శ్రీ మాతంగీ స్తోత్రం
ఈశ్వర ఉవాచ
ఆరాధ్య మాతశ్చరణాంబుజే తే
బ్రహ్మాదయో విస్తృత కీర్తిమాయుః |
అన్యే పరం వా విభవం మునీంద్రాః
పరాం శ్రియం భక్తి పరేణ చాన్యే || ౧ ||
నమామి దేవీం నవచంద్రమౌళే-
ర్మాతంగినీ చంద్రకళావతంసాం |
ఆమ్నాయప్రాప్తి ప్రతిపాదితార్థం
ప్రబోధయంతీం ప్రియమాదరేణ || ౨ ||
వినమ్రదేవస్థిరమౌళిరత్నైః
విరాజితం తే చరణారవిందం |
అకృత్రిమాణం వచసాం విశుక్లాం
పదాం పదం శిక్షితనూపురాభ్యామ్ || ౩ ||
కృతార్థయంతీం పదవీం పదాభ్యాం
ఆస్ఫాలయంతీం కలవల్లకీం తాం |
మాతంగినీం సద్ధృదయాం ధినోమి
లీలాంశుకాం శుద్ధ నితంబబింబామ్ || ౪ ||
తాలీదళేనార్పితకర్ణభూషాం
మాధ్వీమదోద్ఘూర్ణితనేత్రపద్మాం
ఘనస్తనీం శంభువధూం నమామి
తటిల్లతాకాంతిమనర్ఘ్యభూషామ్ || ౫ ||
చిరేణ లక్ష్మ్యా నవరోమరాజ్యా
స్మరామి భక్త్యా జగతామధీశే |
వలిత్రయాఢ్యం తమ మధ్యమంబ
నీలోత్పలాం శుశ్రియమావహంతమ్ || ౬ ||
కాంత్యా కటాక్షైః కమలాకరాణాం
కదంబమాలాంచితకేశపాశం |
మాతంగకన్యే హృది భావయామి
ధ్యాయేహమారక్తకపోలబింబమ్ || ౭ ||
బింబాధరం న్యస్తలలామరమ్య-
మాలోలలీలాలకమాయతాక్షం |
మందస్మితం తే వదనం మహేశి
స్తువేన్వహం శంకర ధర్మపత్ని || ౮ ||
మాతంగినీం వాగధిదేవతాం తాం
స్తువంతి యే భక్తియుతా మనుష్యాః |
పరాం శ్రియం నిత్యముపాశ్రయంతి
పరత్ర కైలాసతలే వసంతి || ౯ ||
ఇతి శ్రీ మాతంగీ స్తోత్రం సంపూర్ణం ||
śrī mātaṅgī stōtram
iśvara uvāca
ārādhya mātaś-caraṇāmbujē tē
brahmādayō vistr̥ta kīrtimāyuḥ |
anyē paraṃ vā vibhavaṃ munīndrāḥ
parāṃ śriyaṃ bhakti parēṇa cānyē || 1 ||
namāmi dēvīṃ navacandramāuḷē-
rmātaṅginīṃ candrakalāvataṃsām |
āmnāyaprāpti pratipāditārthaṃ
prabōdhaya ntīṃ priyamādarēṇa || 2 ||
vinamradēvasthiramāuḷiratnāiḥ
virājitaṃ tē caraṇāravindam |
ak r̥trimāṇaṃ vacasāṃ viśuklāṃ
padāṃ padaṃ śikṣitanūpurābhyām || 3 ||
kr̥tārthaya ntīṃ padavīṃ padābhyāṃ
āspālaya ntīṃ kalavallakīṃ tām |
mātaṅginīṃ saddhr̥dayāṃ dhinōmi
līlāṃśukāṃ śuddha nitambabimbām || 4 ||
tālīḍalēnā rpitakarṇabhūṣāṃ
mādhvīmadōdghūrṇita nētrapadmām
ghanastanīṃ śambhu vadhūṃ namāmi
taṭillatākānti manarghyabhūṣām || 5 ||
cirēṇa lakṣmyā navarōmarājyā
smarāmi bhaktyā jagatāmadhīśē |
valitrayāḍhyaṃ tam madhyamamba
nīlōtpalāṃ śuśriyamāvaha ntam || 6 ||
kāntyā kaṭākṣāiḥ kamalākarāṇāṃ
kadambamālāñcita kēśapāśam |
mātaṅgakanyē hr̥di bhāvayāmi
dhyāyēhamāraktakapōlabimbam || 7 ||
bimbādha raṃ nyastalalāmaramya-
mālōlalīlālakamāyatākṣam |
mandasmitaṃ tē vadanaṃ mahēśi
stuvēnvahaṃ śaṅkara dharmapatni || 8 ||
mātaṅginīṃ vāgadhidēvatāṃ tāṃ
stuvanti yē bhaktiyutā manuṣyāḥ |
parāṃ śriyaṃ nityamupāśraya ntī
paratra kāilāsa talē vasa nti || 9 ||
iti śrī mātaṅgī stōtraṃ sampūrṇam ||