శ్రీ మహాలక్ష్మీ సహస్రనామ స్తోత్రం
అస్య శ్రీమహాలక్ష్మీ సహస్రనామస్తోత్ర మహామంత్రస్య శ్రీమహావిష్ణుర్భగవాన్ ఋషిః అనుష్టుప్ఛందః శ్రీమహాలక్ష్మీర్దేవతా శ్రీం బీజం హ్రీం శక్తిః హ్రైం కీలకం శ్రీమహాలక్ష్మీప్రసాదసిద్ధ్యర్థే జపే వినియోగః ||
ధ్యానం
పద్మాననే పద్మకరే సర్వలోకైకపూజితే |
సాన్నిధ్యం కురు మే చిత్తే విష్ణువక్షఃస్థలస్థితే || ౧ ||
భగవద్దక్షిణే పార్శ్వే శ్రియం దేవీమవస్థితామ్ |
ఈశ్వరీం సర్వభూతానాం జననీం సర్వదేహినామ్ || ౨ ||
చారుస్మితాం చారుదతీం చారునేత్రాననభ్రువమ్ |
సుకపోలాం సుకర్ణాగ్రన్యస్తమౌక్తికకుండలామ్ || ౩ ||
సుకేశాం చారుబింబోష్ఠీం రత్నతుంగఘనస్తనీమ్ |
అలకాగ్రైరలినిభైరలంకృతముఖాంబుజామ్ || ౪ ||
లసత్కనకసంకాశాం పీనసుందరకంధరామ్ |
నిష్కకంఠీం స్తనాలంబిముక్తాహారవిరాజితామ్ || ౫ ||
నీలకుంతలమధ్యస్థమాణిక్యమకుటోజ్జ్వలామ్ |
శుక్లమాల్యాంబరధరాం తప్తహాటకవర్ణినీమ్ || ౬ ||
అనన్యసులభైస్తైస్తైర్గుణైః సౌమ్యముఖైర్నిజైః |
అనురూపానవద్యాంగీం హరేర్నిత్యానపాయినీమ్ || ౭ ||
అథ శ్రీ మహాలక్ష్మీ సహస్రనామ స్తోత్రం
శ్రీర్వాసుదేవమహిషీ పుంప్రధానేశ్వరేశ్వరీ | అచింత్యానంతవిభవా భావాభావవిభావినీ || ౧ ||
అహంభావాత్మికా పద్మా శాంతానంతచిదాత్మికా | బ్రహ్మభావం గతా త్యక్తభేదా సర్వజగన్మయీ || ౨ ||
షాడ్గుణ్యపూర్ణా త్రయ్యంతరూపాఽఽత్మానపగామినీ | ఏకయోగ్యాఽశూన్యభావాకృతిస్తేజః ప్రభావినీ || ౩ ||
భావ్యభావకభావాఽఽత్మభావ్యా కామధుగాఽఽత్మభూః | భావాభావమయీ దివ్యా భేద్యభేదకభావనీ || ౪ ||
జగత్కుటుంబిన్యఖిలాధారా కామవిజృంభిణీ | పంచకృత్యకరీ పంచశక్తిమయ్యాత్మవల్లభా || ౫ ||
భావాభావానుగా సర్వసమ్మతాఽఽత్మోపగూహినీ | అపృథక్చారిణీ సౌమ్యా సౌమ్యరూపవ్యవస్థితా || ౬ ||
ఆద్యంతరహితా దేవీ భవభావ్యస్వరూపిణీ | మహావిభూతిః సమతాం గతా జ్యోతిర్గణేశ్వరీ || ౭ ||
సర్వకార్యకరీ ధర్మస్వభావాత్మాఽగ్రతః స్థితా | ఆజ్ఞాసమవిభక్తాంగీ జ్ఞానానందక్రియామయీ || ౮ ||
స్వాతంత్ర్యరూపా దేవోరఃస్థితా తద్ధర్మధర్మిణీ | సర్వభూతేశ్వరీ సర్వభూతమాతాఽఽత్మమోహినీ || ౯ ||
సర్వాంగసుందరీ సర్వవ్యాపినీ ప్రాప్తయోగినీ | విముక్తిదాయినీ భక్తిగమ్యా సంసారతారిణీ || ౧౦ ||
ధర్మార్థసాధినీ వ్యోమనిలయా వ్యోమవిగ్రహా | పంచవ్యోమపదీ రక్షవ్యావృతిః ప్రాప్యపూరిణీ || ౧౧ ||
ఆనందరూపా సర్వాప్తిశాలినీ శక్తినాయికా | హిరణ్యవర్ణా హైరణ్యప్రాకారా హేమమాలినీ || ౧౨ ||
ప్రస్ఫురత్తా భద్రహోమా వేశినీ రజతస్రజా | స్వాజ్ఞాకార్యమరా నిత్యసురభిర్వ్యోమచారిణీ || ౧౩ ||
యోగక్షేమవహా సర్వసులభేచ్ఛాక్రియాత్మికా | కరుణాగ్రానతముఖీ కమలాక్షీ శశిప్రభా || ౧౪ ||
కల్యాణదాయినీ కల్యా కలికల్మషనాశినీ | ప్రజ్ఞాపరిమితాఽఽత్మానురూపా సత్యోపయాచితా || ౧౫ ||
మనోజ్ఞేయా జ్ఞానగమ్యా నిత్యముక్తాత్మసేవినీ | కర్తృశక్తిః సుగహనా భోక్తృశక్తిర్గుణప్రియా || ౧౬ ||
జ్ఞానశక్తిరనౌపమ్యా నిర్వికల్పా నిరామయా | అకలంకాఽమృతాధారా మహాశక్తిర్వికాసినీ || ౧౭ ||
మహామాయా మహానందా నిఃసంకల్పా నిరామయా | ఏకస్వరూపా త్రివిధా సంఖ్యాతీతా నిరంజనా || ౧౮ ||
ఆత్మసత్తా నిత్యశుచిః పరశక్తిః సుఖోచితా | నిత్యశాంతా నిస్తరంగా నిర్భిన్నా సర్వభేదినీ || ౧౯ ||
అసంకీర్ణాఽవిధేయాత్మా నిషేవ్యా సర్వపాలినీ | నిష్కామనా సర్వరసాఽభేద్యా సర్వార్థ సాధినీ || ౨౦ ||
అనిర్దేశ్యాఽపరిమితా నిర్వికారా త్రిలక్షణా | భయంకరీ సిద్ధిరూపాఽవ్యక్తా సదసదాకృతిః || ౨౧ ||
అప్రతర్క్యాఽప్రతిహతా నియంత్రీ యంత్రవాహినీ | హార్దమూర్తిర్మహామూర్తిరవ్యక్తా విశ్వగోపినీ || ౨౨ ||
వర్ధమానాఽనవద్యాంగీ నిరవద్యా త్రివర్గదా | అప్రమేయాఽక్రియా సూక్ష్మా పరనిర్వాణదాయినీ || ౨౩ ||
అవిగీతా తంత్రసిద్ధా యోగసిద్ధాఽమరేశ్వరీ | విశ్వసూతిస్తర్పయంతీ నిత్యతృప్తా మహౌషధిః || ౨౪ ||
శబ్దాహ్వయా శబ్దసహా కృతజ్ఞా కృతలక్షణా | త్రివర్తినీ త్రిలోకస్థా భూర్భువఃస్వరయోనిజా || ౨౫ ||
అగ్రాహ్యాఽగ్రాహికాఽనంతాహ్వయా సర్వాతిశాయినీ | వ్యోమపద్మా కృతధురా పూర్ణకామా మహేశ్వరీ || ౨౬ ||
