శ్రీ కుమారీ స్తోత్రం
జగత్పూజ్యే జగద్వంద్యే సర్వశక్తిస్వరూపిణి |
పూజాం గృహాణ కౌమారి జగన్మాతర్నమోఽస్తు తే || ౧ ||
త్రిపురాం త్రిగుణాధారాం త్రివర్గజ్ఞానరూపిణీమ్ |
త్రైలోక్యవందితాం దేవీం త్రిమూర్తిం పూజయామ్యహమ్ || ౨ ||
కలాత్మికాం కలాతీతాం కారుణ్యహృదయాం శివామ్ |
కల్యాణజననీం దేవీం కల్యాణీం పూజయామ్యహమ్ || ౩ ||
అణిమాదిగుణాధరామకారాద్యక్షరాత్మికామ్ |
అనంతశక్తికాం లక్ష్మీం రోహిణీం పూజయామ్యహమ్ || ౪ ||
కామచారీం శుభాం కాంతాం కాలచక్రస్వరూపిణీమ్ |
కామదాం కరుణోదారాం కాలికాం పూజయామ్యహమ్ || ౫ ||
చండవీరాం చండమాయాం చండముండప్రభంజినీమ్ |
పూజయామి సదా దేవీం చండికాం చండవిక్రమామ్ || ౬ ||
సదానందకరీం శాంతాం సర్వదేవనమస్కృతామ్ |
సర్వభూతాత్మికాం లక్ష్మీం శాంభవీం పూజయామ్యహమ్ || ౭ ||
దుర్గమే దుస్తరే కార్యే భవదుఃఖవినాశినీమ్ |
పూజయామి సదా భక్త్యా దుర్గాం దుర్గార్తినాశినీమ్ || ౮ ||
సుందరీం స్వర్ణవర్ణాభాం సుఖసౌభాగ్యదాయినీమ్ |
సుభద్రజననీం దేవీం సుభద్రాం పూజయామ్యహమ్ || ౯ ||
ఇతి శ్రీ కుమారీ స్తోత్రం ||
śrī kumārī stōtram
jagatpūjyē jagadvandyē sarvaśaktisvarūpiṇi |
pūjāṃ gr̥hāṇa kāumari jaganmātarnamō'stu tē || 1 ||
tripurāṃ triguṇādhārāṃ trivargajñānarūpiṇīm |
trailōkyavanditāṃ dēvīṃ trimūrtiṃ pūjayāmyaham || 2 ||
kalātmikāṃ kalātītāṃ kāruṇyahr̥dayāṃ śivām |
kalyāṇajananīṃ dēvīṃ kalyāṇīṃ pūjayāmyaham || 3 ||
aṇimādiguṇadharāmakārādyakṣarātmikām |
anantaśaktikāṃ lakṣmīṃ rōhiṇīṃ pūjayāmyaham || 4 ||
kāmacārīṃ śubhāṃ kāntāṃ kālacakrasvarūpiṇīm |
kāmadāṃ kāruṇyōdārāṃ kālikāṃ pūjayāmyaham || 5 ||
caṇḍaviīrāṃ caṇḍamāyāṃ caṇḍamuṇḍaprabhañjinīm |
pūjayāmi sadā dēvīṃ caṇḍikāṃ caṇḍavikramām || 6 ||
sadānandakarīṃ śāntāṃ sarvadēvanamaskr̥tām |
sarvabhūtātmikāṃ lakṣmīṃ śāmbhavīṃ pūjayāmyaham || 7 ||
durgamē dustarē kāryē bhavaduḥkhavināśinīm |
pūjayāmi sadā bhaktyā durgāṃ durgārtināśinīm || 8 ||
sundariīṃ svarṇavarṇābhāṃ sukhasāubhāgyadāyinīm |
subhadrajananīṃ dēvīṃ subhadrāṃ pūjayāmyaham || 9 ||
iti śrī kumārī stōtram |