃ || 12 ||
yā saṃvinmakarandapuṣpalatikāsvānandadēśōtthitā
satsantānasuvēṣṭanātirucirā śrēyaḥphalaṃ tanvatī |
niirdhūtākhilavr̥ttibhaktadhiṣaṇābh r̥ṅgāṅganāsēvitā
tāṃ vandē hr̥dayatrikōṇanilayāṃ śrī rājarājēśvarīṃ || 13 ||
yāmārādhya munirbhavābdhimatarat klēśōrmijālāvr̥taṃ
yāṃ dhyātvā na nivartatē śivapadānandābdhimagnaḥ paraṃ |
yāṃ sm r̥tvā svapadaikabōdhamayatē sthūlē'pi dēhē janaḥ
tāṃ vandē hr̥dayatrikōṇanilayāṃ śrī rājarājēśvarīṃ || 14 ||
yāpāśāṅkuśacāpasāyakakarā candrārdhacūḍālasat
kāñcīdāmavibhūṣitā smitamukhī mandāramālādharā |
nīlēndīvaralōcanā śubhakarī tyāgādhirājēśvarī
tāṃ vandē hr̥dayatrikōṇanilayāṃ śrī rājarājēśvarīṃ || 15 ||
yā bhaktēṣu dadāti santatasukhaṃ vāṇīṃ ca lakṣmīṃ tathā
sāundaryaṃ nigamāgamārthakavitāṃ satputrasampatsukhaṃ |
satsaṅgaṃ sukalatratāṃ suvinayaṃ sayujyamuktiṃ parāṃ
tāṃ vandē hr̥dayatrikōṇanilayāṃ śrī rājarājēśvarīṃ || 16 ||
iti śrī rājarājēśvarī stavaḥ sampūrṇaḥ ||