శ్రీ మహా సరస్వతి స్తవం
అశ్వతర ఉవాచ
జగద్ధాత్రీమహం దేవీమారిరాధయిషుః శుభామ్ |
స్తోష్యే ప్రణమ్య శిరసా బ్రహ్మయోనిం సరస్వతీమ్ || ౧ ||
సదసద్దేవి యత్కించిన్మోక్షవచ్చార్థవత్పదమ్ |
తత్సర్వం త్వయ్యసంయోగం యోగవద్దేవి సంస్థితమ్ || ౨ ||
త్వమక్షరం పరం దేవి యత్ర సర్వం ప్రతిష్ఠితమ్ |
అక్షరం పరమం దేవి సంస్థితం పరమాణువత్ || ౩ ||
అక్షరం పరమం బ్రహ్మ విశ్వంచైతత్క్షరాత్మకమ్ |
దారుణ్యవస్థితో వహ్నిర్భౌమాశ్చ పరమాణవః || ౪ ||
తథా త్వయి స్థితం బ్రహ్మ జగచ్చేదమశేషతః |
ఓంకారాక్షరసంస్థానం యత్తు దేవి స్థిరాస్థిరమ్ || ౫ ||
తత్ర మాత్రాత్రయం సర్వమస్తి యద్దేవి నాస్తి చ |
త్రయో లోకాస్త్రయో వేదాస్త్రైవిద్యం పావకత్రయమ్ || ౬ ||
త్రీణి జ్యోతీంషి వర్ణాశ్చ త్రయో ధర్మాగమాస్తథా |
త్రయో గుణాస్త్రయః శబ్దస్త్రయో వేదాస్తథాశ్రమాః || ౭ ||
త్రయః కాలాస్తథావస్థాః పితరోఽహర్నిశాదయః |
ఏతన్మాత్రాత్రయం దేవి తవ రూపం సరస్వతి || ౮ ||
విభిన్నదర్శినామాద్యా బ్రహ్మణో హి సనాతనాః |
సోమసంస్థా హవిః సంస్థాః పాకసంస్థాశ్చ సప్త యాః || ౯ ||
తాస్త్వదుచ్చారణాద్దేవి క్రియంతే బ్రహ్మవాదిభిః |
అనిర్దేశ్యం తథా చాన్యదర్ధమాత్రాన్వితం పరమ్ || ౧౦ ||
అవికార్యక్షయం దైవ్యం పరిణామవివర్జితమ్ |
తవైతత్పరమం రూపం యన్న శక్యం మయోదితుమ్ || ౧౧ ||
న చాస్యేన చ తజ్జిహ్వా తామ్రోష్ఠాదిభిరుచ్యతే |
ఇంద్రోఽపి వసవో బ్రహ్మా చంద్రార్కౌ జ్యోతిరేవ చ || ౧౨ ||
విశ్వావాసం విశ్వరూపం విశ్వేశం పరమేశ్వరమ్ |
సాంఖ్యవేదాంతవాదోక్తం బహుశాఖాస్థిరీకృతమ్ || ౧౩ ||
అనాదిమధ్యనిధనం సదసన్న సదేవ యత్ |
ఏకంత్వనేకం నాప్యేకం భవభేదసమాశ్రితమ్ || ౧౪ ||
అనాఖ్యం షడ్గుణాఖ్యంచ వర్గాఖ్యం త్రిగుణాశ్రయమ్ |
నానాశక్తిమతామేకం శక్తివైభవికం పరమ్ || ౧౫ ||
సుఖాసుఖం మహాసౌఖ్యరూపం త్వయి విభావ్యతే |
ఏవం దేవి త్వయా వ్యాప్తం సకలం నిష్కలంచ యత్ |
అద్వైతావస్థితం బ్రహ్మ యచ్చ ద్వైతే వ్యవస్థితమ్ || ౧౬ ||
యేఽర్థా నిత్యా యే వినశ్యంతి చాన్యే
యే వా స్థూలా యే చ సూక్ష్మాతిసూక్ష్మాః |
యే వా భూమౌ యేఽంతరీక్షేఽన్యతో వా
తేషాం తేషాం త్వత్త ఏవోపలబ్ధిః || ౧౭ ||
యచ్చామూర్తం యచ్చ మూర్తం సమస్తం
యద్వా భూతేష్వేకమేకంచ కించిత్ |
యద్దివ్యస్తి క్ష్మాతలే ఖేఽన్యతో వా
త్వత్సంబంధం త్వత్స్వరైర్వ్యంజనైశ్చ || ౧౮ ||
ఇతి శ్రీమారికండేయపురాణే త్రయోవింశోఽధ్యాయే అశ్వతర ప్రోక్త మహా సరస్వతి స్తవం ||
śrī mahā sarasvati stavam
aśvatara uvāca
jagaddhātrīmahaṃ dēvīmārirādhayiṣuḥ śubhām |
