శ్రీ మహాదేవాష్టకం
శివం శాన్తం శుద్ధం ప్రకటమకళఙ్కం శ్రుతినుతం
మహేశానం శంభుం సకలసురసంసేవ్యచరణం |
గిరీశం గౌరీశం భవభయహరం నిష్కళమజం
మహాదేవం వన్దే ప్రణతజనతా తపోపశమనం || ౧ ||
సదా సేవ్యం భక్తైర్హృది వసన్తం గిరిశయ-
ముమాకాన్తం క్షాన్తం కరఘృతపినాకం భ్రమహరం |
త్రినేత్రం పఞ్చాస్యం దశభుజమనన్తం శశిధరం
మహాదేవం వన్దే ప్రణతజనతా తపోపశమనం || ౨ ||
చితాభస్మాలిప్తం భుజగముకుటం విశ్వసుఖదం
ధనాధ్యక్షస్యాఙ్గం త్రిపురవధకర్తారమనఘం |
కరోటీఖట్వాఙ్గే హ్యురసి చ దధానం మృతిహరం
మహాదేవం వన్దే ప్రణతజనతా తపోపశమనం || ౩ ||
సదోత్సాహం గఙ్గాధరమచలమానన్దకరణం
పురారాతిం భాతం రతిపతిహరం దీప్తవదనం |
జటాజూటైర్జుష్టం రసముఖగణేశానపితరం
మహాదేవం వన్దే ప్రణతజనతా తపోపశమనం || ౪ ||
వసన్తం కైలాసే సురమునిసభాయాం హి నితరాం
బ్రువాణం సద్ధర్మం నిఖిలమనుజానన్దజనకం |
మహేశానీ సాక్షాత్సనకమునిదేవర్షిసహితా
మహాదేవం వన్దే ప్రణతజనతా తపోపశమనం || ౫ ||
శివాం స్వే వామాఙ్గే గుహగణపతిం దక్షిణభుజే
గలే కాలం వ్యాలం జలధిగరళం కణ్ఠవివరే |
లలాటే శ్వేతేన్దుం జగదపి దధానం చ జఠరే
మహాదేవం వన్దే ప్రణతజనతా తపోపశమనం || ౬ ||
సురాణాం దైత్యానాం బహులమనుజానాం బహువిధం
తపఃకుర్వాణానాం ఝటితి ఫలదాతారమఖిలం |
సురేశం విద్యేశం జలనిధిసుతాకాన్తహృదయం
మహాదేవం వన్దే ప్రణతజనతా తపోపశమనం || ౭ ||
వసానం వైయాఘ్రీం మృదులలలితాం కృత్తిమజరాం
వృషారూఢం సృష్ట్యాదిషు కమలజాద్యాత్మవపుషం |
అతర్క్యం నిర్మాయం తదపి ఫలదం భక్తసుఖదం
మహాదేవం వన్దే ప్రణతజనతా తపోపశమనం || ౮ ||
ఇదం స్తోత్రం శంభోర్దురితదలనం ధాన్యధనదం హృది
ధ్యాత్వా శంభుం తదను రఘునాథేన రచితం |
నరః సాయంప్రాతః పఠతి నియతం తస్య విపదః
క్షయం యాన్తి స్వర్గం వ్రజతి సహసా సోఽపి ముదితః ||
ఇతి శ్రీ మహాదేవాష్టకం సంపూర్ణం ||
Shri Mahadevashtakam
śivaṃ śāntaṃ śuddhaṃ prakaṭamakaḷaṅkaṃ śrutinutaṃ
mahēśānaṃ śambhuṃ sakalasurasaṃsēvyacaraṇam |
girīśaṃ gaurīśaṃ bhavabhayaharaṃ niṣkaḷamajaṃ
mahādēvaṃ vandē praṇatajanatā tāpōpaśamanam || 1 ||
sadā sēvyaṃ bhaktairhṛdi vasantaṃ giriśaya-
mumākāntaṃ kṣāntaṃ karaghṛtapinākaṃ bhramaharam |
trinētraṃ pañcāsyaṃ daśabhujamanantaṃ śaśidharaṃ
mahādēvaṃ vandē praṇatajanatā tāpōpaśamanam || 2 ||
citābhasmāliptaṃ bhujagamukuṭaṃ viśvasukhadaṃ
dhanādhyakṣasyāṅgaṃ tripuravadhakartāramanagham |
karōṭīkhaṭvāṅgē hyurasi ca dadhānaṃ mṛtiharaṃ
mahādēvaṃ vandē praṇatajanatā tāpōpaśamanam || 3 ||
sadōtsāhaṃ gaṅgādharamacalamānandakaraṇaṃ
purārātiṃ bhātaṃ ratipatiharaṃ dīptavadanam |
jaṭājūṭairjuṣṭaṃ rasamukhagaṇēśānapitaraṃ
mahādēvaṃ vandē praṇatajanatā tāpōpaśamanam || 4 ||
vasantaṃ kailāsē suramunisabhāyāṃ hi nitarāṃ
bruvāṇaṃ saddharmaṃ nikhilamanujānandajanakam |
mahēśānī sākṣātsanakamunidēvarṣisahitā
mahādēvaṃ vandē praṇatajanatā tāpōpaśamanam || 5 ||
śivāṃ svē vāmāṅgē guhagaṇapatiṃ dakṣiṇabhujē
galē kālaṃ vyālaṃ jaladhigaraḷaṃ kaṇṭhavivarē |
lalāṭē śvētēnduṃ jagadapi dadhānaṃ ca jaṭharē
mahādēvaṃ vandē praṇatajanatā tāpōpaśamanam || 6 ||
surāṇāṃ daityānāṃ bahulamanujānāṃ bahuvidhaṃ
tapaḥkurvāṇānāṃ jhaṭiti phaladātāramakhilam |
surēśaṃ vidyēśaṃ jalanidhisutākāntahṛdayaṃ
mahādēvaṃ vandē praṇatajanatā tāpōpaśamanam || 7 ||
vasānaṃ vaiyāghrīṃ mṛdulalalitāṃ kṛttimajarāṃ
vṛṣārūḍhaṃ sృṣṭyādiṣu kamalajādyātmavapuṣam |
atarkyaṃ nirmāyaṃ tadapi phaladaṃ bhaktasukhadaṃ
mahādēvaṃ vandē praṇatajanatā tāpōpaśamanam || 8 ||
idaṃ stōtraṃ śambhōrduritadalanaṃ dhānyadhanadaṃ hṛdi
dhyātvā śambhuṃ tadanu raghunāthēna racitam |
naraḥ sāyaṃprātaḥ paṭhati niyataṃ tasya vipadaḥ
kṣayaṃ yānti svargaṃ vrajati sahasā sō’pi muditaḥ ||
iti śrī mahādēvāṣṭakaṃ saṃpūrṇam ||