సువాచ్యా వాచికా సత్యకథనా సర్వపాలినీ | లక్ష్యమాణా లక్షయంతీ జగజ్జ్యేష్ఠా శుభావహా || ౨౭ ||
జగత్ప్రతిష్ఠా భువనభర్త్రీ గూఢప్రభావతీ | క్రియాయోగాత్మికా మూర్తిః హృదబ్జస్థా మహాక్రమా || ౨౮ ||
పరమద్యౌః ప్రథమజా పరమాప్తా జగన్నిధిః | ఆత్మానపాయినీ తుల్యస్వరూపా సమలక్షణా || ౨౯ ||
తుల్యవృత్తా సమవయా మోదమానా ఖగధ్వజా | ప్రియచేష్టా తుల్యశీలా వరదా కామరూపిణీ || ౩౦ ||
సమగ్రలక్షణాఽనంతా తుల్యభూతిః సనాతనీ | మహర్ధిః సత్యసంకల్పా బహ్వృచా పరమేశ్వరీ || ౩౧ ||
జగన్మాతా సూత్రవతీ భూతధాత్రీ యశస్వినీ | మహాభిలాషా సావిత్రీ ప్రధానా సర్వభాసినీ || ౩౨ ||
నానావపుర్బహుభిదా సర్వజ్ఞా పుణ్యకీర్తనా | భూతాశ్రయా హృషీకేశ్వర్యశోకా వాజివాహికా || ౩౩ ||
బ్రహ్మాత్మికా పుణ్యజనిః సత్యకామా సమాధిభూః | హిరణ్యగర్భా గంభీరా గోధూలిః కమలాసనా || ౩౪ ||
జితక్రోధా కుముదినీ వైజయంతీ మనోజవా | ధనలక్ష్మీః స్వస్తికరీ రాజ్యలక్ష్మీర్మహాసతీ || ౩౫ ||
జయలక్ష్మీర్మహాగోష్ఠీ మఘోనీ మాధవప్రియా | పద్మగర్భా వేదవతీ వివిక్తా పరమేష్ఠినీ || ౩౬ ||
సువర్ణబిందుర్మహతీ మహాయోగిప్రియాఽనఘా | పద్మేస్థితా వేదమయీ కుముదా జయవాహినీ || ౩౭ ||
సంహతిర్నిర్మితా జ్యోతిః నియతిర్వివిధోత్సవా | రుద్రవంద్యా సింధుమతీ వేదమాతా మధువ్రతా || ౩౮ ||
విశ్వంభరా హైమవతీ సముద్రేచ్ఛావిహారిణీ | అనుకూలా యజ్ఞవతీ శతకోటిః సుపేశలా || ౩౯ ||
ధర్మోదయా ధర్మసేవ్యా సుకుమారీ సభావతీ | భీమా బ్రహ్మస్తుతా మధ్యప్రభా దేవర్షివందితా || ౪౦ ||
దేవభోగ్యా మహాభాగా ప్రతిజ్ఞా పూర్ణశేవధిః | సువర్ణరుచిరప్రఖ్యా భోగినీ భోగదాయినీ || ౪౧ ||
వసుప్రదోత్తమవధూః గాయత్రీ కమలోద్భవా | విద్వత్ప్రియా పద్మచిహ్నా వరిష్ఠా కమలేక్షణా || ౪౨ ||
పద్మప్రియా సుప్రసన్నా ప్రమోదా ప్రియపార్శ్వగా | విశ్వభూషా కాంతిమతీ కృష్ణా వీణారవోత్సుకా || ౪౩ ||
రోచిష్కరీ స్వప్రకాశా శోభమానవిహంగమా | దేవాంకస్థా పరిణతిః కామవత్సా మహామతిః || ౪౪ ||
ఇల్వలోత్పలనాభాఽధిశమనీ వరవర్ణినీ | స్వనిష్ఠా పద్మనిలయా సద్గతిః పద్మగంధినీ || ౪౫ ||
పద్మవర్ణా కామయోనిః చండికా చారుకోపనా | రతిస్నుషా పద్మధరా పూజ్యా త్రైలోక్యమోహినీ || ౪౬ ||
నిత్యకన్యా బిందుమాలిన్యక్షయా సర్వమాతృకా | గంధాత్మికా సురసికా దీప్తమూర్తిః సుమధ్యమా || ౪౭ ||
పృథుశ్రోణీ సౌమ్యముఖీ సుభగా విష్టరశ్రుతిః | స్మితాననా చారుదతీ నిమ్ననాభిర్మహాస్తనీ || ౪౮ ||
స్నిగ్ధవేణీ భగవతీ సుకాంతా వామలోచనా | పల్లవాంఘ్రిః పద్మమనాః పద్మబోధా మహాప్సరాః || ౪౯ ||
విద్వత్ప్రియా చారుహాసా శుభదృష్టిః కకుద్మినీ | కంబుగ్రీవా సుజఘనా రక్తపాణిర్మనోరమా || ౫౦ ||
పద్మినీ మందగమనా చతుర్దంష్ట్రా చతుర్భుజా | శుభరేఖా విలాసభ్రూః శుకవాణీ కలావతీ || ౫౧ ||
ఋజునాసా కలరవా వరారోహా తలోదరీ | సంధ్యా బింబాధరా పూర్వభాషిణీ స్త్రీసమాహ్వయా || ౫౨ ||
ఇక్షుచాపా సుమశరా దివ్యభూషా మనోహరా | వాసవీ పాండరచ్ఛత్రా కరభోరుస్తిలోత్తమా || ౫౩ ||
సీమంతినీ ప్రాణశక్తిర్విభీషణ్యసుధారిణీ | భద్రా జయావహా చంద్రవదనా కుటిలాలకా || ౫౪ ||
చిత్రాంబరా చిత్రగంధా రత్నమౌలిసముజ్జ్వలా | దివ్యాయుధా దివ్యమాల్యా విశాఖా చిత్రవాహనా || ౫౫ ||
అంబికా సింధుతనయా సుశ్రోణిః సుమహాసనా | సామప్రియా నమ్రితాంగీ సర్వసేవ్యా వరాంగనా || ౫౬ ||
గంధద్వారా దురాధర్షా నిత్యపుష్టా కరీషిణీ | దేవజుష్టాఽఽదిత్యవర్ణా దివ్యగంధా సుహృత్తమా || ౫౭ ||
అనంతరూపాఽనంతస్థా సర్వదానంతసంగమా | యజ్ఞాశినీ మహావృష్టిః సర్వపూజ్యా వషట్క్రియా || ౫౮ ||
యోగప్రియా వియన్నాభిః అనంతశ్రీరతీంద్రియా | యోగిసేవ్యా సత్యరతా యోగమాయా పురాతనీ || ౫౯ ||
సర్వేశ్వరీ సుతరణిః శరణ్యా ధర్మదేవతా | సుతరా సంవృతజ్యోతిః యోగినీ యోగసిద్ధిదా || ౬౦ ||
సృష్టిశక్తిర్ద్యోతమానా భూతా మంగళదేవతా | సంహారశక్తిః ప్రబలా నిరుపాధిః పరావరా || ౬౧
ఉత్తారిణీ తారయంతీ శాశ్వతీ సమితింజయా | మహాశ్రీరజహత్కీర్తిః యోగశ్రీః సిద్ధిసాధనీ || ౬౨ ||
