శ్రీ మహాదేవ స్తోత్రం
బృహస్పతిరువాచ
జయ దేవ పరానంద జయ చిత్సత్యవిగ్రహ |
జయ సంసారలోకఘ్న జయ పాపహర ప్రభో || ౧ ||
జయ పూర్ణమహాదేవ జయ దేవారిమర్దన |
జయ కళ్యాణ దేవేశ జయ త్రిపురమర్దన || ౨ ||
జయాఽహంకారశత్రుఘ్న జయ మాయావిషాపహా |
జయ వేదాంతసంవేద్య జయ వాచామగోచరా || ౩ ||
జయ రాగహర శ్రేష్ఠ జయ విద్వేషహరాగ్రజ |
జయ సాంబ సదాచార జయ దేవసమాహిత || ౪ ||
జయ బ్రహ్మాదిభిః పూజ్య జయ విష్ణోః పరామృత |
జయ విద్యా మహేశాన జయ విద్యాప్రదానిశమ్ || ౫ ||
జయ సర్వాంగసంపూర్ణ నాగాభరణభూషణ |
జయ బ్రహ్మవిదాంప్రాప్య జయ భోగాపవర్గదః || ౬ ||
జయ కామహర ప్రాజ్ఞ జయ కారుణ్యవిగ్రహ |
జయ భస్మమహాదేవ జయ భస్మావగుంఠితః || ౭ ||
జయ భస్మరతానాం తు పాశభంగపరాయణ |
జయ హృత్పంకజే నిత్యం యతిభిః పూజ్యవిగ్రహః || ౮ ||
శ్రీ సూత ఉవాచ
ఇతి స్తుత్వా మహాదేవం ప్రణిపత్య బృహస్పతిః |
కృతార్థః క్లేశనిర్ముక్తో భక్త్యా పరవశో భవేత్ || ౯ ||
య ఇదం పఠతే నిత్యం సంధ్యయోరుభయోరపి |
భక్తిపారంగతో భూత్వా పరంబ్రహ్మాధిగచ్ఛతి || ౧౦ ||
గంగా ప్రవాహవత్తస్య వాగ్విభూతిర్విజృంభతే |
బృహస్పతి సమో బుద్ధ్యా గురుభక్త్యా మయా సమః || ౧౧ ||
పుత్రార్థీ లభతే పుత్రాన్ కన్యార్థీ కన్యకామిమాత్ |
బ్రహ్మవర్చసకామస్తు తదాప్నోతి న సంశయః || ౧౨ ||
తస్మాద్భవద్భిర్మునయః సంధ్యయోరుభయోరపి |
జప్యం స్తోత్రమిదం పుణ్యం దేవదేవస్య భక్తితః || ౧౩ ||
ఇతి శ్రీ మహాదేవ స్తోత్రం ||
Shri Mahadeva Stotram
br̥haspatiruvāca
jaya dēva parānanda jaya citsatyavigraha |
jaya saṃsāralōkaghna jaya pāpahara prabhō || 1 ||
jaya pūrṇamahādēva jaya dēvārimardana |
jaya kalyāṇa dēvēśa jaya tripuramardana || 2 ||
jayā’haṅkāraśatrughna jaya māyāviṣāpahā |
jaya vēdāntasaṃvēdya jaya vācāmagōcarā || 3 ||
jaya rāgahara śrēṣṭha jaya vidvēṣaharāgraja |
jaya sāmba sadācāra jaya dēvasamāhita || 4 ||
jaya brahmādibhiḥ pūjya jaya viṣṇōḥ parāmr̥ta |
jaya vidyā mahēśāna jaya vidyāpradāniśam || 5 ||
jaya sarvāṅgasaṃpūrṇa nāgābharaṇabhūṣaṇa |
jaya brahmavidāṃprāpya jaya bhōgāpavargadaḥ || 6 ||
jaya kāmahara prājña jaya kāruṇyavigraha |
jaya bhasmamahādēva jaya bhasmāvagunṭhitaḥ || 7 ||
jaya bhasmaratānāṃ tu pāśabhaṅgaparāyaṇa |
jaya hr̥tpaṅkajē nityaṃ yatibhiḥ pūjyavigrahaḥ || 8 ||
śrī sūta uvāca
iti stutvā mahādēvaṃ praṇipatya br̥haspatiḥ |
kr̥tārtthaḥ klēśanirmuktō bhaktyā paravaśō bhavēt || 9 ||
ya idaṃ paṭhatē nityaṃ sandhyayōrubhayōrapi |
bhaktipāraṅgatō bhūtvā parambrahmādhigacchati || 10 ||
gaṅgā pravāhavattasya vāgvibhūtirvijr̥mbhatē |
br̥haspati samō buddhyā gurubhaktyā mayā samaḥ || 11 ||
putrārtthī labhatē putrān kanyārtthī kanyakāmimāt |
brahmavarcasakāmastu tadāpnōti na saṃśayaḥ || 12 ||
tasmādbhavadbhirmanayaḥ sandhyayōrubhayōrapi |
japyaṃ stōtramidaṃ puṇyaṃ dēvadēvasya bhaktitaḥ || 13 ||
iti śrī mahādēva stōtraṃ saṃpūrṇam ||