శ్రీ మాతంగీ కవచం
శ్రీ పార్వత్యువాచ
దేవదేవ మహాదేవ సృష్టిసంహారకారక |
మాతంగ్యాః కవచం బ్రూహి యది స్నేహోఽస్తి తే మయి || ౧ ||
శివ ఉవాచ
అత్యంతగోపనం గుహ్యం కవచం సర్వకామదమ్ |
తవ ప్రీత్యా మయాఽఽఖ్యాతం నాన్యేషు కథ్యతే శుభే || ౨ ||
శపథం కురు మే దేవి యది కించిత్ప్రకాశసే |
అనయా సదృశీ విద్యా న భూతా న భవిష్యతి || ౩ ||
ధ్యానం
శవాసనాం రక్తవస్త్రాం యువతీం సర్వసిద్ధిదామ్ |
ఏవం ధ్యాత్వా మహాదేవీం పఠేత్కవచముత్తమమ్ || ౪ ||
కవచం
ఉచ్ఛిష్టం రక్షతు శిరః శిఖాం చండాలినీ తతః |
సుముఖీ కవచం రక్షేద్దేవీ రక్షతు చక్షుషీ || ౫ ||
మహాపిశాచినీ పాయాన్నాసికాం హ్రీం సదాఽవతు |
ఠః పాతు కంఠదేశం మే ఠః పాతు హృదయం తథా || ౬ ||
ఠో భుజౌ బాహుమూలే చ సదా రక్షతు చండికా |
ఐం చ రక్షతు పాదౌ మే సౌః కుక్షిం సర్వతః శివా || ౭ ||
ఐం హ్రీం కటిదేశం చ ఆం హ్రీం సంధిషు సర్వదా |
జ్యేష్ఠమాతంగ్యంగులిర్మే అంగుల్యగ్రే నమామి చ || ౮ ||
ఉచ్ఛిష్టచాండాలి మాం పాతు త్రైలోక్యస్య వశంకరీ |
శివే స్వాహా శరీరం మే సర్వసౌభాగ్యదాయినీ || ౯ ||
ఉచ్ఛిష్టచాండాలి మాతంగి సర్వవశంకరి నమః |
స్వాహా స్తనద్వయం పాతు సర్వశత్రువినాశినీ || ౧౦ ||
అత్యంతగోపనం దేవి దేవైరపి సుదుర్లభమ్ |
భ్రష్టేభ్యః సాధకేభ్యోఽపి ద్రష్టవ్యం న కదాచన || ౧౧ ||
దత్తేన సిద్ధిహానిః స్యాత్సర్వథా న ప్రకాశ్యతామ్ |
ఉచ్ఛిష్టేన బలిం దత్వా శనౌ వా మంగలే నిశి || ౧౨ ||
రజస్వలాభగం స్పృష్ట్వా జపేన్మంత్రం చ సాధకః |
రజస్వలాయా వస్త్రేణ హోమం కుర్యాత్సదా సుధీః || ౧౩ ||
సిద్ధవిద్యా ఇతో నాస్తి నియమో నాస్తి కశ్చన |
అష్టసహస్రం జపేన్మంత్రం దశాంశం హవనాదికమ్ || ౧౪ ||
భూర్జపత్రే లిఖిత్వా చ రక్తసూత్రేణ వేష్టయేత్ |
ప్రాణప్రతిష్ఠామంత్రేణ జీవన్యాసం సమాచరేత్ || ౧౫ ||
స్వర్ణమధ్యే తు సంస్థాప్య ధారయేద్దక్షిణే కరే |
సర్వసిద్ధిర్భవేత్తస్య అచిరాత్పుత్రవాన్భవేత్ || ౧౬ ||
స్త్రీభిర్వామకరే ధార్యం బహుపుత్రా భవేత్తదా |
వంద్యా వా కాకవంద్యా వా మృతవత్సా చ సాంగనా || ౧౭ ||
జీవద్వత్సా భవేత్సాపి సమృద్ధిర్భవతి ధ్రువమ్ |
శక్తిపూజాం సదా కుర్యాచ్ఛివాబలిం ప్రదాపయేత్ || ౧౮ ||
ఇదం కవచమజ్ఞాత్వా మాతంగీ యో జపేత్సదా |
తస్య సిద్ధిర్న భవతి పురశ్చరణలక్షతః || ౧౯ ||
ఇతి శ్రీరుద్రయామలే తంత్రే మాతంగీ సుముఖీ కవచం సమాప్తమ్ ||
śrī mātaṅgī kavacam
śrī pārvatyuvāca
dēvadēva mahādēva sr̥ṣṭisanhārakāraka |