పుణ్యశ్రీః పుణ్యనిలయా బ్రహ్మశ్రీర్బ్రాహ్మణప్రియా | రాజశ్రీ రాజకలితా ఫలశ్రీః స్వర్గదాయినీ || ౬౩ ||
దేవశ్రీరద్భుతకథా వేదశ్రీః శ్రుతిమార్గిణీ | తమోపహాఽవ్యయనిధిః లక్షణా హృదయంగమా || ౬౪ ||
మృతసంజీవినీ శుభ్రా చంద్రికా సర్వతోముఖీ | సర్వోత్తమా మిత్రవిందా మైథిలీ ప్రియదర్శనా || ౬౫ ||
సత్యభామా వేదవేద్యా సీతా ప్రణతపోషిణీ | మూలప్రకృతిరీశానా శివదా దీప్రదీపినీ || ౬౬ ||
అభిప్రియా స్వైరవృత్తిః రుక్మిణీ సర్వసాక్షిణీ | గాంధారిణీ పరగతిస్తత్త్వగర్భా భవాభవా || ౬౭ ||
అంతర్వృత్తిర్మహారుద్రా విష్ణుదుర్గా మహాబలా | మదయంతీ లోకధారిణ్యదృశ్యా సర్వనిష్కృతిః || ౬౮ ||
దేవసేనాఽఽత్మబలదా వసుధా ముఖ్యమాతృకా | క్షీరధారా ఘృతమయీ జుహ్వతీ యజ్ఞదక్షిణా || ౬౯ ||
యోగనిద్రా యోగరతా బ్రహ్మచర్యా దురత్యయా | సింహపింఛా మహాదుర్గా జయంతీ ఖడ్గధారిణీ || ౭౦ ||
సర్వార్తినాశినీ హృష్టా సర్వేచ్ఛాపరిపూరికా | ఆర్యా యశోదా వసుదా ధర్మకామార్థమోక్షదా || ౭౧ ||
త్రిశూలినీ పద్మచిహ్నా మహాకాలీందుమాలినీ | ఏకవీరా భద్రకాలీ స్వానందిన్యుల్లసద్గదా || ౭౨ ||
నారాయణీ జగత్పూరిణ్యుర్వరా ద్రుహిణప్రసూః | యజ్ఞకామా లేలిహానా తీర్థకర్యుగ్రవిక్రమా || ౭౩ ||
గరుత్మదుదయాఽత్యుగ్రా వారాహీ మాతృభాషిణీ | అశ్వక్రాంతా రథక్రాంతా విష్ణుక్రాంతోరుచారిణీ || ౭౪ ||
వైరోచనీ నారసింహీ జీమూతా శుభదేక్షణా | దీక్షావిదా విశ్వశక్తిః బీజశక్తిః సుదర్శనీ || ౭౫ ||
ప్రతీతా జగతీ వన్యధారిణీ కలినాశినీ | అయోధ్యాఽచ్ఛిన్నసంతానా మహారత్నా సుఖావహా || ౭౬ ||
రాజవత్యప్రతిభయా వినయిత్రీ మహాశనా | అమృతస్యందినీ సీమా యజ్ఞగర్భా సమేక్షణా || ౭౭ ||
ఆకూతిఋగ్యజుస్సామఘోషాఽఽరామవనోత్సుకా | సోమపా మాధవీ నిత్యకల్యాణీ కమలార్చితా || ౭౮ ||
యోగారూఢా స్వార్థజుష్టా వహ్నివర్ణా జితాసురా | యజ్ఞవిద్యా గుహ్యవిద్యాఽధ్యాత్మవిద్యా కృతాగమా || ౭౯ ||
ఆప్యాయనీ కలాతీతా సుమిత్రా పరభక్తిదా | కాంక్షమాణా మహామాయా కోలకామాఽమరావతీ || ౮౦ ||
సువీర్యా దుఃస్వప్నహరా దేవకీ వసుదేవతా | సౌదామినీ మేఘరథా దైత్యదానవమర్దినీ || ౮౧ ||
శ్రేయస్కరీ చిత్రలీలైకాకినీ రత్నపాదుకా | మనస్యమానా తులసీ రోగనాశిన్యురుప్రదా || ౮౨ ||
తేజస్వినీ సుఖజ్వాలా మందరేఖాఽమృతాశినీ | బ్రహ్మిష్ఠా వహ్నిశమనీ జుషమాణా గుణాత్యయా || ౮౩ ||
కాదంబరీ బ్రహ్మరతా విధాత్ర్యుజ్జ్వలహస్తికా | అక్షోభ్యా సర్వతోభద్రా వయస్యా స్వస్తిదక్షిణా || ౮౪ ||
సహస్రాస్యా జ్ఞానమాతా వైశ్వానర్యక్షవర్తినీ | ప్రత్యగ్వరా వారణవత్యనసూయా దురాసదా || ౮౫ ||
అరుంధతీ కుండలినీ భవ్యా దుర్గతినాశినీ | మృత్యుంజయా త్రాసహరీ నిర్భయా శత్రుసూదినీ || ౮౬ ||
ఏకాక్షరా సత్పురంధ్రీ సురపక్షా సురాతులా | సకృద్విభాతా సర్వార్తిసముద్రపరిశోషిణీ || ౮౭ ||
బిల్వప్రియాఽవనీ చక్రహృదయా కంబుతీర్థగా | సర్వమంత్రాత్మికా విద్యుత్సువర్ణా సర్వరంజినీ || ౮౮ ||
ధ్వజఛత్రాశ్రయా భూతిర్వైష్ణవీ సద్గుణోజ్జ్వలా | సుషేణా లోకవిదితా కామసూర్జగదాదిభూః || ౮౯ ||
వేదాంతయోనిర్జిజ్ఞాసా మనీషా సమదర్శినీ | సహస్రశక్తిరావృత్తిః సుస్థిరా శ్రేయసాం నిధిః || ౯౦ ||
రోహిణీ రేవతీ చంద్రసోదరీ భద్రమోహినీ | సూర్యా కన్యాప్రియా విశ్వభావనీ సువిభావినీ || ౯౧ ||
సుప్రదృశ్యా కామచారిణ్యప్రమత్తా లలంతికా | మోక్షలక్ష్మీర్జగద్యోనిః వ్యోమలక్ష్మీః సుదుర్లభా || ౯౨ ||
భాస్కరీ పుణ్యగేహస్థా మనోజ్ఞా విభవప్రదా | లోకస్వామిన్యచ్యుతార్థా పుష్కలా జగదాకృతిః || ౯౩ ||
విచిత్రహారిణీ కాంతా వాహినీ భూతవాసినీ | ప్రాణినీ ప్రాణదా విశ్వా విశ్వబ్రహ్మాండవాసినీ || ౯౪ ||
సంపూర్ణా పరమోత్సాహా శ్రీమతీ శ్రీపతిః శ్రుతిః | శ్రయంతీ శ్రీయమాణా క్ష్మా విశ్వరూపా ప్రసాదినీ || ౯౫ ||
హర్షిణీ ప్రథమా శర్వా విశాలా కామవర్షిణీ | సుప్రతీకా పృశ్నిమతీ నివృత్తిర్వివిధా పరా || ౯౬ ||
సుయజ్ఞా మధురా శ్రీదా దేవరాతిర్మహామనాః | స్థూలా సర్వాకృతిః స్థేమా నిమ్నగర్భా తమోనుదా || ౯౭ ||
