శ్రీ పద్మావతీ స్తోత్రం
విష్ణుపత్ని జగన్మాతః విష్ణువక్షస్థలస్థితే |
పద్మాసనే పద్మహస్తే పద్మావతి నమోస్తు తే || ౧ ||
వేంకటేశప్రియే పూజ్యే క్షీరాబ్దితనయే శుభే |
పద్మేరమే లోకమాతః పద్మావతి నమోస్తు తే || ౨ ||
కళ్యాణీ కమలే కాంతే కళ్యాణపురనాయికే |
కారుణ్యకల్పలతికే పద్మావతి నమోస్తు తే || ౩ ||
సహస్రదళపద్మస్థే కోటిచంద్రనిభాననే |
పద్మపత్రవిశాలాక్షీ పద్మావతి నమోస్తు తే || ౪ ||
సర్వజ్ఞే సర్వవరదే సర్వమంగళదాయినీ |
సర్వసమ్మానితే దేవీ పద్మావతి నమోస్తు తే || ౫ ||
సర్వహృద్దహరావాసే సర్వపాపభయాపహే |
అష్టైశ్వర్యప్రదే లక్ష్మీ పద్మావతి నమోస్తు తే || ౬ ||
దేహి మే మోక్షసామ్రాజ్యం దేహి త్వత్పాదదర్శనం |
అష్టైశ్వర్యం చ మే దేహి పద్మావతి నమోస్తు తే || ౭ ||
నక్రశ్రవణనక్షత్రే కృతోద్వాహమహోత్సవే |
కృపయా పాహి నః పద్మే త్వద్భక్తిభరితాన్ రమే || ౮ ||
ఇందిరే హేమవర్ణాభే త్వాం వందే పరమాత్మికాం |
భవసాగరమగ్నం మాం రక్ష రక్ష మహేశ్వరీ || ౯ ||
కళ్యాణపురవాసిన్యై నారాయణ్యై శ్రియై నమః |
శృతిస్తుతిప్రగీతాయై దేవదేవ్యై చ మంగళం || ౧౦ ||
ఇతి శ్రీ పద్మావతీ స్తోత్రం
śrī padmāvatī stōtram
viṣṇupatni jaganmātaḥ viṣṇuvakṣas-thalasthitē |
padmāsanē padmahastē padmāvati namōstu tē || 1 ||
vēṅkaṭēśapriyē pūjyē kṣīrābdhitanayē śubhē |
padmēramē lōkamātaḥ padmāvati namōstu tē || 2 ||
kaḷyāṇī kamalē kāntē kaḷyāṇapuranāyikē |
kāruṇyakalpalaṭikē padmāvati namōstu tē || 3 ||
sahasradaḷapadmasthē kōṭicandranibhānanē |
padmapatraviśālākṣī padmāvati namōstu tē || 4 ||
sarvajñē sarvavaradē sarvamaṅgaḷadhāyinī |
sarvasammānitē dēvī padmāvati namōstu tē || 5 ||
sarvahṛddaharāvāsē sarvapāpabhayāpahē |
aṣṭaiśvaryapradē lakṣmī padmāvati namōstu tē || 6 ||
dēhi mē mōkṣasāmrājyaṃ dēhi tvatpādadarśanaṃ |
aṣṭaiśvaryaṃ ca mē dēhi padmāvati namōstu tē || 7 ||
nakraśravaṇanakṣatrē kṛtōdvāhamahōtsavē |
kr̥payā pāhi naḥ padmē tvadbhaktibharitān ramē || 8 ||
indirē hēmavaṛṇābhē tvāṃ vandē paramātmikāṃ |
bhavasāgaramagnaṃ māṃ rakṣa rakṣa mahēśvarī || 9 ||
kaḷyāṇapuravāsinyāi nārāyaṇyāi śriyāi namaḥ |
śrutistutipragītāyāi dēvadēvyāi ca maṅgaḷaṃ || 10 ||
iti śrī padmāvatī stōtram