mātaṅgyāḥ kavacaṃ brūhi yadi snēhō'sti tē mayi || 1 ||
śiva uvāca
atyantagōpanaṃ guhyaṃ kavacaṃ sarvakāmada m |
tava prītyā mayā'khyātaṃ nānyēṣu kathyatē śubhē || 2 ||
śapathaṃ kuru mē dēvi yadi kiñcitprakāśasē |
anayā sadr̥śī vidyā na bhūtā na bhaviṣyati || 3 ||
Dhyānam
śavāsanāṃ raktavastrāṃ yuvatīṃ sarvasiddhidām |
ēvaṃ dhyātvā mahādēvīṃ paṭhētkavacamuttamam || 4 ||
Kavacam
ucchiṣṭaṃ rakṣatu śiraḥ śikhāṃ caṇḍālinī tataḥ |
sumukhī kavacaṃ rakṣēddēvī rakṣatu cakṣuṣī || 5 ||
mahāpiśācinī pāyānnāsikāṃ hrīṃ sadā'vatu |
ṭhaḥ pātu kaṇṭhadēśaṃ mē ṭhaḥ pātu hr̥dayaṃ tathā || 6 ||
ṭhō bhujāu bāhumūlē ca sadā rakṣatu caṇḍika |
aiṃ ca rakṣatu pādāu mē sāuḥ kukṣiṃ sarvataḥ śivā || 7 ||
aiṃ hrīṃ kaṭidēśaṃ ca āṃ hrīṃ saṃdhiṣu sarvadā |
jyēṣṭhamātaṅgyaṅgulirmē aṅgulyagrē namāmi ca || 8 ||
ucchiṣṭacaṇḍāli māṃ pātu trailōkyasya vaśaṅkarī |
śivē svāhā śarīraṃ mē sarvasāubhāgyadāyinī || 9 ||
ucchiṣṭacaṇḍāli mātaṅgi sarvavaśaṅkari namaḥ |
svāhā stanadvayaṃ pātu sarvaśatruvināśinī || 10 ||
atyantagōpanaṃ dēvi dēvāirapi sudurlabham |
bhraṣṭēbhyaḥ sādhakēbhyō'pi draṣṭavyaṃ na kadācana || 11 ||
dattēna siddhihāniḥ syātsarvathā na prakāśyatām |
ucchiṣṭēna baliṃ dattvā śanāu vā maṅgalē niśi || 12 ||
rajasvalābhagaṃ spr̥ṣṭvā japēnmantraṃ ca sādhakaḥ |
rajasvalāyā vastrēṇa hōmaṃ kuryātsadā sudhīḥ || 13 ||
siddhavidyā itō nāsti niyamō nāsti kaścana |
aṣṭasahasraṃ japēnmantraṃ daśāṃśaṃ havanādikam || 14 ||
bhūrjapatrē likhitvā ca raktasūtrēṇa vēṣṭayēt |
prāṇapratiṣṭhāmantrēṇa jīvanyāsaṃ samācarēt || 15 ||
svarṇamadhyē tu saṃsthāpyā dhārayēddakṣiṇē karē |
sarvasiddhirbhavēttasya acirātputravānbhavēt || 16 ||
strībhirvāmakarē dhāryaṃ bahuputrā bhavēttadā |
vandyā vā kākavandyā vā mr̥tavatsā ca sāṅganā || 17 ||
jīvadvatsā bhavēttsaāpi samr̥ddhirbhavati dhruvam |
śaktipūjāṃ sadā kuryācchivābaliṃ pradāpayēt || 18 ||
idaṃ kavacamajñātvā mātaṅgī yō japētsadā |
tasya siddhirna bhavati puraścaraṇalakṣataḥ || 19 ||
iti śrīrudrayāmalē tantrē mātaṅgī sumukhī kavacaṃ samāptam ||