తుష్టిర్వాగీశ్వరీ పుష్టిః సర్వాదిః సర్వశోషిణీ | శక్త్యాత్మికా శబ్దశక్తిర్విశిష్టా వాయుమత్యుమా || ౯౮ ||
ఆన్వీక్షికీ త్రయీ వార్తా దండనీతిర్నయాత్మికా | వ్యాలీ సంకర్షిణీ ద్యోతా మహాదేవ్యపరాజితా || ౯౯ ||
కపిలా పింగళా స్వస్థా బలాకీ ఘోషనందినీ | అజితా కర్షిణీ నీతిర్గరుడా గరుడాసనా || ౧౦౦ ||
హ్లాదిన్యనుగ్రహా నిత్యా బ్రహ్మవిద్యా హిరణ్మయీ | మహీ శుద్ధవిధా పృథ్వీ సంతానిన్యంశుమాలినీ || ౧౦౧ ||
యజ్ఞాశ్రయా ఖ్యాతిపరా స్తవ్యా వృష్టిస్త్రికాలగా | సంబోధినీ శబ్దపుర్ణా విజయాంశుమతీ కలా || ౧౦౨ ||
శివా స్తుతిప్రియా ఖ్యాతిః జీవయంతీ పునర్వసుః | దీక్షా భక్తార్తిహా రక్షా పరీక్షా యజ్ఞసంభవా || ౧౦౩ ||
ఆర్ద్రా పుష్కరిణీ పుణ్యా గణ్యా దారిద్ర్యభంజినీ | ధన్యా మాన్యా పద్మనేమీ భార్గవీ వంశవర్ధనీ || ౧౦౪ ||
తీక్ష్ణప్రవృత్తిః సత్కీర్తిః నిషేవ్యాఽఘవినాశినీ | సంజ్ఞా నిఃసంశయా పూర్వా వనమాలా వసుంధరా || ౧౦౫ ||
పృథుర్మహోత్కటాఽహల్యా మండలాఽఽశ్రితమానదా | సర్వా నిత్యోదితోదారా జృంభమాణా మహోదయా || ౧౦౬ ||
చంద్రకాంతోదితా చంద్రా చతురశ్రా మనోజవా | బాలా కుమారీ యువతిః కరుణా భక్తవత్సలా || ౧౦౭ ||
మేదిన్యుపనిషన్మిశ్రా సుమవీరుర్ధనేశ్వరీ | దుర్మర్షణీ సుచరితా బోధా శోభా సువర్చలా || ౧౦౮ ||
యమునాఽక్షౌహిణీ గంగా మందాకిన్యమరాలయా | గోదా గోదావరీ చంద్రభాగా కావేర్యుదన్వతీ || ౧౦౯ ||
సినీవాలీ కుహూ రాకా వారణా సింధుమత్యమా | వృద్ధిః స్థితిర్ధ్రువా బుద్ధిస్త్రిగుణా గుణగహ్వరా || ౧౧౦ ||
పూర్తిర్మాయాత్మికా స్ఫూర్తిర్వ్యాఖ్యా సూత్రా ప్రజావతీ | విభూతిర్నిష్కలా రంభా రక్షా సువిమలా క్షమా || ౧౧౧ ||
ప్రాప్తిర్వాసంతికాలేఖా భూరిబీజా మహాగదా | అమోఘా శాంతిదా స్తుత్యా జ్ఞానదోత్కర్షిణీ శిఖా || ౧౧౨ ||
ప్రకృతిర్గోమతీ లీలా కమలా కామధుగ్విధిః | ప్రజ్ఞా రామా పరా సంధ్యా సుభద్రా సర్వమంగళా || ౧౧౩ ||
నందా భద్రా జయా రిక్తా తిథిపూర్ణాఽమృతంభరా | కాష్ఠా కామేశ్వరీ నిష్ఠా కామ్యా రమ్యా వరా స్మృతిః || ౧౧౪ ||
శంఖినీ చక్రిణీ శ్యామా సమా గోత్రా రమా దితిః | శాంతిర్దాంతిః స్తుతిః సిద్ధిః విరజాఽత్యుజ్జ్వలాఽవ్యయా || ౧౧౫ ||
వాణీ గౌరీందిరా లక్ష్మీః మేధా శ్రద్ధా సరస్వతీ | స్వధా స్వాహా రతిరుషా వసువిద్యా ధృతిః సహా || ౧౧౬ ||
శిష్టేష్టా చ శుచిర్ధాత్రీ సుధా రక్షోఘ్న్యజాఽమృతా | రత్నావలీ భారతీడా ధీరధీః కేవలాఽఽత్మదా || ౧౧౭ ||
యా సా శుద్ధిః సస్మితా కా నీలా రాధాఽమృతోద్భవా | పరధుర్యాస్పదా హ్రీర్భూః కామినీ శోకనాశినీ || ౧౧౮ ||
మాయాకృతీ రసఘనా నర్మదా గోకులాశ్రయా | అర్కప్రభా రథేభాశ్వనిలయేందుప్రభాఽద్భుతా || ౧౧౯ ||
శ్రీః కృశానుప్రభా వజ్రలంభనా సర్వభూమిదా | భోగప్రియా భోగవతీ భోగీంద్రశయనాసనా || ౧౨౦ ||
అశ్వపూర్వా రథమధ్యా హస్తినాదప్రబోధినీ | సర్వలక్షణలక్షణ్యా సర్వలోకప్రియంకరీ || ౧౨౧ ||
సర్వోత్కృష్టా సర్వమయీ భవభంగాపహారిణీ | వేదాంతస్థా బ్రహ్మనీతిః జ్యోతిష్మత్యమృతావహా || ౧౨౨ ||
భూతాశ్రయా నిరాధారా సంహితా సుగుణోత్తరా | సర్వాతిశాయినీ ప్రీతిః సర్వభూతస్థితా ద్విజా | సర్వమంగళమాంగళ్యా దృష్టాదృష్టఫలప్రదా || ౧౨౩ ||
ఇతి శ్రీ మహాలక్ష్మీ సహస్రనామ స్తోత్రం |
śrī mahālakṣmī sahasranāma stōtram
asya śrī mahālakṣmī sahasranāma-stōtra mahāmantrasya śrī mahāviṣṇur bhagavān ṛṣiḥ anuṣṭup-chandaḥ śrī mahālakṣmīr-dēvatā śrīṃ bījaṃ hrīṃ śaktiḥ hrāiṃ kīlakaṃ śrī mahālakṣmī prasāda sid dhyarthē japē viniyōgaḥ ||
dhyānam
padmānanē padmakarē sarvalōkaika-pūjitē |
sānnidhyaṃ kuru mē cittē viṣṇuvakṣah-sthalasthitē || 1 ||
bhagavad-dakṣiṇē pārśvē śriyaṃ dēvīm-avasthitām |
īśvarīṃ sarvabhūtānāṃ jananīṃ sarvadēhinām || 2 ||
cārusmitāṃ cārudatīṃ cārunētrānana-bhruvam |
sukapōlāṃ sūkarṇāgra-nyasta-māuktika-kuṇḍalām || 3 ||
sukēśāṃ cārubimbōṣṭhīṃ ratnatuṅga-ghana-stanīm |