stōṣyē praṇamya śirasā brahmayōniṃ sarasvatīm || 1 ||
sadasaddēvi yatkiñcinmōkṣavaccārthavatpadam |
tatsarvaṃ tvayyasaṃyōgaṃ yōgavaddēvi saṃsthitam || 2 ||
tvamakṣaraṃ paraṃ dēvi yatra sarvaṃ pratiṣṭhitam |
akṣaraṃ paramaṃ dēvi saṃsthitaṃ paramāṇuvat || 3 ||
akṣaraṃ paramaṃ brahma viśvañcaitatkṣarātmakam |
dāruṇyavasthitō vahnirbhāumāśca paramāṇavaḥ || 4 ||
tathā tvayi sthitaṃ brahma jagaccēdamaśēṣataḥ |
ōṃkārākṣarasaṃsthānaṃ yattu dēvi sthirāsthiram || 5 ||
tatra mātrātrayaṃ sarvamasti yaddēvi nāsti ca |
trayō lōkāstrayō vēdāstravidyaṃ pāvakatrayam || 6 ||
trīṇi jyōtīṃṣi varṇāśca trayō dharmāgamāstathā |
trayō guṇāstrayaḥ śabdastrayō vēdāstathāśramāḥ || 7 ||
trayḥ kālāstathāvasthāḥ pitarō'harniśādayaḥ |
ētanmātrātrayaṃ dēvi tava rūpaṃ sarasvati || 8 ||
vibhinndarśināmādyā brahmaṇō hi sanātanāḥ |
sōmasañsthā haviḥ sañsthāḥ pākasañsthāśca sapta yā || 9 ||
tāstvaduccāraṇāddēvi kriyantē brahmavādibhiḥ |
anirdēśyaṃ tathā cānyadardhamātrānvitaṃ param || 10 ||
avikāryakṣayaṃ divyaṃ pariṇāmavivarjitam |
tavaitatparamaṃ rūpaṃ yanna śakyaṃ mayōditum || 11 ||
na cāsyēna ca tajjihvā tāmrōṣṭhādibhirucyatē |
indrō'pi vasavō brahmā candrārkāu jyōtirēva ca || 12 ||
viśvāvāsaṃ viśvarūpaṃ viśvēśaṃ paramēśvaram |
sāṅkhyavēdāntavādōktaṃ bahuśākhāsthirīkr̥tam || 13 ||
anādimadhyanidhanaṃ sadasanna sadēva yat |
ēkaṃtvanēkaṃ nāpyēkaṃ bhavabhēdasamāśritam || 14 ||
anākhyaṃ ṣaḍguṇākhyañca vargākhyaṃ triguṇāśrayam |
nānāśaktimatāmēkaṃ śaktivāibhavikaṃ param || 15 ||
sukhāsukhaṃ mahāsāukhyarūpaṃ tvayi vibhāvyatē |
ēvaṃ dēvi tvayā vyāptaṃ sakalaṃ niṣkalañca yat |
advāitāvasthitaṃ brahma yacca dvāitē vyavasthitam || 16 ||
yē'rthā nityā yē vinaśyanti cānyē
yē vā sthūlā yē ca sūkṣmātisūkṣmāḥ |
yē vā bhūmāu yē'ntarīkṣē'nyatō vā
tēṣāṃ tēṣāṃ tvatta ēvōpalabdhiḥ || 17 ||
yaccāmūrtaṃ yacca mūrtaṃ samastaṃ
yadvā bhūtēṣvēkamēkañca kiñcit |
yaddivyasti kṣmātalē khē'nyatō vā
tvatsambandhaṃ tvatsvarāirvyañjanaiśca || 18 ||
iti śrī mārkaṇḍēyapurāṇē mahā sarasvati stavaṃ sampūrṇam ||