శ్రీ లక్ష్మీ అష్టోత్తర శతనామ స్తోత్రం
దేవ్యువాచ
దేవదేవ! మహాదేవ! త్రికాలజ్ఞ! మహేశ్వర!
కరుణాకర దేవేశ! భక్తానుగ్రహకారక! ‖
అష్టోత్తర శతం లక్ష్మ్యాః శ్రోతుమిచ్ఛామి తత్త్వతః ‖
ఈశ్వర ఉవాచ
దేవి! సాధు మహాభాగే మహాభాగ్య ప్రదాయకం |
సర్వైశ్వర్యకరం పుణ్యం సర్వపాప ప్రణాశనం || ౧ ||
సర్వదారిద్ర్య శమనం శ్రవణాద్భుక్తి ముక్తిదం|
రాజవశ్యకరం దివ్యం గుహ్యాద్-గుహ్యతరం పరం || ౨ ||
దుర్లభం సర్వదేవానాం చతుష్షష్టి కళాస్పదం|
పద్మాదీనాం వరాంతానాం నిధీనాం నిత్యదాయకం || ౩ ||
సమస్త దేవ సంసేవ్యం అణిమాద్యష్ట సిద్ధిదం |
కిమత్ర బహునోక్తేన దేవీ ప్రత్యక్షదాయకం || ౪ ||
తవ ప్రీత్యాద్య వక్ష్యామి సమాహితమనాశ్శృణు |
అష్టోత్తర శతస్యాస్య మహాలక్ష్మిస్తు దేవతా || ౫ ||
క్లీం బీజ పదమిత్యుక్తం శక్తిస్తు భువనేశ్వరీ |
అంగన్యాసః కరన్యాసః స ఇత్యాది ప్రకీర్తితః || ౬ ||
ధ్యానం
వందే పద్మకరాం ప్రసన్నవదనాం సౌభాగ్యదాం భాగ్యదాం
హస్తాభ్యామభయప్రదాం మణిగణైః నానావిధైః భూషితాం |
భక్తాభీష్ట ఫలప్రదాం హరిహర బ్రహ్మాధిభిస్సేవితాం
పార్శ్వే పంకజ శంఖపద్మ నిధిభిః యుక్తాం సదా శక్తిభిః ‖
ఓం ప్రకృతిం, వికృతిం, విద్యాం, సర్వభూత హితప్రదాం |
శ్రద్ధాం, విభూతిం, సురభిం, నమామి పరమాత్మికాం ‖ ౧ ‖
వాచం, పద్మాలయాం, పద్మాం, శుచిం, స్వాహాం, స్వధాం, సుధాం |
ధన్యాం, హిరణ్యయీం, లక్ష్మీం, నిత్యపుష్టాం, విభావరీం ‖ ౨ ‖
అదితిం చ, దితిం, దీప్తాం, వసుధాం, వసుధారిణీం |
నమామి కమలాం, కాంతాం, క్షమాం, క్షీరోద సంభవాం ‖ ౩ ‖
అనుగ్రహపరాం, బుద్ధిం, అనఘాం, హరివల్లభాం |
అశోకా,మమృతాం దీప్తాం, లోకశోక వినాశినీం ‖ ౪ ‖
నమామి ధర్మనిలయాం, కరుణాం, లోకమాతరం |
పద్మప్రియాం, పద్మహస్తాం, పద్మాక్షీం, పద్మసుందరీం ‖ ౫ ‖
పద్మోద్భవాం, పద్మముఖీం, పద్మనాభప్రియాం, రమాం |
పద్మమాలాధరాం, దేవీం, పద్మినీం, పద్మగంధినీం ‖ ౬ ‖
పుణ్యగంధాం, సుప్రసన్నాం, ప్రసాదాభిముఖీం, ప్రభాం |
నమామి చంద్రవదనాం, చంద్రాం, చంద్రసహోదరీం ‖ ౭ ‖
చతుర్భుజాం, చంద్రరూపాం, ఇందిరా,మిందుశీతలాం |
ఆహ్లాద జననీం, పుష్టిం, శివాం, శివకరీం, సతీం ‖ ౮ ‖
విమలాం, విశ్వజననీం, తుష్టిం, దారిద్ర్య నాశినీం |
ప్రీతి పుష్కరిణీం, శాంతాం, శుక్లమాల్యాంబరాం, శ్రియం ‖ ౯ ‖
భాస్కరీం, బిల్వనిలయాం, వరారోహాం, యశస్వినీం |
వసుంధరా, ముదారాంగాం, హరిణీం, హేమమాలినీం ‖ ౧౦ ‖
ధనధాన్యకరీం, సిద్ధిం, స్రైణసౌమ్యాం, శుభప్రదాం |
నృపవేశ్మ గతానందాం, వరలక్ష్మీం, వసుప్రదాం ‖ ౧౧ ‖