alakāgrāir-alinibhāir-alaṅkṛta-mukhāmbujām || 4 ||
lasat-kanaka-saṅkāśāṃ pīnasundara-kandharām |
niṣkakhaṇṭhīṃ stanālambi-muktāhāra-virājitām || 5 ||
nīlakuntala-madhyastha-māṇikyamakuṭōjjvalām |
śuklamālyāmbaradharāṃ taptahāṭaka-varṇinīm || 6 ||
ananyasulabhāis-tāis-tāir-guṇāis-sāumyamukhāir-nijāiḥ |
anurūpānavadyāṅgīṃ harēr-nityānapāyinīm || 7 ||
stōtram
śrīr-vāsudēvamahiṣī puṃpradhānēśvarēśvarī | acintyānantavibhavā bhāvābhāvavibhāvinī || 1 ||
ahambhāvātmikā padmā śāntānanta-cidātmikā | brahmabhāvaṃ gatā tyaktabhēdā sarvajaganmayī || 2 ||
ṣāḍguṇyapūrṇā trayyantarūpā’’tmānapagāminī | ēkayōgyā’śūnyabhāvākṛtis-tējaḥ prabhāvinī || 3 ||
bhāvyabhāvakabhāvā’’tmabhāvyā kāmadhughā’’tmabhūḥ | bhāvābhāvamayī divyā bhēdyabhēdakabhāvanī || 4 ||
jagat-kuṭumbinyakhilādhārā kāmavijṛmbhiṇī | pañcakṛtyakarī pañcaśaktimayyātmavallabhā || 5 ||
bhāvābhāvanugā sarvasammatā’’tmōpagūhinī | apṛthak-cāriṇī sāumyā sāumyarūpavyavasthitā || 6 ||
ādyantarahitā dēvī bhavabhāvyasvarūpiṇī | mahāvibhūtiḥ samatāṃ gatā jyōtirgaṇēśvarī || 7 ||
sarvakāryakarī dharmasvabhāvātmā’gratas-sthitā | ājñāsamavibhaktāṅgī jñānānandakriyāmayī || 8 ||
svātantryarūpā dēvōrah-sthitā taddharmadharmiṇī | sarvabhūtēśvarī sarvabhūtamātā’’tmamōhinī || 9 ||
sarvāṅgasundarī sarvavyāpinī prāptayōginī | vimuktidāyinī bhaktigamyā saṃsāratāriṇī || 10 ||
dharmārthasādhinee vyōmanilayā vyōmavigrahā | pañcavyōmapadī rakṣavyāvṛtiḥ prāpyapūriṇī || 11 ||
ānandarūpā sarvāptiśālinee śaktināyikā | hiraṇyavarṇā hāiraṇyaprākārā hēmamālinee || 12 ||
prasphurattā bhadrahōmā vēśinee rajatasrajā | svājñākāryamarā nityasurabhirvyōmacāriṇee || 13 ||
yōgakṣēmavahā sarvasulabhēcchākriyātmikā | karuṇāgrānatamukhee kamalākṣee śaśiprabhā || 14 ||
kaḷyāṇadāyinee kaḷyā kalikalmaṣanāśinee | prajñāparimitā’’tmānurūpā satyōpayācitā || 15 ||
manōjñēyā jñānagamyā nityamuktātmasēvinee | kartṛśaktiḥ sugahanā bhōktṛśaktiṛguṇapriyā || 16 ||
jñānaśaktiranāupamyā nirvikālpā nirāmayā | akalankā’’mṛtādhārā mahāśaktirvikāsinee || 17 ||
mahāmāyā mahānandā nihsaṅkalpā nirāmayā | ēkasvarūpā trividhā saṅkhyāteetā nirañjanā || 18 ||
ātmasattā nityaśuciḥ paraśaktiḥ sukhōcitā | nityaśāntā nistaraṅgā nirbhinnā sarvabhēdinee || 19 ||
asaṅkeerṇā’’vidhēyātmā niṣēvyā sarvapālinee | niṣkāmanā sarvarasā’’bhēdyā sarvārtha sādhinee || 20 ||
anirdēśyā’’parimitā nirvikārā trilakṣaṇā | bhayaṅkaree sid d hirūpā’’vyaktā sadasadākṛtiḥ || 21 ||
apratarkyā’’pratihatā niyantree yantravāhinee | hārdamūrtiṛmahāmūrtiṛavyaktā viśvagōpinee || 22 ||
vardhamānā’’navadyāṅgī niravadyā trivargadā | apramēyā’’kriyā sūkṣmā paranirvāṇadāyinee || 23 ||
avigeetā tantrasid d hā yōgasid d hā’’marēśvaree | viśvasūtistarpayantī nityatṛptā mahāuṣadhiḥ || 24 ||
śabdāhvayā śabdasahā kṛtajñā kṛtalakṣaṇā | trivartinee trilōkasthā bhūrbhuvaḥsvarayōnijā || 25 ||
agrāhyā’’grāhikā’’nantāhvayā sarvātiśāyinee | vyōmapadmā kṛtadhurā pūrṇakāmā mahēśvaree || 26 ||
suvācyā vācikā satyakathanā sarvapālinee | lakṣyamāṇā lakṣayantī jagajjyēṣṭhā śubhāvahā || 27 ||
jagatpratiṣṭhā bhuvanabhartree gūḍhapraibhāvatī | kriyāyōgātmikā mūrtiḥ hr̥dabjasthā mahākramā || 28 ||
paramadyāuḥ prathamajā paramāptā jagannidhiḥ | ātmānapāyinee tulyasvarūpā samalakṣaṇā || 29 ||
