శ్రీ నీల సరస్వతీ స్తోత్రం
ఘోరరూపే మహారావే సర్వశత్రువశంకరీ |
భక్తేభ్యో వరదే దేవి త్రాహి మాం శరణాగతం || ౧ ||
సురాఽసురార్చితే దేవి సిద్ధగంధర్వసేవితే |
జాడ్యపాపహరే దేవి త్రాహి మాం శరణాగతం || ౨ ||
జటాజూటసమాయుక్తే లోలజిహ్వానుకారిణీ |
ద్రుతబుద్ధికరే దేవి త్రాహి మాం శరణాగతం || ౩ ||
సౌమ్యరూపే ఘోరరూపే చండరూపే నమోఽస్తు తే |
దృష్టిరూపే నమస్తుభ్యం త్రాహి మాం శరణాగతం || ౪ ||
జడానాం జడతాం హమ్సి భక్తానాం భక్తవత్సలే |
మూఢతాం హర మే దేవి త్రాహి మాం శరణాగతం || ౫ ||
హ్రూం హ్రూంకారమయే దేవి బలిహోమప్రియే నమః |
ఉగ్రతారే నమస్తుభ్యం త్రాహి మాం శరణాగతం || ౬ ||
బుద్ధిం దేహి యశో దేహి కవిత్వం దేహి దేహి మే |
కుబుద్ధిం హర మే దేవి త్రాహి మాం శరణాగతం || ౭ ||
ఇంద్రాదిదేవ సద్వృందవందితే కరుణామయీ |
తారే తారాధినాథాస్యే త్రాహి మాం శరణాగతం || ౮ ||
ఫలశ్రుతి:
అష్టమ్యాం చ చతుర్దశ్యాం నవమ్యాం యః పఠేన్నరః |
షణ్మాసైః సిద్ధిమాప్నోతి నాఽత్ర కార్యా విచారణా || ౧ ||
మోక్షార్థీ లభతే మోక్షం ధనార్థీ ధనమాప్నుయాత్ |
విద్యార్థీ లభతే విద్యాం తర్కవ్యాకరణాదికాం || ౨ ||
ఇతి తే కథితం దివ్యం స్తోత్రం సారస్వతప్రదం |
అస్మాత్పరతరం నాస్తి స్తోత్రం తంత్రే మహేశ్వరీ || ౬ ||
ఇతి శ్రీ నీల సరస్వతీ స్తోత్రం సంపూర్ణం ||
śrī nīla sarasvatiī stōtram
ghōrarūpē mahārāvē sarvaśatruvaśaṅkarī |
bhaktēbhyō varadē dēvi trāhi māṃ śaraṇāgatam || 1 ||
surā'surārcitē dēvi siddhagandharvasēvitē |
jāḍyapāpaharē dēvi trāhi māṃ śaraṇāgatam || 2 ||
jaṭājūṭasamāyuktē lōlajihvānukāriṇī |
drutabuddhi karē dēvi trāhi māṃ śaraṇāgatam || 3 ||
sāumyarūpē ghōrarūpē caṇḍarūpē namō'stu tē |
dr̥ṣṭirūpē namastubhyaṃ trāhi māṃ śaraṇāgatam || 4 ||
jaḍānāṃ jaḍatāṃ hamsi bhaktānāṃ bhaktavatsalē |
mūḍhatāṃ hara mē dēvi trāhi māṃ śaraṇāgatam || 5 ||
hrūṃ hrūṃkāramayē dēvi balihōmapriyē namaḥ |
ugratārē namastubhyaṃ trāhi māṃ śaraṇāgatam || 6 ||
buddhiṃ dēhi yaśō dēhi kavitvaṃ dēhi dēhi mē |
kubuddhiṃ hara mē dēvi trāhi māṃ śaraṇāgatam || 7 ||
indrādidēva sadvr̥ndavanditē karuṇāmayī |
tārē tārādhināthāsyē trāhi māṃ śaraṇāgatam || 8 ||
Phalaśruti:
aṣṭamyāṃ ca caturdaśyāṃ navamyāṃ yaḥ paṭhēnnaraḥ |
ṣanmāisāiḥ siddhimāpnōti nā'tra kāryā vicāraṇā || 1 ||
mōkṣārthī labhatē mōkṣaṃ dhanārthī dhanamāpnuyāt |
vidyārthī labhatē vidyāṃ tarkavyākaraṇādikām || 2 ||
iti tē kathitaṃ divyaṃ stōtraṃ sārasvatapradaṃ |
asmāt parataraṃ nāsti stōtraṃ tantrē mahēśvarī || 6 ||
iti śrī nīla sarasvatiī stōtraṃ sampūrṇam ||