శుభాం, హిరణ్యప్రకాకారాం, సముద్రతనయాం, జయాం |
నమామి మంగళాం దేవీం, విష్ణు వక్షఃస్థల స్థితాం ‖ ౧౨ ‖
విష్ణుపత్నీం, ప్రసన్నాక్షీం, నారాయణ సమాశ్రితాం |
దారిద్ర్య ధ్వంసినీం, దేవీం, సర్వోపద్రవ వారిణీం ‖ ౧౩ ‖
నవదుర్గాం, మహాకాళీం, బ్రహ్మ విష్ణు శివాత్మికాం |
త్రికాలజ్ఞాన సంపన్నాం, నమామి భువనేశ్వరీం ‖ ౧౪ ‖
లక్ష్మీం క్షీరసముద్రరాజ తనయాం శ్రీరంగధామేశ్వరీం |
దాసీభూత సమస్తదేవ వనితాం లోకైక దీపాంకురాం‖
శ్రీమన్మంద కటాక్ష లబ్ధ విభవద్-బ్రహ్మేంద్ర గంగాధరాం |
త్వాం త్రైలోక్య కుటుంబినీం సరసిజాం వందే ముకుందప్రియాం ‖ ౧౫ ‖
ఫలశ్రుతి
త్రికాలం యో జపేత్ విద్వాన్ షణ్మాసం విజితేంద్రియః |
దారిద్ర్య ధ్వంసనం కృత్వా సర్వమాప్నోత్-యయత్నతః || ౧౭ ||
భృగువారే శతం ధీమాన్ పఠేత్ వత్సరమాత్రకం |
అష్టైశ్వర్య మవాప్నోతి కుబేర ఇవ భూతలే || ౧౮ ||
భుక్త్వాతు విపులాన్ భోగాన్ అంతే సాయుజ్యమాప్నుయాత్ |
ప్రాతఃకాలే పఠేన్నిత్యం సర్వ దుఃఖోప శాంతయే || ౧౯ ||
ఇతి శ్రీ లక్ష్మీ అష్టోత్తర శతనామ స్తోత్రం సంపూర్ణమ్ ||
śrī lakṣmī aṣṭōttara śatanāma stōtram
dēvyuvāca
dēvadēva! mahādēva! trikālajña! mahēśvara!
karuṇākara dēvēśa! bhaktānugrahakāraka! ||
aṣṭōttara śataṃ lakṣmyāḥ śrōtumicchāmi tattvataḥ ||
īśvara uvāca
dēvi! sādhu mahābhāgē mahābhāgya pradāyakam |
sarvaiśvaryakaraṃ puṇyaṃ sarvapāpa praṇāśanam || 1 ||
sarvadāridrya śamanaṃ śravaṇādbhukti muktidam|
rājavaśyakaraṃ divyaṃ guhyād-guhyataraṃ param || 2 ||
durlabhaṃ sarvadēvānāṃ catuṣṣaṣṭi kaḷāspadam|
padmādīnāṃ varāntānāṃ nidhīnāṃ nityadhāyakam || 3 ||
samasta dēva saṃsēvyaṃ aṇimādyaṣṭa siddhidam |
kimatra bahunōktēna dēvī pratyakṣadhāyakam || 4 ||
tava prītyādhya vakṣyāmi samāhitamanāśśṛṇu |
aṣṭōttara śatasyāsya mahālakṣmistu dēvatā || 5 ||
klīṃ bīja padamityuktaṃ śaktistu bhuvanēśvarī |
aṅganyāsaḥ karanyāsaḥ sa ityādi prakīrtitaḥ || 6 ||
dhyānam
vandē padmakarāṃ prasannavadanāṃ sāubhāgyadhāṃ bhāgyadhāṃ
hastābhyāmabhayapradāṃ maṇigaṇaiḥ nānāvidhaiḥ bhūṣitām |
bhaktābhīṣṭa phalapradāṃ harihara brahmādibhissēvitām
pārśvē paṅkaja śaṅkhapadma nidhibhiḥ yuktāṃ sadā śaktibhiḥ ||
ōṃ prakṛtiṃ, vikṛtiṃ, vidyāṃ, sarvabhūta hitapradām |
śraddhāṃ, vibhūtiṃ, surabhiṃ, namāmi paramātmikām || 1 ||