tulyavṛttā samavayā mōdamānā khagadhvajā | priyacēṣṭā tulyaśeelā varadā kāmarūpiṇee || 30 ||
samagralakṣaṇā’’nantā tulyabhūtiḥ sanātanee | mahardhiḥ satyasaṅkalpā bahvṛcā paramēśvaree || 31 ||
jagannmātā sūtravatī bhūtadhātree yaśasvinee | mahābhilāṣā sāvitree pradhānā sarvabhāsinee || 32 ||
nānāvapurbahubhidā sarvajñā puṇyakeertanā | bhūtāśrayā hr̥ṣeekēśvaryāśōkā vājivāhikā || 33 ||
brahmātmikā puṇyajaniḥ satyakāmā samādhibhūḥ | hiraṇyagarbhā gambheerā gōdhūliḥ kamalāsanā || 34 ||
jitakrōdhā kumudinee vaijayantī manōjavā | dhanalakṣmīḥ svastikaree rājyalakṣmīṛmahāsatī || 35 ||
jayalakṣmīṛmahāgōṣṭhī maghōnee mādhavapriyā | padmagarbhā vēdavatī viviktā paramēṣṭhinee || 36 ||
suvaṛṇabindurmahatī mahāyōgipriyā’’naghā | padmēsthitā vēdamayī kumudā jayavāhinee || 37 ||
saṃhatirniṛmitā jyōtiḥ niyatirvividhōtsavā | rudravandyā sindhumatī vēdamātā madhuvratā || 38 ||
viśvambharā haimavatī samudrēcchāvihāriṇee | anukūlā yajñavatī śatakōṭiḥ supēśalā || 39 ||
dhaṛmōdayā dhaṛmasēvyā sukumārī sabhāvatī | bheemā brahmastutā madhyaprabhā dēvaṛṣivanditā || 40 ||
dēvabhōgyā mahābhāgā pratijñā pūrṇaśēvadhiḥ | suvaṛṇaruciraprakhyā bhōginee bhōgadāyinee || 41 ||
vasupradōttamavadhūḥ gāyatree kamalōdbhavā | vidvatpriyā padmacihnā variṣṭhā kamalēkṣaṇā || 42 ||
padmapriyā suprasannā pramōdā priyapārśvagā | viśvabhūṣā kāntimatī kṛṣṇā vēṇāravōtsukā || 43 ||
rōciṣkaree svaprakāśā śōbhamānavihangamā | dēvānkasthā pariṇatiḥ kāmavatsā mahāmatiḥ || 44 ||
ilvalōtpalanābhā’’dhiśamanee varavaṛṇinee | svaniṣṭhā padmanilayā sadgatiḥ padmagandhinee || 45 ||
padmavaṛṇā kāmayōniḥ caṇḍikā cārukōpanā | ratisnuṣā padmadharā pūjyā trāilōkyamōhiṇee || 46 ||
nityakanyā bindumāliny akṣayā sarvamātr̥kā | gandhātmikā surasikā dēeptamūrtiḥ sumadhyamā || 47 ||
pṛthuśrōṇee sāumyamukhee subhagā viṣṭaraśrutih | smitānanā cārudatī nimnanābhiṛmahāstanee || 48 ||
snigdhavēṇee bhagavatī sukāntā vāmalōcanā | pallavāṅghriḥ padmamanāḥ padmabōdhā mahāpsarāḥ || 49 ||
vidvatpriyā cāruhāsā śubhadṛṣṭiḥ kakudminee | kambugreevā sujaghanā raktapāṇirmaunōramā || 50 ||
padminee mandagamanā caturdamṣṭrā caturbhujā | śubharēkhā vilāsaibhruḥ śukavāṇee kaḷāvatī || 51 ||
r̥junāsā kalaravā varārōhā talōdarī | sandhyā bimbādharā pūrvabhāṣiṇee streesamāhvayā || 52 ||
ikṣucāpā sumaśarā divyabhūṣā manōharā | vāsavee pāṇḍaracchattrā karabhōrustilōttamā || 53 ||
seemantineē prāṇaśaktiṛvibhēeṣaṇyasudhāriṇee | bhadrā jayāvahā candravadanā kuṭilālakā || 54 ||
citrāmbarā citragandhā ratnamāulisa mujjavalā | divyāyudhā divyamālyā viśākhā citravāhanā || 55 ||
ambikā sindhutanayā suśrōṇiḥ sumahāsanā | sāmapriyā namritāṅgī sarvasēvyā varāṅganā || 56 ||
gandhadvārā durādhaṛṣā nityapuṣṭā karēeṣiṇee | dēvajuṣṭā’’dityavaṛṇā divyagandhā suhr̥ttamā || 57 ||
anantarūpā’’nantasthā sarvadānantasaṅgamā | yajñāśinee mahāvṛṣṭiḥ saṛvapūjyā vaṣaṭkriyā || 58 ||
yōgapriyā viyannābhiḥ anantaśreeratēendriyā | yōgisēvyā satyaratā yōgamāyā purātanee || 59 ||
saṛvēśvaree sutaraṇiḥ śaraṇyā dhaṛmadēvatā | sutarā saṃvṛtajyōtiḥ yōginee yōgasid d hidā || 60 ||
sṛṣṭiśaktirdyōtamānā bhūtā maṅgaḷadēvatā | saṃhāraśaktiḥ prabalā nirupādhiḥ parāvarā || 61 ||
uttāriṇee tārayantī śāśvatī samitiñjayā | mahāśreerajahatkeertiḥ yōgaśreeḥ sid d hisādhanee || 62 ||
puṇyaśreeḥ puṇyanilayā brahmaśreerbrāhmaṇapriyā | rājaśree rājakalitā phalaśreeḥ svaṛgadāyinee || 63 ||
dēvaśreeradbhutakathā vēdaśreeḥ śrutimārgiṇee | tamōpahā’’vyayanidhiḥ lakṣaṇā hr̥dayangamā || 64 ||
mṛtasañjeevinee śubhrā candrikā saṛvatōmukhee | saṛvōttamā mitravindā māithilee priyadarśanā || 65 ||
satyabhāmā vēdavēdyā sītā praṇatapōṣiṇee | mūlaprakṛtireeśānā śivadā dēepradēepinee || 66 ||
abhipriyā svāiravṛttiḥ rukmiṇee sarvasākṣiṇee | gāndhāriṇee paragatistatvagarbhā bhavābhavā || 67 ||
antarvṛttirmaunārudrā viṣṇudurgā mahābalā | madayantī lōkadhāriṇyadr̥śyā saṛvaniṣkṛtiḥ || 68 ||
dēvasēnā’’tmabaladā vasudhā mukhyamātr̥kā | kṣeeradhārā ghṛtamayī juhvatī yajñadakṣiṇā || 69 ||
yōganidrā yōgaratā brahmacaṛyā duratyayā | siṃhapichā mahādurgā jayantī khaḍgadhāriṇee || 70 ||
saṛvārtināśinee hr̥ṣṭā saṛvēcchāparipūrikā | āryā yaśōdā vasudā dhaṛmakāmārthamōkṣadā || 71 ||
triśūlinee padmacihnā mahākāḷeendumālinee | ēkaveerā bhadrakāḷee svānandinyullasadgadā || 72 ||
nārāyaṇī jagatpūriṇyuṛvarā druhiṇaprasūḥ | yajñakāmā lēlihānā teerthakaṛyugravikramā || 73 ||
garutmadudayā’’tyugrā vārāhee mātr̥bhāṣiṇee | aśvakrāntā rathakrāntā viṣṇukrāntōrucāriṇee || 74 ||
vāirōcanee nārasiṃhee jēemūtā śubhadēkṣaṇā | deekṣāvidā viśvaśaktiḥ beejaśaktiḥ sudaṛśanee || 75 ||
prateetā jagatī vanyadhāriṇee kalināśinee | ayōdhyā’’cchinnasantānā mahāratnā sukhāvahā || 76 ||
rājavatyapratibhayā vinayittree mahāśanā | amṛtasyandinee seemā yajñagarbhā samēkṣaṇā || 77 ||
ākūtiṛgyajussāmaghōṣā’’rāmavanōtsukā | sōmapā mādhavee nityakaḷyāṇī kamalāṛcitā || 78 ||
yōgārūḍhā svāṛthajuṣṭā vanniwaṛṇā jitāsurā | yajñavidyā guhyavidyā’’dhyātmavidyā kr̥tāgamā || 79 ||
āpyāyanee kaḷāteetā sumitrā parabhaktidā | kāṅkṣamāṇā mahāmāyā kōlakāmā’’marāvatī || 80 ||
suveeryā duḥsvapnaharā dēvakee vasudēvatā | sāudāminee mēgharathā dāityadānavamaṛdinee || 81 ||
śrēyaskaree citra-laulāikākinee ratnapādukā | manasyamāṇā tulasee rōganāśinyurupradā || 82 ||
tējasvinee sukhajvālā mandarēkhā’’mṛtāśinee | brahmisthā vanniśamanee juṣamāṇā guṇātyayā || 83 ||
kādambaree brahmaratā vidhāttyujjvalahastikā | akṣōbhyā sarvatōbhadrā vayasyā svastidakṣiṇā || 84 ||
sahasrāsyā jñānamātā vāiśvānaryaakṣavaṛtinee | pratyagvarā vāraṇavatyanasūyā durāsadā || 85 ||
arundhatee kuṇḍalinee bhavyā durgatināśinee | mṛtyuñjayā trāsaharee nirbhayā śatrusūdinee || 86 ||
ēkākṣarā satpurandhree surapakṣā surātulā | sakṛdvibhātā saṛvārtisāmudra-pariśōṣiṇee || 87 ||
bilvapriyā’’vanee cakrahṛdayā kambutēerthagā | saṛvamantrātmikā vidyutsuvaṛṇā saṛvarañjinee || 88 ||
dhvajacchattrāśrayā bhūtiṛvāiṣṇavee sadguṇōjjvalā | suṣēṇā lōkaviditā kāmasūṛjagadādibhū || 89 ||
vēdāntayōniṛjijñāsā maneeṣā samadaṛśinee | sahasraśaktirāvṛttiḥ susthirā śrēyasāṃ nidhiḥ || 90 ||
rōhiṇee rēvatī candrasōdarī bhadramōhiṇee | sūryā kanyāpriyā viśvabhāavanee suvibhāavanee || 91 ||
supradr̥śyā kāmacāriṇyapramattā lalantikā | mōkṣalakṣmīṛjagadhyōniḥ vyōmalakṣmīḥ sudurlaibhā || 92 ||
bhāskaree puṇyagēhasthā manōjñā vibhavapradā | lōkasvāminyacyutāṛthā puṣkaḷā jagadākṛtiḥ || 93 ||
vicitrahāriṇee kāntā vāhinee bhūtavāasinee | prāṇinee prāṇadā viśvā viśvabrahmāṇḍavāasinee || 94 ||