vācaṃ, padmālayāṃ, padmāṃ, śuciṃ, svāhāṃ, svadhāṃ, sudhām |
dhanyāṃ, hiraṇyayīṃ, lakṣmīṃ, nityapuṣṭāṃ, vibhāvarīm || 2 ||
aditiṃ ca, ditiṃ, dīptāṃ, vasudhāṃ, vasudhāriṇīm |
namāmi kamalāṃ, kāntāṃ, kṣamāṃ, kṣīrōda sambhavām || 3 ||
anugrahaparāṃ, buddhiṃ, anaghāṃ, harivallabhām |
aśōkā,mamṛtāṃ dīptāṃ, lōkaśōka vināśinīm || 4 ||
namāmi dharmanilayāṃ, karuṇāṃ, lōkamātaram |
padmapriyāṃ, padmahastāṃ, padmākṣīṃ, padmasundarīṃ || 5 ||
padmōdbhavāṃ, padmamukhīṃ, padmanābhapriyāṃ, ramām |
padmamālādharāṃ, dēvīṃ, padminīṃ, padmagandhinīm || 6 ||
puṇyagandhāṃ, suprasannāṃ, prasādābhimukhīṃ, prabhām |
namāmi candravadanāṃ, candrāṃ, candrasahōdarīm || 7 ||
caturbhujāṃ, candrarūpāṃ, indirā,minduśītalām |
āhlāda jananīṃ, puṣṭiṃ, śivāṃ, śivakarīṃ, satīm || 8 ||
vimalāṃ, viśvajananīṃ, tuṣṭiṃ, dāridrya nāśinīm |
prīti puṣkariṇīṃ, śāntāṃ, śuklamālyāmbarāṃ, śriyam || 9 ||
bhāskarīṃ, bilvanilayāṃ, varārōhāṃ, yaśasvinīm |
vasundharā, mudārāṅgāṃ, hariṇīṃ, hēmamālinīm || 10 ||
dhanadhānyakarīṃ, siddhiṃ, sraiṇasāumyāṃ, śubhapradām |
nr̥pavēśma gatānandāṃ, varalakṣmīṃ, vasupradām || 11 ||
śubhāṃ, hiraṇyaprākārāṃ, samudratanayāṃ, jayāṃ |
namāmi maṅgaḷāṃ dēvīṃ, viṣṇu vakṣasthala sthitām || 12 ||
viṣṇupatnīṃ, prasannākṣīṃ, nārāyaṇa samāśritām |
dāridrya dhvaṃsinīṃ, dēvīṃ, sarvōpadrāva vāriṇīm || 13 ||
navadurgāṃ, mahākāḷīṃ, brahma viṣṇu śivātmikām |
trikālajñāna sampannāṃ, namāమి bhuvanēśvarīm || 14 ||
lakṣmīṃ kṣīrasamudrarāja tanayāṃ śrīraṅgadhāmēśvarīm |
dāsībhūta samastadēva vanitāṃ lōkaika dīpāṅkurām||
śrīmanmanda kaṭākṣa labdha vibhavadh-brahmēndra gaṅgādharām |
tvāṃ trailōkya kuṭumbinīṃ sarasijāṃ vandē mukundapriyāṃ || 15 ||
phalaśrutiḥ
trikālaṃ yō japēt vidvān ṣaṇmāsaṃ vijitēndriyaḥ |
dāridrya dhvaṃsanaṃ kṛtvā sarvamāpnōt-yayatnataḥ || 17 ||
bhṛguvārē śataṃ dhīmān paṭhēt vatsaramātrakam |
aṣṭaiśvarya mavāpnōti kubēra iva bhūtalē || 18 ||
bhuktvātu vipulān bhōgān antē sāyujyamāpnuyāt |
prātahkālē paṭhēnnityaṃ sarva duḥkhōpa śāntayē || 19 ||
iti śrī lakṣmī aṣṭōttara śatanāma stōtraṃ sampūrṇam ||