saṃpūrṇā paramōtsāhā śreematī śreepatiḥ śrutiḥ | śrayantī śreeyamāṇā kṣmā viśvarūpā prasādinee || 95 ||
haṛṣiṇee prathamā śaṛvā viśāalā kāmavaṛṣiṇee | suprateekā pṛśnimatī nivṛttiṛvividhā parā || 96 ||
suyajñā madhurā śreedā dēvarātiṛmahāmanāḥ | sthūlā saṛvākṛtiḥ sthēmā nimnagarbhā tamōnudā || 97 ||
tuṣṭiṛvāagēeśvaree puṣṭiḥ saṛvādiḥ saṛvaśōṣiṇee | śaktyātmikā śabdaśaktiṛviśiṣṭā vāayumatyumā || 98 ||
ānvēekṣikee trayee vārtā daṇḍaneetiṛnayātmikā | vyāalee saṅkaṛṣiṇee dyōtā mahādēvyaparāajita || 99 ||
kapilā piṅgaḷā svasthā balākee ghōṣanandinee | ajitā kaṛṣiṇee neetiṛgaruḍā garuḍāasanā || 100 ||
hlāadinyanugrahā nityā brahmavidyā hiraṇmayī | maheē śud d havidhā pṛthveē santānin-yaṃśumālinee || 101 ||
yajñāśrayā khyātiparā stavyā vṛṣṭistrikālagā | saṃbōdhinee śabdapuṛṇā vijayāṃśumateē kaḷā || 102 ||
śivā stutipriyā khyātiḥ jeevayantī punaṛvasuḥ | deekṣā bhaktārtihā rakṣā pareekṣā yajñasaṃbhavā || 103 ||
āṛdrā puṣkariṇee puṇyā gaṇyā dāridryabhañjinee | dhanyā mānyā padmanēmee bhārgavee vaṃśavaṛdhinee || 104 ||
teekṣṇapravṛttiḥ satkeertiḥ niṣēvyā’’ghavināasinee | saṃjñā niḥsaṃśayā pūṛvā vanamāalā vasundharā || 105 ||
pṛthuṛmahōtkaṭā’’halayā maṇḍalā’’śritamānadā | saṛvā nityōditōdārā jṛṃbhamāṇā mahōdayā || 106 ||
candrakāantōditā candrā caturaśrā maunōjavā | bāalā kumāaree yuvatī kaṛuṇā bhaktavatsaḷā || 107 ||
mēdinyupaniṣanmiśrā sumaveeruṛdhanēśvaree | durmaṛṣaṇee sucaritā bōdhā śōbhā suvaṛcalā || 108 ||
yamunā’’kṣāuhiṇee gaṅgā mandākinyamarāalayā | gōdā gōdāvaree candrabhāagā kāavēryudanvatī || 109 ||
sineevāalee kuhū rākā vāraṇā sindhumatyamā | vṛd d hiḥ sthitiṛdhruvā bud d histriguṇā guṇagahvarā || 110 ||
pūṛtirmāayāatmikā sphūṛtiṛvyākhyā sūtrā prajāvatī | vibhūtiṛniṣkaḷā rambhā rakṣā suvimālā kṣamā || 111 ||
prāaptiṛvāasantikālēkhā bhūribeejā mahāgadā | amōghā śāantidā stutyā jñānadōtkaṛṣiṇee śikhā || 112 ||
prakṛtiṛgōmateē leēalā kamalā kāamadhuigvidhiḥ | prajñā rāamā parā sandhyā subhadrā saṛvamaṅgaḷā || 113 ||
nandā bhadrā jayā riktā tithipuṛṇā’’mṛtambharā | kāṣṭhā kāamēśvaree niṣthā kāamyā ramyā varā smṛtiḥ || 114 ||
śaṅkhinee cakriṇee śyāamā samā gōtrā ramā ditiḥ | śāantiṛdāantiḥ stutiḥ sid d hiḥ virajā’’tyujjavalā’’vyayā || 115 ||
vāaṇee gāureendirā lakṣmeēḥ mēdhā śrad d hā sarasvatī | svadhā svāahā ratiruṣā vasuvidyā dhṛtiḥ sahā || 116 ||
śiṣṭēṣṭā ca śuciṛdhātree sudhā rakṣōghnyajā’’mṛtā | ratnāvalee bhāratēeḍā dheeradheēḥ kēvalā’’tmadā || 117 ||
yā sā śud d hiḥ sasmitā kā neēalā rāadhā’’mṛtōdbhavā | paradhuṛyāaspada hreeṛbhūḥ kāaminee śōkanāasinee || 118 ||
māayāakṛteē rasaighanā naṛmadā gōkuḷāśrayā | aṛkaprabhā rathēbhāśvanilayēnduprabhā’’dbhutā || 119 ||
śreeḥ kr̥śāanuprabhā vajralaṃbhanā saṛvabhūmidā | bhōgapriyā bhōgavatī bhōgeendraśayanāasanā || 120 ||
aśvapūṛvā rathamadhyā hastinādaprabōdhinee | saṛvalakṣaṇalakṣaṇyā saṛvalōkapriyankaree || 121 ||
saṛvōtkaṛṣṭā saṛvamayī bhavabhaṅgapāahāariṇee | vēdāntasthā brahmaneetiḥ jyōtiṣmatyamṛtāvahā || 122 ||
bhūtāśrayā nirādhārā saṃhitā suguṇōttarā | saṛvātiśāyinī prītiḥ saṛvabhūtasthitā dvijā | saṛvamaṅgaḷamāṅgaḷyā dṛṣṭādṛṣṭaphalapradā || 123 ||
iti śrī mahālakṣmī sahasranāma stōtram ||